Файл: Vii. 9,11сыныбы бойынша мемлекеттік емтихан жне лтты бірыай тестілеу орытындысы.doc
ВУЗ: Не указан
Категория: Не указан
Дисциплина: Не указана
Добавлен: 29.10.2023
Просмотров: 32
Скачиваний: 2
ВНИМАНИЕ! Если данный файл нарушает Ваши авторские права, то обязательно сообщите нам.
VII. 9,11-сыныбы бойынша мемлекеттік емтихан және Ұлттық бірыңғай тестілеу қорытындысы.
Негізгі орта мектеп курсын оқытуда соңғы үш жылдың қорытындысында бойынша мектептегі 9-сынып оқушыларының білім сапасы келесідегідей көрсеткішті байқатты: 2012-2013 о.ж. 42%. ООД 56 пайыз, 2013-2014 о.ж.29% білім сапасы, 44% орташа оқытылу деңгейі, 2014-2015 оқу жылында білім сапасы 31,4 %, орташа оқытылуы 48,9% құрап, яғни ағымдағы оқу жылында оқушылардың білім деңгейі өткен жылғымен салыстырғанда 2% жоғары көрсеткішті байқатты. Мектеп әкімшілігі "Білім туралы" Қазақстан Республикасының 2007 жылғы 27 шілдедегі Заңының 5-бабына сәйкес білім алушыларды қорытынды аттестаттаудан өткізу тәртібі негізінде 9-сынып оқушылары мемлекеттік емтихан тапсыруын жоспарлы түрде ұйымдастырды. Емтихандарға әзірлік жұмыстары мен даярлық қосымша сабақтар кестесі құрылып, оқушыларды сапалы даярлау әкімшіліктің назарында болды. Сәуір айында «Оқушы білімін тұрақтандыру негізінде мемлекеттік стандарттың талаптары орындаулы және емтиханға әзірлік жағдайлары» тақырыбында әдістемелік кеңес тақырыбы бойынша сабақтарға қатысылып, талқылаулар жүргізілді.
9-сынып оқушылары жалпы орта білім департаменті белгілеген міндетті қазақ тілі, математика, орыс тілі, сондай-ақ таңдау бойынша биология, химия, Қазақстан тарихы, география, физика, ағылшын тілі пәндерінен емтихандар тапсырды. Ауызша емтихандар пәндер бірлестігінің қарауымен және әкімшіліктің бекітуімен белгіленген билеттері арқылы, ал жазбаша емтихандар облыстық оқу басқармасының арнайы пакеттермен жіберген тапсырмаларымен өткізіліп, мемлекеттік емтихандарды тәуелсіз емтихан комиссиясы қатысуымен қабылданды. Пән мұғалімдері оқушылардың оқу курсы бойынша білімдеріне қадағалау жасап, әр оқушының стандарт белгілеген оқу жоспарының толық меңгеруіне жауапкершілікпен қарады. Негізгі мектеп курсы бойынша мемлекеттік емтихан нәтижесінің соңғы жылдардағы қорытындысымен салыстырмалы көрсеткіші:
| Пән | 2012-2013оқу жылы | 2013-2014 оқужылы | 2014-2015оқу жылы | |||||||||
| | Оқуш | Үлгері | Б/с | ООД | Оқуш | Үлгері | Б/с | ООД | Оқуш | Үлгері | Б/с | ООД |
| Қ.т | 24 | 100 | 79 | 52,3 | 24 | 100 | 54 | 55,6 | 35 | 100 | 68 | 61,3 |
| Мат. | 24 | 100 | 58 | 58 | 24 | 100 | 42 | 52 | 35 | 100 | 48 | 56,8 |
| Ор.т | 24 | 100 | 54 | 64 | 24 | 100 | 46 | 58 | 35 | 100 | 60 | 64 |
Салыстырмалы кестеден байқалғандай негізгі пәндерден білім сапасын өткен оқу жылымен салыстырғанда жоғарлағаны байқалып, пән мұғалімдері Шәңгішбаева А.С., Илюбаева А.А., Турсиянова Н.А., Абенова А.Ә., Ахметова Ш.Қ. пәндердің оқытылу сапасын көтеру мақсатындағы әдіс-тәсілдердің тиімділігін арттырған. Сабақтарда деңгейлі бағдарлама модульдері мен заманауи оқыту тәсілдерін, АКТ-ны нәтижелі қолданған.
