ВУЗ: Не указан
Категория: Не указан
Дисциплина: Не указана
Добавлен: 02.10.2025
Просмотров: 3634
Скачиваний: 0
A так Феофил, злучившися з листанским немецким мистром Р отбил литву пречь и отсЂк от Полоцка, a потым на килку мЂстцах войско Мендога, стрия своего, наголову поразил. Данило тежь кроль и Василко, брат его, князь володимерский, з другой стороны литву воевали и взяли от них Слоним, Волковыйск С, Мстибогов, которымы Т пановал Мендог. Учювши тое, Мендог, затрвожился велми, и выправил зараз послы свои до Данила, кроля руского, и до Василка, брата его, просячи o примирье, аже бы тым снаднЂй покой от них одержал. Послал им сына своего в закладЂ старшого Воиселка У, котрыи потым зостал чернцем, окрестившися в рускую вЂру. Але Данило кроль и Василко брат его, послов не приймуючи, a ни их слухаючи, тягнули з войском под Новгородок, a сына Мендагова Войселка послали до Слонима, a послов до Волковыйска, абы там зоставали под сторожею. A взявши Новгородок пустилися к УздзЂкову, палячи и пустошачи краи Мендаговы и велми много замков литовских побравши, своею русью осадили и вернулися до своих князств руских. A так Мендог, будучи отвсюль утисненый, послав др.угих послов до Данила кроля и Василка брата его, покорне просячи их o премирье Ф. A так ледво одержал покой от них Мендог за великими подарунками, и Данило звоевал Мазовшу Х.
Року 1265. Данило, кроль руский, давши Мендогови примирье a злучивши войско свое з его войском, учинил гетманом сестренца своего Ц Сварну Ч, a Мендог сам особою своею ишол з войском своим на Мазовшу, и ишли през лЂсы и старины, a вторгнувши зненацка y Мазовшу, збЂгли несподЂване Земовита, князя мозовецкого, з сыном Конрадом и зо всЂм двором его в фолварку в Вяздо†безпечне мешкаючого. Там Сварно сам своею рукою стял Земовита, князя мозовецкого, a сына его взял Мендог князь литовский Ш, и велми ласкаве з ним обходился, a потом Конрад выкупився в него. A так знову того ж року русь и литва, вздовжь и вшир, загоны свои войсковыи роспустивши, бЂдную Мазовшу окрутне сплюндровали Щ, и часть болшую земли Куявской збурили и з великого добычю скарбов, добытку, вязнев, стад и инших користей, попаливши замки Ъ, местечка, села додому повернули цЂло.
Сварно, князь руский, Полщу сплюндровал. Року 1266. Сварно, княжа руское, з войском руским и литовским на другий рок преправившися през Вислу Болеславови \л.439об.\ Встыдливому, кролеви полскому, около Кракова и Сендомира великие шкоды велми починивши, здобычами великими обтяжившися, вернулися до своих краев в покою.
Року 1267. Данило, кроль руский, помер Ы, зоста[ви]вши Ь по собЂ сынов двох: Лва и Романа, котрый ходил на помочь з войском руским Болеславови Встыдливому против Казимера князя куявского. А по смерти Данила кроля руского вщалися великие свары и бурды мижи княжатами рускими и сынами его, Лвом и Романом, o зверхность монархии Руской. Войселк тежь Мендоговичь, маючи час потому (под час интерегнум) килка замков руских опановал а, зобравши войско з литвы, з жмондов, з ятвягов тягнул на Волынь, хотячи выдрати Володимер з рук Лва Даниловича. Але Лев, чинячи мудре, з Войселком воины не вщинал, звлаща в затрвоженым по отцу свЂжо умерлым интерегнум, удался з Войселком в комъпромис до слушной o розных сполных границ угоды, котрый то Войселко всего Волыня упорне ся домагал, и роспустил войско свое Войселко, взявши час на сполную розмову з Лвом, кролевичем руским, и братом его Романом. A потом, будучи для ЬЬ угоды запрошеным до Володимера, зрадою Э забити есть и похованныи в Володимеру Э в монастыру святого Михаила Ю, бо был крещеный в рускую вЂру. Лев Данилович, забивши Войселка, славу и милость от руси одержал безпечно, сам в руских князствах, Подляском, Волынском, Киевском, Звиногородском и Подгорском, где Лвов мЂсто з двома замками на свое имя заложил Я, и по смерти стрыя своего Василия, брата Данилова, взявши Галичь широко и велможне пановал.
