Файл: араанды облысы ббд араанды облысы ббд оудістемелік орталыы оудістемелік.docx
ВУЗ: Не указан
Категория: Не указан
Дисциплина: Не указана
Добавлен: 09.12.2023
Просмотров: 14
Скачиваний: 1
ВНИМАНИЕ! Если данный файл нарушает Ваши авторские права, то обязательно сообщите нам.
| Келісілді Бекітемін Қарағанды облысы ББД Қарағанды облысы ББД оқу-әдістемелік орталығы оқу-әдістемелік директорының орынбасары орталығының директоры __________Б. Абдикерова __________Г. Қожахметова « »________2015 ж « »_________2015 ж |
Қарағанды облысы мамандандырылған мектеп-интернаттарының қазақ тілі мен әдебиеті және орыс тілі мен әдебиеті мұғалімдерінің бірлестіктері арасында «Ең үздік әдістемелік бірлестік» байқауын өткізу
ЕРЕЖЕСІ
Осы ереже «Ең үздік әдістемелік бірлестік» (бұдан әрі - Байқау) облыстық байқауының мақсаттарын, міндеттерін, дайындық тәртібін және өткізілуін анықтайды.
І. Байқау мақсаттары мен міндеттері.
1.1. Байқау мақсаты – қазақ тілі мен әдебиеті, орыс тілі мен әдебиеті әдістемелік бірлестіктерінің озық жұмыстарын анықтау, қолдау, педагогикалық іс-тәжірибелерін тарату.
1.2. Байқаудың негізгі міндеттері:
-
қазақ тілі мен әдебиеті, орыс тілі мен әдебиеті мұғалімдерінің әдістемелік бірлестігі жұмыстарының мазмұны, түрлері, әдістерімен іс жүзінде танысу; -
мұғалімдердің педагогикалық жаңалықтарын, шығармашылықтарын, зерттеу белсенділіктерін, педагогикалық кәсіби өсуін зерделеу және таңдау; -
мұғалімдердің ізденіс, эксперименттік-тәжірибе жұмыстарын анықтау, тарату; -
педагогикалық тәжірибе жинақтауға, шығармашылық дамуға ынталандыру.
ІІ. Жалпы ережелер.
2.1. Байқау бойынша басшылықты, ұйымдастыруды, ақпараттық қамтамасыз етуді Қарағанды облысы білім беруді дамытудың оқу-әдістемелік орталығы іске асырады.
3. Байқауды өткізу тәртібі және шарттары.
3.1. Байқау 2015-2016 оқу жылының 5 ақпан мен 8 сәуір аралығында екі кезеңде өтеді.
I кезең - сырттай (түскен материалдарды сараптау, баға беру, келесі кезеңге әдістемелік бірлестіктердің портфолиоларын таңдап алу) 2015-2016 оқу жылының ақпан айында өтеді.
II кезең - ішкі (үздік портфолиолардың қорғалуы, байқауды қорытындылау) ағымдағы оқу жылының 8 сәуірінде өткізіледі.
3.2. Байқауға облыстағы мамандандырылған мектеп-интернаттарының әдістемелік бірлестіктері қатысады.
3.3. Келіп түскен материалдарды зерделеу мақсатында Сараптамалық Кеңес құрылады. Сараптамалық Кеңес ұйымдастыру комитеті бекіткен баға өлшемдеріне сәйкес байқау материалдарын бағалайды; сараптамалық қорытынды негізінде бағалау парағы мен қатысушылардың рейтингісін толтырғаннан кейін, ашық түрде қорғалуына рұқсат беруге шешім қабылдайды.
4. Байқаудың мазмұны.
4.1 Байқауға қатысу үшін 2014-2015 оқу жылындағы әдістемелік бірлестіктің портфолиосында келесі бағыттар бойынша материалдар қамтылуы тиіс:
-
Ұйымдастырушылық қызметі; -
Оқу – әдістемелік қызметі; -
Сыныптан тыс жұмыс қызметі.
