ВУЗ: Не указан
Категория: Не указан
Дисциплина: Не указана
Добавлен: 04.12.2023
Просмотров: 24
Скачиваний: 1
ВНИМАНИЕ! Если данный файл нарушает Ваши авторские права, то обязательно сообщите нам.
Мадина Бегалиева атындағы жалпы орта білім беретін мектеп
Тақырыбы:
«Бір шаңырақ астында!»
2022-2023 оқу жылы
Тақырыбы: «Бір шаңырақ астында!»
Мақсаты: көпұлтты Қазақстан Республикасының халықтар достығы – еліміздің бірлігінің кепілдігі екендігін таныту. Әр халықтың өнері, оның рухани байлығының негізін баланың жүрегіне өз ұлтының тілін, дінін біле отырып, өзге ұлттың рухани байлығын сыйлауға, құрметтеуге тәрбиелеу.
Жүргізуші:
Қайырлы күн кұрметті ұстаздар, оқушылар! 1-Мамыр – Қазақстан халқының ынтымағы мен бірлігі мерекесі құтты болсын! Бүгінгі халық аралық бірлік күнін бастауға рұқсат етіңіздер!
Бүгінгі күн ерекше, өйткені 1-Мамыр Қазақстан халықтарының бірлігі күні мерекесі қарсаңында «Бір шаңырақ астында!» атты салтанатты жиын өткізіліп отыр. Қазақстан түрлі ұлттардың басын қосқан ұлы мекен. Қазақтың байтақ даласы бүгінде 130 - дан артық ұлт өкілдеріне ортақ отан болып тұр. Олардың салт-дәстүрлері, тілі мен мәдениеті жоғалмас үшін қолайлы жағдай жасалған. Әрі бұл күн, Қазақстан халқы үшін ең ірі мерекелердің бірі. Еліміздің барлық өңірлерінде дерлік 1 мамыр тойланады.
Бақыт-бірлік күн талабы.
Тоқтамайды дабыр әні
Мәңгі бақи шырқалады
Республикам Әнұраны!
Салтанатты жиында ҚР-ның мемлекеттік әнұраны шырқалсын!
Жүргізуші:
1-мамыр мерекесі 1996 жылдан бастап тойланады. 1995 жылдың 18 қазанында Қазақстан президенті Нұрсұлтан Әбішұлы Назарбаевтің жарлығы бойынша 1 мамыр Қазақстан халықтарының бірлігі күні деп жарияланды. Қазақстанның саяси қайраткерлерінің пікірі бойынша, ұлтаралық және дінаралық келісімнің сақталуы, олар жүргізіп жатқан саясатының басты қағидаларының бірі болып табылады.
Сіздерді бүгінгі Халықаралық ынтымақ күні 1 – Мамыр мерекесімен құттықтау үшін сөз кезегін директордың оқу ісі жөніндегі орынбасары Байболова Сағадат Саржановнаға беріледі.
Жүргізуші:
Қуаныштан желпілдейді түндігім
Бар халықтың бірлік тойы күн бүгін,
Халқым мәңгі ғұмыр кешсін бақытты,
Бір тамырмен байлап қойған кіндігін!!!
«Бірлігіміз жарасқан» әнімен « » 5 сынып оқушыларын қарсы алыңыздар!
Жүргізуші:
Адамзаттың арманын ұғып бірден,
Сенім құйып, үнінен үміт күлген,
Сан халықты бір тудың аясына
Бір әнмен біріктірген.
Би Асем ай би тобын қарсы алыңыздар
1 жүргізуші:
Қазақ қашаннан да бауырмал халық қой. Әр кезеңдерде елімізден пана іздеп келген "жат жұрттардың" бәрін бауырына басып, төрінен орын береді.
Келесі кезекте 5- 10 сыныптан құралған ұлттар флешмобын қошеметпен ортаға шақырамыз.
1 жүргізуші:
Тілі бөлек болғанымен тілек бір
Ұлы достық мәпелеген жүрек гүл,
Қазақстан бар ұлысқа шаңырақ
Шайқалмастан шаттығымыз тіреп тұр.
Ән «Ақ көгершін» орындайтын хор (барлық сынып оқушылары)
1 жүргізуші: Қазақстан сияқты жас мемлекеттің өркендеуінің бір кепілі еліміздегі ынтымақтастық пен бейбіт өмір! Ендеше, бейбітшілік жасасын! Ынтымақтастық жасасын! Қазақстан халықтарының бірлігі жасасын!
Бір ата, бір ананың түлегіміз,
Бір болсын қайда жүрсек тілегіміз,
«Бірлік бар да, тірлік бар» деген бабам
Бірлік деп бірге соқсын жүрегіміз.
Баршаларыңызға, әр отбасына, әр қазақстандыққа шынайы көңілмен бақыт - береке тілейміз. Еліміз аман, жұртымыз тыныш болсын!