А на поле: Лев поражон Б второе и переделано из другоп буквы В на поле: продки княжат Отрозских Г написано над строкой c выносным знаком друзим почерком u другими чернилами Д—Д написано внизу листа c выносным знаком другим почерком u другими чернилами Е на поле: татар Константин поразил Ж е приписано в строку тем же почерком u теми же чернилами З написано очень нечетко по вытертому месту; все буквы н выносные ИЙ на поле: князь литовский Волынь пустошит К второе o переделано из другой буквы Л приписано другим почерком М в рукописи Дорогозин Н на поле: Лев утЂкает до Бранска О на поле: Волынь литва под себе взяла П второе и переделано из другой буквы Р буквы икъ написаны по вытертому месту С д написано по вытертому месту Т написано над строкой У на поле: Станислав монар[ха] киев[ский] Ф на поле: литва взяла Овручов Х буквы до приписаны другим почерком u другими чернилами
Року 1268. Лва Даниловича, великого князя, Лешко Чорный, крол полский, поразил А з войском его руским для той причины, же Лев мало що пред тым вторгнувши в Полшу великие починил Б шкоды ему.
Фамилия княжат Острозских. Роман Даниловичь, o котором Кромер чинит взмЂнку в книгах своих девятых, зоставил по собЂ сына Василия, князя Острозского В. Той Василий зоставил по собЂ сына Данила, княжа на Острогу; по ДанилЂ зостал сын его Феодор на Острогу; той Феодор против поляков мужне собЂ починал, наостаток от них з волохы преможон и поражон. По нем сын его Василий князем зостал Г на Острогу, а Д Василий зоставил по собЂ сына Ивана князем на Острогу Д; вси то были князЂ спокойные. От того Ивана был Константин князем Острозским и был пан валечный, поразил y Вишневца \л.439об.\ 24 000 татаров наголову Е, маючи при собЂ Миколая Каменецкого з шляхтою Подолских и Руских краев Ж, там же знову другим разом 26 000 татаров на пляцу положил. На Вендинской войнЂ в проиграной бит†з панами литовскими был поиманый и до Москвы заведен, там же его примушал князь московский, абы ему присягл, же противко его не мЂл воевати нигды, ани поляком помогати, чого он учинити не хотЂл, и так дорого окупитися мусЂл. Той Константин З двох потомков по собЂ зоставил, Илию и Константина. Илия помер без потомства, a Константин зоставил по собЂ двох сынов, Януша и Александра. Януш умер без потомства, a Александр сплодил двох сынов, Константина и Александра и дочок чотыри и з жалостю всЂх зыйшол c того свЂта. Немного теж и сынове его, Константин и Александер, по нем роскошовали, бо и они в молодом вЂку барзо живот сей смертию отменили.
Литва Русь воюет. Року 1274. Кгермонт Свияторовичь, князь жмутскийи литовский, зобравши войско, вторгнул на Волынь в державы Лва Даниловича, киевского и володимерского и луцкого князя, мстячися надним забитя Войселка, князя литовского ИЙ. Там великие починивши шкоды вернулся в покою до дому своего.
