Бекітемін:

Дарынды балаларға арналған

Абай атындағы гимназия» КММ

директоры С.К. Шабажанова
«Балғын балалық шақ – 2022» атты соңғы қоңырау салтанатты жиынның сценарииі

Өтетін күні: 25 мамыр 2022 жыл

Өтетін уақыты: сағат 10:00

Өтетін орны: мектеп алаңы

• 
  Би (3-сынып-2 мин)
  
• 
  11-сынып сапқа тұрады – 1:30 мин (Мектеп есігінен қызыл кілем үстімен орнына дейін жүреді)
  

Фанфары. Жүргізушілер шығады:

I жүргізуші: Әлімжан Нұржігітұлы

II жүргізуші: Назерке Берікқызы

I жүргізуші: Керекудің кең жазық даласында

Берекелі Павлодар қаласында

Мектеп бар Абай рухы өлмейтұғын

Арналған алғыр, зерек баласына

Армысыздар, ардақты ата-аналар, аяулы ұстаздар, қымбатты оқушылар, қадірлі жас түлектер!

II жүргізуші: 11 жыл бойы тәрбие мен білім нәрін бойына құйып, ұстаздарына анасындай еркелеп, балалық шағын алаңсыз өткізген жас түлектердің мектебімен, әліппеден бастап өмір заңдарына дейін үйреткен ұстаздардың шәкірттермен қоштасу күні – «Балғын балалық шақ – 2022» атты соңғы қоңырау мерекесіне арналған салтанатты жиынға қош келдіңіздер!

I жүргізуші: Міне, бүгін қызығы мен қиыншылығы мол, әр оқу жылы қайталанбас тарихқа толы мектептің мерекесі, оқушылардың сыныптан-сыныпқа көшіп, асыға күткен жазғы демалысқа шығарып, салатын – соңғы қоңырау салтанаты!

II жүргізуші: Кеше ғана тұлымдары желбіреп, жүректері лүпілдеп, мектеп табалдырығын имене аттаған ұл-қыздарымыз ойы толып, бойы өсіп, алтын ұя мектебімен қоштасқалы отыр. Бұл күн – мектеп тарихында, мектеп бітіруші түлектер есінде мәңгі өшпесі анық. Міне тағы бір оқу жылы аяқталып, біздің қара шаңырағымыздың 84-ші түлектері бүгінгі салтанатты жиында балғын балалық шақпен, мектеппен қоштасқалы тұр.

I жүргізуші: «Балғын балалық шақ – 2022» атты соңғы қоңырау салтанатты жиыны ашық деп жариялансын!

Қазақстан Республикасының Ән-ұраны! (ҚР әнұраны айтылады - 1:30 минут)

II жүргізуші: Білімді шәкірттерін аялаған

Жақсылығын ешкімнен аямаған,

Саялы бақ, жанашыры жас ұрпақтың

«Ұстаз» деген аяулы, ардақты адам.

---

I жүргізуші: Алғашқы құттықтау сөз Дарынды балаларға арналған Абай» атындағы гимназияның директоры Калиаскаровна Салтанат Шабажановаға беріледі.

(Мектеп директоры сахна төріне шығады, (сөз сөйлеу – 2 минут))

ІI жүргізуші: Арнап келер мерейтой, мейрамдарда,

Мәртебең де биік қой мейрам барда.

Құттықтау сөз келесі беріледі,

Гимназияға келіп тұрған меймандарға

Ортаға _____________________________________________________________________________ __________________________________________________________________________ шақырамыз.

(Білім бөлімінен келген қонақ ортаға шығады)

I жүргізуші: Жақсы шәкірт азамат атанады,

Халқынан, ата-анадан бата алады.

Ұрпағына айтсын деп ақ тілегін,

Ортаға шақырайық ата-ананы.

Ортаға ________________________________________________________________________________ ____________________________________________________________________________ шақырамыз.

