ВУЗ: Не указан
Категория: Не указан
Дисциплина: Не указана
Добавлен: 22.11.2023
Просмотров: 18
Скачиваний: 1
ВНИМАНИЕ! Если данный файл нарушает Ваши авторские права, то обязательно сообщите нам.
8 - наурыз әйелдер күніне арналған "Қыздар, қыздар, сұлу қыздар" атты мектепшілік мереке
жүргізуші:
Армысыздар, мектебімнің асылдары,
Жайнаған көңілдердің жасы бағы.
Сіздер үшін ән мен күй, өлең мен би,
Сіздер үшін мереке шашулары!
жүргізуші: Қайырлы күн, қымбатты арулар!
Эпостағы Қыз Жібек пен Баян, аңыз аналар Айша бибі мен Абақ, Абайды туған Ұлжан, ел билеген Айғаным аналардың сіңілелері, ардақты арулар!
Өздеріңізге арналған салтанатты жиынды ашық деп жариялауға рұқсат етіңіздер!
Ән Шыңғыстың орындауында «Қазақ қызы»
жүргізуші:
Қымбатты арулар! Өздеріңізге арналған мереке күннің көктемнің алғашқы шуақты күндерімен дөп келуі қандай тамаша!
Аналар мерекесі кезінде табиғат жадырап, күн күліп, дархан даламыздың барлық өңірі жылылыққа бөленеді! Осындай мерекелі күнде жылы лебіздер айтқанға не жетсін!
Музыкалық номер: Жақсыбек пен Дамирдің орындауында «Тепенкөк» күйі қарсы алыңыздар
жүргізуші:
Қыз сұлу көрінеді қылығымен,
Жарыса төгілген қос бұрымымен.
Бұл күні сұлулықтың үлкені осы,
Қыз сұлу көрінеді білімімен.
Қыз сұлу көрінеді шашыменен,
Ай қабақ қиған қара қасыменен.
Қыз сұлу көрінеді толған айдай.
Он бес пен он сегізде жасыменен.
Ойын Рамазан «Сөз құра» ойынын ойнатады.
жүргізуші:
Қыз сұлу көрінеді өрнегімен,
Тізілтіп сөз маржанын тергенімен.
Майысып бұратылып, майда басып.
Жаныңа наз қылықпен келгенімен
Дарытқан бар асылды өз елінен,
Қыз сұлу көрінеді өнерімен.
Құлпырады мектебімнің арулары,
Өткендей сұлулықтың елегінен.
Музыкалық номер: Ұлдардың орындауында «Шоқ қыздар» әнін тамашалаңыздар
жүргізуші:
Арулар – асыл жандар!
Шуақ боп шашылғандар,
Қуат боп тасығандар,
Құшақ боп ашылғандар!
Арулар – асыл жандар!
Ойын Ислам «Эстафета» ойынын ойнатады
.
жүргізуші:
«Әйел бір қолымен бесік тербетсе, екінші қолымен әлемді тербетеді!»
Құрметті арулар, асыл жандар! Өздеріңізге арнап жыр жазбаған ақын, ән арнамаған сазгер бар ма?
Қылқалам шеберлері нәзік жандардың хас сұлулығын шығармашылығына арқау етіп, бүкіл әлемге сұлулықты паш етеді!
Сіздерге әрқашан, әр күні, әр сағатта жақсы лебіздерімізді білдіреміз. 7 Б сыныбының ұлдарының жылы лебізін қарсы алыңдар.
жүргізуші:
Құрметті ару жандар, аяулы қыздар!
Сіздер бір отбасын емес, бүкіл әлемді аялы алақандарыңызбен тербете алатын адамзат баласының рухы, жігерісіздер! Сіздер Тәуелсіз еліміздегі бейбіт, тірлік пен бірліктің, жарқын болашаққа деген сенімнің, ізгілік пен мейірімділіктің ұйытқысыздар.
Құрметті арулар! Осымен өздеріңізге арналған салтанатты жиын да аяқталуға жақындады. Сіздерді мерекелеріңізбен тағы да құттықтай отырып, отбасыларыңызға береке - бірлік, еңбектеріңізге толағай табыс, дендеріңізге саулық тілейміз!