Гедимин, князь великий литовский, Русь плюндрует. Року 1285. Кгедимин Витенесовичь, великий князь литовский, з войском литовским и жмойтским, нЂмцов наголову поразивши, притягнул зненатска в землю Добринскую и всю сплюндровал. Потым того ж року, не складаючи зброи з себе, з тым же войском литовским и жмотским, также з русью полоцкою К, тягнул против волынским княжатам и напервЂй взял Володимер, забивши Володимира Лвовича, князя володимерского, а Л осадивши Володимер старостою своим и рицерством литовским, тягнул до Луцка против Лва Даниловича, князя луцкого, ижь Дорогичин М и Бересте литовское выдрал был ЛитвЂ. Лев слышачи то, же Володимер князь володимерский, сын его, есть поражоный и забитый от Гедимина, стрвожился собою и утекл до Брянска Н Сиверского до князя Романа, зятя своего, a Гедимин притягнул до Луцка и облегл замок. Зараз шляхта и чернь видячи, же князь их утекл, a их выдал, не хотЂли спротивлятися Гедимину, вси едностайне в моц и пановане зо всЂм \л.440.\ князством Луцким и всЂми пригородками его поддалися, и присягу потомного подданства учинили О, которых Гедимин, принявши в ласку, замок Луцкий и иншие пригородки рицерством своим осадивши и обваровавши, на зиму до Берестя литовского пустился. Там же сам зимуючи, войска свои вси роспустил в домы.
Року 1285. Гедимин П, великий князь литовский, скоро минул велик Р день С, зобравши все Т войско свое литовское, жмутское и руское, на другой недели по велице днЂ тягнул на князя киевского Станислава, от колЂна перваго, от варяг, князя российского Рурика У идущаго и пришед на него со многою силою, и притягнул найпервей под Овручов, замок князя Станислава, котрого добывши литвою осадил Ф. Потом Житомир, в котром много шляхты было замкнулося киевской, котрого то Житомира усилным штурмованем добывал Х; русь, боронячися, змордовалася; здалися Ц. Теды Гедимин старосту житомирского и рицерство руское зпровадил, a литвою своею мЂсто осадил.
Ц на поле: литва взяла Житомир ЧШ на поле: руские князЂ против Гедимина литвина збираются Щ в рукописи шаки Ъ буквы за над строкой ЪЪ на поле: поразила литва князей руских ы в рукописи от, причем т выносное Ъ на поле: Лва Даниловича и Олега князей забито Э c переделано из г Ю на поле: Гедимин з литвою под Киевом Я после o полустертая буква
А буквы их паписаны по другим буквам; над этими буквами видны следы надстрочных букв Б на поле: Киев Гедиминови здался В второе и переделано из c Г на поле: Гедимин взял Киев з мЂстами до него належачими Д я переделано из другой буквы Е и переделано из другой буквы Ж y переделано из o З y переделано из o И на поле: Владимир Олгердович продок княжат Отрозских
Кгедимин, князь литовский, тягнет на Киев. Потом Гедимин тягнул в Киевские волости, бурячи и палячи, що видячи Станислав, князь киевский, змовился з иншими княжаты сЂверскими и збиралися противко литвЂ. Князь переяславский Олег, князь луцкий Лев, Роман бранский з рицерством и войском, якое могли на той час згромадити ЧШ, стягнулися на ратунок до Станислава князя киевского, котрый обозом лежал над Ирпенем рЂкою, три мили от Киева. И злучивши в купу войско свое, котрое было велми великое, такъже и от татаров маючи помочь, стояли ушиковавшися в справЂ, чюючи, же Гедимин з литвою от ЖитомЂра идет смЂле и спЂшно против им. B тым литва и жмод скоро притягнули; зараз обои войска натерли на себе гвалтовне, з луков и куш