Тақырыбы: «Жүйріктен жүйрік озар, жарысқанда!»

Мақсаты: Оқушылардың оқуға қызығушылығын арттыру, топпен жұмыс істеу қабілеттерін дамыту, еңбекке баулу, жауапкершілікке тәрбиелеу.
Қажет уақытында тез, дұрыс шешім қабылдай білуге дағдыландыру.
Көрнекілігі: слайдтар, жаңылтпаштар, жұмбақтар, есептер, ребустар.
Безендірілген зал, «Қына тасқа бітеді, Білім басқа бітеді» , «Ел ертеңі – білімді ұрпақ», «Ақыл-азбайды, Білім-тозбайды» деп жазылған плакаттар, гүлдер, шарлар. Барысы: Амандасу.

Бүгінгі кеш-қызықты кеш,

Көрермендер , халайық.

Ой-түйсікті қозғап қазір

Биікке қанат қағайық. (Ортаға оқушыларды шақыру.)

Ойын мақсаттарымен таныстыру.

Әділқазы алқасына бір сәлем,

Әділдікке бас иеді күллі әлем.

Жүйрік озар сайыстарда неше бір

Сарапқа сал әділдікпен шеше біл. Әділқазылармен таныстыру.

1. Кезекті ойыншылардың өздерін таныстыруына береміз.

Ей,балалар,балалар,

   Қане бері қараңдар

   Сайысымызды бастайық

   Сұрақтарға қиналмай

   Жауап беріп тастайық.

Қайсысы білгір, білімді,

Талабына қарайық.

Кімдер зерек, кім жылдам

Таланттарын табайық.

2. «Бәйге» Сұрақтарға жауап беру (1жауап-1ұпай)

1. 
   Қазақ алфавитінде неше әріп бар?
   
2. 
   Бір аптада неше күн бар?
   
3. 
   Жыл мезгілдерін ата.
   
4. 
   Сөйлем неден құралады?
   
5. 
   Қосылғыштардың орнын ауыстырғаннан қосындының мәні ....
   
6. 
   Көру мүшесін ата.
   
7. 
   Тірі табиғат денелерін ата.
   
8. 
   Есту мүшесін ата.
   
9. 
   Бір таңбалы санды ата.
   
10. 
    Біздің Еліміз қалай аталады?
    
11. 
    ҚР Мемлекеттік рәміздерін ата.
    
12. 
    Еліміздің астанасы қай қала?
    
13. 
    ҚР Президентінің аты-жөнін толық айт.
    
14. 
    ҚР Мемлекеттік тілі қай тіл?
    
15. 
    Өзіңнің мекенжайыңды толық айт.
    
16. 
    ҚР Мемлекеттік Туында нелер бейнеленген?
    
17. 
    Әкеңнің әкесі саған кім?
    
18. 
    Ән айтатын адам.
    
19. 
    Қой бағатын адам.
    
20. 
    Әкеңнің анасы саған кім болады?
    
21. 
    Күйді орындаушы кім?
    
22. 
    Сенің інің әкеңе кім болады?
    
23. 
    Бүгін аптаның нешінші күні?
    
24. 
    Анаңның әке-шешесі саған кім болады?
    
25. 
    Бүгінгі күнді, айды ата.
    

3. «Жұмбақ сайыс»

Ал, балалар, ойнайық,

Ойнайық та, ойлайық.

Қандай жұмбақ болса да,

Шешпей оны қоймайық.

Жұмбақтың шешуін тауып, сол сөзді қазақша, орысша, ағылшынша аудару. Қазақша – 10ұпай, орысша - 20ұпай, ағылшынша – 30 ұпай беріледі.

---

1. 
   Қабат-қабат қаттама,
   

Ақылың болса аттама. (кітап,книга, )

2. 
   Үйіңді қорғайды, Үйшікте тоңбайды. (ит, собака, )
   
3. 
   Қыс бойына жатады,
   

Тәтті ұйқыға батады. (аю, медведь, )

4. 
   Тұмсығымен қозғалар,
   

Соңында аппақ із қалар. (бор, мел, )

5. 
   Бес алманың үшеуін,
   

Досың сұрап алады.

Айтшы сонда нешеуі

Өз қолыңда қалады? ( екі, два , )

6. 
   Алмаға кеп күнара,
   

Қонушы еді бір ара.

Бүгін алты туысын

Алып кепті бұл ара.

Сонда бүгін алмаға

Келіп қонды қанша ара? (7, семь, )

7. 
   Бұрап қойған сағаттай,
   

Оятады таң атпай. ( Әтеш, петух, )

8. 
   Ақ сандығым ашылды,
   

Ішінен жібек шашылды. (күн, солнце, )

9. 
   Тілі жоқ өзінде,
   

Сөзі бар ізінде. (қалам, ручка, )

10. 
    Сағат сайын қағылады,
    

Тек мектептен табылады. (қоңырау, звонок, )

«Мен сиқыршымын» 2 балл

Суды шашып фонтанша,

Мұхиттарда жүреді.

«К»-ны алып тастасаң,

Адам көрсе үреді. (кит-ит)
Биік аспанмен,

Тіресіп тұрады.

«Т»-ны алып тастасаң,

Балықшының құралы. (тау-ау)
«Ш»-дан бастасаң,

Сен ішетін тамақпын.

«Ш»-ны алып тастасаң,

Мен бір алтын табақпын. (шай-ай)
Егер «Л»-дан бастасаң,

Мен төлдердің бірімін.

«Л»-ны алып тастасаң,

Мен түстің бірімін. (лақ-ақ)
«С»-дан бастасаң, балықтың аты.

«Қ»-дан бастасаң, ыдыс аты. (сазан-қазан)

5. 
   «Мен ақынмын» Буын ұйқас:
   

Ақ - ақ – ақ
Сарғайды күзгі жапырақ.
Са - са - са
Ызыңдайды маса.
Із - із - із
Бақшадағы сәбіз.
Ет - ет - ет
Алма, алмұрт салынатын себет.
Ой - ой - ой
Қорада тұр қой.
Ай - ай - ай
Ұшып кетті торғай.
Ай - ай - ай
Жайылып жүр тай.
Ға - ға - ға
Ұшып кетті қарға.
Кер - кер - кер
Тоқтар аға ғарышкер.
Ме - ме - ме
Жүзіп келеді кеме.

5.«Көршісін тап» Санның құрамы

Санаңды сенің толтырар,

Математика пәні бар.

Сабағыңды егер оқысаң

Өмірде саған жол болар.

6 «Математикалық бояу»Шартты түстер бойынша суретті бояп шығу керек.

7. Қорытынды бөлім.

Әділқазылыр алқасы бағаларын беріп, жеңімпаздарды анықтайды.

І орын «Дарынды оқушы»

ІІ орын «Білімді оқушы»

ІІІ орын «Алғыр оқушы»

«Ақылды оқушы» және «Ұқыпты оқушы» атағымен марапатталады.

---

---

Смотрите также файлы

• Педсовет 3 Профессиональное становление педагогов как средство повышения качества дошкольного образования 2023 уч год Цель.docx

• Опорный конспект разговора о ценности семейных традиций Тема Моя семья традиции и ценности Цель уточнить представления о членах семьи, семейных традициях и ценностях.docx

• Решить задачу в ларек привезли 56 кг яблок и разложили их поровну в 8 ящиков. Слив в один ящик помещается на 1 кг меньше, чем яблок. Сколько необходимо ящиков, чтобы разложить 54 кг слив Вычислить.docx

• Россия в годы великих потрясений (5 часов).docx

• 1блок БиологияГеография Задания с выбором одного правильного ответа.pdf