(Ата-аналар атынан келген қонақ ортаға шығады)

ІI жүргізуші: Келесі құттықтау сөз сахна төрінде тұрған қонақтарда!

(Құттықтау сөз – 6 минут жалпы)

• 
  Жетіген (3 минут)
  

I жүргізуші: Жаны асыл ұстаздарды еске алыңдар,

Жаңа сыр ашатұғын жас дарындар,

Шәкірті жаман екен дегізбеңдер,

Санасы биік адал дос табыңдар!

Иә, сендер әрқашан еске алып жүретін жаны асыл ұстаздарың да, алтын ұя мектептерің де бүгінгі соңғы Қоңырау үнімен бірге өздеріңмен қоштаспақ.

ІI жүргізуші: Алтын ұя мектебіміздің әрбір шәкірті өз ордасын қалай мақтан тұтса, гимназиямыздың да өзінің үлгілі де тәртіпті оқушыларын мақтан етерлік жайы бар. Гимназия қабырғасында жүріп, белсенділік танытқан, әлемдік және республикалық жетістіктерге жеткен, 17 алтын белгіге үміткер шәкірттеріміз бар.

I жүргізуші: Және де Мектебіміздің мақтаныштарына айналған барша мектеп бітірушілерімізді мадақтау үшін сахна төріне _________________________________________________________ ______________________________________________________________________________________________________________________________________________________________шақырамыз.

1. Халықаралық деңгейдегі олимпиаданың 10 дүркін жүлдегері, әлем оқушылары арасында тек біздің гимназиямыздың, облысымыздың емес, еліміздің атын көкке көтеріп жүрген Кенжебаева Айжан Абай халықаралық қоғамдық қорының арнайы тағайындалған медалімен марапатталады.

---

2. 11 жыл бойы қазақ тілі мен әдебиеті пәндерінен облыстық және республикалық олимпиадалар мен түрлі оқуларда үздіктер қатарынан табылып, топ жарып, гимназиямыздың атын шығарып жүрген дарындыларымыз Жанатова Әсем мен Нығметулла Камила дәл осындай медальмен марапатталады.

1. Және де арнайы мақтау қағазымен Республикалық Пәндік олимпиаданың 2-орын иегері Дабылхан Әлішер марапатқа ие болады.

2. Дәл осындай марапатпен Республикалық Пәндік олимпиаданың 3-орын иегері Қабыкен Дарынды шақырамыз.

II жүргізуші: Құрметті білім алушылар! Соңғы қоңырау мерекесінің дәстүрі бойынша аманат тапсыру салтанатты рәсімін өткізуге рұқсат етіңіздер.

I жүргізуші: Аманат тапсырушы: Кенжебаева Айжан

Аманатты қабылдаушы: Дабылхан Әлішер

(Мектеп түлектері 10-сынып оқушыларына аманат тапсыру рәсімін орындайды. – 3 минут)

АМАНАТ тапсырушының сөзі:

Әнге ән, жырға жыр жалғап Барамыз ұшып ұядан!

Айтамын саған аманат, Iзбасар 10-сыныптар!

Мейірімнен шуақ төгілген, Ұстаздар саған аманат!

Шығатын күміс үнімен Әндерім саған аманат!

Аулада тұрған талдар мен Сыныптағы гүлдер аманат!

Жалғайтын арман таңдарға Сағыныш саған аманат!

Жастанып кейде ұйықтаған, Кітабым саған аманат!

Көрінбейтін шимай-шатпақтан Дәптерім саған аманат!

Бір жеңіп бірде жеңілген Жарыстар саған аманат!!

Сыр алған тұнық сезімінен Өлеңдер саған аманат!

Үлгілі тәртіп, үздік оқу-ізбасарым саған аманат!

Желбірейтін биікте – Алтын ұя туы аманат!

Кір келтірмей атына, биікке самғау – бізге аманат!

«Қош бол алтын ұям» – деп айтамыз сізге сау-саламат!