стрЂляючи, влачнями, шаблями, и киями биючися, муж c мужем, конь c конем тЂсно ся скупили, крик, гук, громот отвсюль огромный. Битва з обу сторон еднаково трвала, наостаток Гедимин стрвожился, видячи своих барзо много побитых, отлучился c полком едным от валного войска на сторону, a потым з великим криком ударил в бок еден на войско руское, и прервал шики Щ стисненыи и помЂшал. Русь же ся з чола мусЂла противко нему рушити. Литва, русь и жмонд в едной спра†на чолЂ и по боках стоячи, на змЂшаную русь тым смЂлей натирали, \л.440об.\ ижь не могл гвалтовнаго наЂзду их Станислав, князь киевский, вытрвати, почал назад Ъ уступаты, a литва за ними натирала гвалтовне ЪЪ. Олег тежь, князь переяславский, Роман князь бранский, Лев князь луцкий не долго на пляцу стояли, видячи князя Станислава, же з своими кияны уступовал. Еднак же Лев Даниловичь, князь луцкий, котрому ишло о Ы Луцкое князство, c котрого недавно был выгнан, смЂле над инших на литву натирал и з Олгом, князем переяславским. Там же в замЂшаной бит†князя Лва Даниловича и князя Олга забито Ь; a тая война была в тридесятих верстах от Киева над рЂкою ИрпЂнью. То видячи Станислав, князь киевский, и Роман, бранский князь, зараз тыл подали, a рицерство руское розно перхнуло в розсыпку, a литва и жмод ажь до самой ночи гонили, били, сЂкли и имали. A Гедимин на завтрешний день, освЂнувшии Э, вытхнул собЂ и войску своему по працы вчорайшой дал день едень вытхнути, a на другий день, не даючи руси проволоки, притягнул до Киева Ю и облегл замок, добываючи его уставичными штурмами, a облеженцем, если бы долго в упорЂ своем трвали, а не поддалися доброволне, за добытем напотым каранем без жадной милости грозил. Еднак же кияне, которые по свЂжой поражцЂ в мЂстЂ и замку з жонами и дЂтми и скарбами своими затворилися, долго боронилися и рицерско Я, сподЂваючися от князя своего Станислава ратунку и отсЂчи, але видячи, же в надЂи от пана своего ошукаными зостали, по намовах долгих зезволили и поддали самих А себе з мЂстом и замком Б. A напередь выишол против Гедиминови митрополит, епископы и архимандриты зо всЂм духовенством з крестами и корогвами, во всем аппаратЂ духовном, a за ними панове, бояре и все посполство В киевское выйшло, бючи чолом и подаючися в ласку и моц великому князю Гедимину; там же ему всЂ присягу и послушество учинили. Потым в[ъ]Ђхал Гедимин през мЂсто в замок Киевский звитязством. Взял, тежь през доброволное подане, и иншие вси пригородки киевские Г, або волости: БЂлгород, СлЂповрод, Канев, Черкасы; потым добыл и Бранска СЂверского и Переяславля, замку столечного княжат руских. Так, ижь за едным звитязством Д монархию Е Киевскую Ж, Волынскую З и князство СЂверское \л.441.\ ажь до Путивля за Киевом миль 40 опановал и до Литовского панства прилучил. Предложил теж в Кие†намЂстника своего Мендагова княжа Голшанского, сына Голшового, племенника своего, котрый был окрестился в христианскую вЂру и пановал в Кие†до Володимира Олгердовича, княжат Слуцких продка И, з великих князей литовских, лЂнЂею идучих от Голши, Витеня, Гедимина и Олгерда. A сей Владимир Олгердовичь, внук Гедимина князя литовского, имЂ во удЂлЂ от отца своего Олгерда Киевское княжение даже до Ягела кроля полского. Обаче от року Рожест[ва] Христова 1321, гды Гедимин, князь литовский, взя в свою власть Киев, самодержствие Киевское конечнЂ устай К, которое до власти Гедиминови пребысть лЂт 231.