4.2. «Ұйымдастырушылық қызметі» бағыты бойынша қатысушылар келесі материалдарды ұсынуы қажет:
-
ӘБ жұмыс жоспарын (перспективтік, ағымдық, жартыжылдық, айлық); -
ӘБ хаттамасы, әдістемелік бірлестік отырыстарының материалдарын
(сөйлеушілердің сөзі, баяндамалар, есеп берулері, сабақтардың әзірлемелері т.б);
-
ӘБ жұмысы туралы есеп, ӘБ мүшелері қызметтерінің мониторингі; -
Әдістемелік бірлестіктердегі мұғалімдердің сандық және сапалық құрамының мониторингі; -
Зертханалардың, кабинеттердің жұмыс жоспары; -
ӘБ барлық мұғалімдерінің жеке жұмыс жоспары; -
Оқушылармен жүргізілген жеке жұмыстардың мониторингі; -
Бақылау, тексеру жұмыстарының диагностикалық қорытындылары, мониторингі.
Бағалау өлшемдері:
- нормативтік талаптарға сәйкестігі;
- орындалу сапасы;
- шығармашылық көзқарас;
- жаңашылдығы мен өзіндік ерекшелігі.
4.3. «Оқу-әдістемелік қызметі» бағыты бойынша қатысушылар келесі материалдарды ұсынуы қажет:
-
Әдістемелік бірлестік мұғалімдерінің ғылыми-әдістемелік, шығармашылық қызметтерінің мониторингі; -
Ашық сабақтар мен сыныптан тыс іс-шаралардың (пән бойынша) әдістемелік әзірлемелері; -
Соңғы 3 жыл арасындағы ӘБ озық педагогикалық тәжірибелерін тарату материалдары («қоржындар», есептер, жарияланымдар, семинарлар);
Бағалау өлшемдері:
- ұсынылған материалдың өзектілігі;
- орындалу сапасы;
- жұмыстардың тәжірибелік бағыттары мен мәні.
4.4. «Сыныптан тыс жұмыс қызметі
» бағыты бойынша қатысушылар келесі материалдарды ұсынуы қажет:
- факультативтер мен үйірмелердің бағдарламаларын;
- сыныптан тыс іс-шаралардың әзірлемелерін (бейнетаспалар мен фотосуреттермен қоса);
- сыныптан тыс жұмыстар бойынша орындалған жобаларын (оқушылар мен мұғалімдердің);
- конкурсқа қатысушылардың қалауы бойынша тағы да басқа әзірлемелер.
Бағалау өлшемдері:
- өзектілігі;
- жаңашылдығы;
- нәтижелілігі;
- енгізілуі.
5. II кезең – ең үздік портфолионы ашық түрде қорғау, байқауды қорытындылау 2016 жылдың 8 сәуірінде өтеді.
Бұл кезеңде қатысушылар әдістемелік бірлестіктердің ең үздік портфолиосын презентация түрінде қорғайды.
6. Қорытынды шығару және байқау жеңімпаздарын марапаттау.
6.1.Сараптамалық Кеңестің қорытындысы бойынша облыстық мектеп-интернаттарының ең жақсы үш әдістемелік бірлестігі анықталады. Әр әдістемелік бірлестікке байқауға қатысқаны үшін сертификат беріледі.
7. Байқауға қатысу үшінсұранысты, материалдарды қабылдау.
Байқауға қатысу үшін (№ 2 Қосымшаға сәйкес) сұранысты және материалдарды ұйымдастыру комитеті 2016 жылдың 5-ші ақпанына дейін қабылдайды.
Білім мекемесі басшысының қолы қойылып, мөрімен бекітілген тапсырысты umc_ro_karaganda@mail.ru, kulyanda-s@mail.ru эл.поштасына жіберу қажет. Міндетті түрде «Ең үздік әдістемелік бірлестік» сайысына деп көрсетілсін.
Байқауға қатысушы әдістемелік бірлестіктің портфолиосын мына мекен-жайға тапсыру ұсынылады:
Қарағанды қаласы, С.Сейфуллин көшесі, 8/2, № 420 кабинет.
Байқау бойынша байланыс телефондары: 8 (7212) 44-56-30, 87021872717, 87009390506 (Сулейменова Кулянда Адамбековна).