АМАНАТ қабылдаушының сөзі:

Біз 10-сынып оқушылары: Сіздерден қастерлі аманатты қабылдай отырып, бізге артқан сенімдеріңізді ақтауға, білім мен тәрбиенің барлық салаларынан алда болуға, мемлекетімізді гүлдендіруге, дамытуға негіз болатын ғылыми жетістіктерін кеңінен игерген саналы азамат болып шығуға гимназиямыздың мәртебесін одан әрі биіктетіп, жоғары деңгейге көтеруге өз үлесімізді қосамыз деп сеніммен ант береміз!

(Аманат қабылдаған оқушылар орындарына барып тұрады)

---

• 
  Вальс (11 сынып оқушылары, 4-минут)
  

(Музыка қосыла береді, жүргізушілер музыкаға қосылып оқиды):

II жүргізуші: Еліңді таң қалдыршы ұлы істермен,

Қатарына қаймықпай құрышты ерген.

Ырғағымен әуеннің қалықтатшы,

Қуанта бер қашанда жеңістермен

I жүргізуші: Мойытпасын қиындықтар сендерді.,

Батылдықпен асыңдар сан белдерді,

Біліміңмен қуантсаңдар мектепті,

Жақсы іспен қуантыңдар елді енді.

• 
  Соңғы қоңырау соғу рәсімі (1 минут)(Екінші сыныптан 1 ұл 1 қыз, 11 сыныптан 1 ұл 1 қыз)
  

II жүргізуші: Гүлдерге толып омырау

Түлектер тойын тойлайды.

Қағылмақ соңғы қоңырау

Қаққызбай өмір қоймайды

I жүргізуші. Соңғы қоңырау соғу мәртебесіне ие болып отырған оқу озаты, үздік аттестат үміткері Бекбер Темірлан

II жүргізуші: Математика пәнінен облыстық, республикалық ғылыми жобалар сайыстары мен география пәнінен облыстық, республикалық пән олимпиадасының бірнеше дүркін жеңімпазы Сапарбекова Әмина

(Қоңырау соғу сәті аяқталады, 1 минут)

I жүргізуші: Қоштасады ұшқан ұяң – мектебің,

Маңдайынан сүйіп өтер көктемің.

«Сәт сапар» – деп қол бұлғаймыз бәріміз,

Тілейміз біз армандарға жеткенін.

ІI жүргізуші: Құрметті мектеп бітіруші жас түлектер! Ата-аналар мен қонақтар! Аяулы ұстаздар! Дарынды балаларға арналған Абай атындағы гимназияның «Балғын балалық шақ – 2022» атты салтанатты жиынын жабық деп жариялаймыз!

I жүргізуші: Құрметті мектеп оқушылары! Республика туы астында қатар тізеп, тік тұрыңдар! ҚР мемлекеттік Туы түсірілсін! (Қабыкен Дарын туды түсіреді. 3 оқушы туды алып кетеді, 2 минут)

I жүргізуші: Гимназиямыздың табалдырығынан үлкен өмірге 47 түлек жолдама алды: 47 арман, 47 үміт, осынша сенім мен осынша тағдыр! Қанаттарың талмасын, жас түлектер!

II жүргізуші: Аяулы ұстаздар, қымбатты оқушылар жазғы демалысты жақсы өткізіп, келесі жаңа оқу жылында амандықпен жолыққанша сау саламатта болыңыздар. Сәт сапар, сіздерге, Жас түлектер!

• 
  Ән. (11- сынып оқушылары, 3 минут)
  

---

---

Смотрите также файлы

• Наименование показателя.docx

• Реферат по дисциплине Микроскопический мир организма.docx

• Занятие 9 Сравнительное описание одной из естественных природных систем (например, леса) и какойнибудь.doc

• Практические задания по дисциплине Демография Преподаватель.docx

• Ответ на вопрос в чём состоит различие понятий труд, деятельность иработа.docx