ЙК на поле: Киевское самодержствие перестало Л написано дважды М на поле: старосты литовские в КиевЂ И на поле: Станислав монар[ха] киевс[кий] утек до Резаня О на поле: Станислав князем резанским П на поле: князство Розанское где лежит Р л переделапо из другой буквы О на поле: Киев як давно заложен Т на поле: Казимер кроль мЂсто головное руское Лвов взял през доброволное подане и скарбы в нем неошацованые давних княжат руских побрал и до Полщи завезсл всЂ У a переделаио из и Ф на поле: скарбы лвовские Х на поле: замки Лвовские попалил Ц вы написано по другим буквам Ч на поле: Казимер кроль Волынь звоевал ЧЧ второе a переделано из в Ш в рукописи отпопору Щ на поле: русь полщу сплюндровала
Под литовскою же властию Киев держашеся даже до короля полского Казимира Ягеловича, a Ягело, кроль полский, Владимира Олгердовича князя Л киевского року отрожест[ва] Христова 1392 премЂни, вмЂсто Киева давши ему Копылье. Витолду же Киев по его волЂ пусти, a Витолд поступил Киев и княжение его Скиргайлу, брату Владимирову, по смерти же Скиргайловой постави Витолд на княжении Киевском от себе намЂстника князя Голшанского Иоанна Алгимунтовича М в року от Рожества Христова 1396.
Станислав остатний монарха киевский. Станислав, князь великий киевский (от Рурика, Трувора и Сенеуса княжат варажских, также от Игора и Олга род свой вел, з которых есть также род князей Отрозских), будучи выгнаным от Гедимина з князства Киевского, a утекши до князя резанского Н, просячи o помочь и вспоможене, который ему зараз дал в малженство цорку свою Олгу, аже единачку еЂ мЂл, ни сына жадного, ни дочки, отдал ему все князство Резанское в посягу в вЂчное пановане, будучи сам юже в лЂтех зешлых человек. И так зостал Станислав князем резанским О, a Резанское князство было здавна можнЂй над инныи князства руские, лежит тое князство межи Окою рекою и Доном П, великими реками. Дон Азию и Европию дЂлит и впадает в море Черное, откуль купцЂ Доном з Москвы и Резаня жеглюючи ажь до Кафы, Перекопу и Константинополю и до всей Греции, и до Африки морем през Понт приходят. Вси иншие краины Московские князство Резанское гойнЂй живностью и урожаем збожа, медов, звЂру, быдла и рыб перевысшало, и людий чирствостю и прирожоною смЂ \л.441об.\ лостю военною, бо татаром казанским прилеглыи, c которыми уставичне мусять воеватися. Резань зас мЂсто, замок столечный, деревяное, недалеко от Оки реки великой, a от Москвы мЂста 36 миль, лежит в прирожоном мЂстце оборонном. Гедимин в Руси замки старостами своими осадивши, вернулся до Литвы Р з великим звитязством. От того часу монархия Киевская руская устала, бо всей Росии монархия стародавная была голова Киев, от Кия княжати заложеная, лЂта от Рожества Христова 430 С, яко Стрыковский пишет, лист 396. Казимер, кроль полский, взял Лвов мЂсто року 1340. Казимер кроль полский тягнул до Руского панства, котрое уже велми было знищено, найпервЂй Лвов, на той час всей России мЂсто головное было, облегл и моцно его добывал, потым, гды прирекл облеженцом, же их при старой грецкой вЂри мЂл заховати, поддали мЂсто з двома замками, a Казимир, вшедши, злото, сребро, перлы дорогие, клейноты, шаты дорогие царские и инших княжат руских скарбы знашедши в тых замках, побрал Т, a що найболшей, кресты два великие щирозолотные по фунтов сто ваги кождый в собЂ маючии, в едном была штука немалая замкнена древа креста святаго, на нем же господь наш Иисус Христос распят ся, a в другом пояса У Пресвятой Богородици половина, з Греции дана Владимиру Мономаху Ф. До того д†короны великии царьскии, щирозлотыи c камением дорогим и перлами оздобными, сцептро златое и седло златое, и шата царьская золотая, камением дорогим и перлами саженая. Тое все Казимир побравши, так великии скарбы и неошацованыи, всЂ з собою завезл до Полщи и замки оба попалил Х, абы в них Русь, маючи надЂю, з послушенства его не выбилася Ц.