Таңдау пәндері бойынша қорытынды кестесі:
| Пән аты | Оқушы саны | Үлгерім | Білім сапасы | ООД |
| Қ. тарихы | 8 | 100 | 33,5 | 55,5 |
| география | 2 | 100 | 100 | 82 |
| биология | 10 | 100 | 40 | 60 |
| физика | 9 | 100 | 56 | 63 |
| Ағылшын т. | 4 | 100 | 100 | 82 |
| Химия | 2 | 100 | 100 | 82 |
Мемлекеттік емтихан кестесінен байқалғандай пәннің оқытылуы мемлекеттік стандарттың жеткілікті және оңтайлы деңгейін байқатқан қазақ тілі, орыс тілі, география, биология, физика, ағылшын тілі мен химия пәндері, ал сынаулы деңгейді байқатқан математика, Қазақстан тарихы пәндері. Әкімшілік қорытынды аттестаттау бойынша барлық пәндердің оқытылу жағдайына талдау жасады. Қазақ тілі пәнінен диктант жұмысының нәтижесінде оқушылар тіл білімінің негізгі салаларын жақсы меңгергенмен, қүрделі сөздердің тыныс белгісінен, н/ң ұқсас әріптерден, әріп тастау мен азат жолдан жазу ережелерінен қателер жіберген. Пән мұғалімдері Шәңгішбаева А.С., Илюбаева А.А. қазақ тілінің білімдік, танымдық, қатысымдық және кумулятивтік қызметтерін меңгерте білген. Нәтижесінде жылдық қорытындымен салыстырғанда үш оқушы проргесс байқатты. Алайда, мұғалімдерге оқушылардың орфографиялық сауаттылықтарын арттыру жұмыстарын кеңінен қарастыруы қажеттілігі байқалды. Математика пәнінен оқушылар жазбаша емтихан тапсырып
, 3 оқушы жылдық бағамен салыстырғанда прогресс байқатты. Оқушылар емтихан жұмысы барысында өрнекті қысқаша көбейту формуласын қолданып, ықшамдау, теңсіздікті шешу, прогрессияның белгісіз мүшесін табу тапсырмаларын жақсы деңгейде орындағанмен, тригонометрия өрнегінің мәнін табу, берілген аралыққа тиісті теңсіздік шешімін салудан қателер жіберген. Мұғалімдер Турсиянова Н.А., Абенова А.Ә. математикалық функционалдық сауаттылықты арттыра отырып, қолданбалы сипаттағы математикалық есептерді шешу құралы ретінде заманауи ақпараттық технологияларды қолдануды терең ойластыру керек. Орыс тілі пәнінен сынып оқушылары ауызша емтихан тапсырып, 13 оқушы жылдық бағамен салыстырғанда прогресс байқатты. Пән мұғалімі Ахметова Ш.Қ. оқытудың тиімді әдіс-тәсілдерін, АКТ мен электронды оқулық тапсырмаларын шеберлікпен қолданып, оқушылардың білім беріктігін қамтамасыз ете білген. Оқушылар сөз таптары, сөзжасам, оқшау сөздер мен бірыңғай мүшелер тарауларын жақсы деңгейде меңгергендерін байқатты. Алайда, төл сөздің пунктуациясы және сабақтас құрмалас түрлерінен қателер жіберді. Мұғалімге оқыту сапасы мен оқушының білім сапасын үздіксіз байланыста ұстау керек. Қазақстан тарихы пәні бойынша 9-сыныпта 8 оқушы таңдау пәні ретінде емтихан тапсырып, желтоқсан оқиғасы, Кіші жүздің Ресей империясы құрамына кіруі, Моғолстан мемлекетінің құрылуы тақырыптарын жақсы меңгергендерін байқатты. Алайда, мұғалім Азылханова А.Б. оқушыларда тарихи ақпараттарды жүйелеп іздеу, зерттеушілік, тарихи деректердің түрлерімен кешенді жұмыс жасау дағдыларын қалыптастыруды әлсіз жүргізгендіктен, пәннің орташа оқытылуы стандарттың сынаулы деңгейін байқатты. География пәнінен 2 оқушы таңдау бойынша емтихан тапсырып, картамен географиялық байланыс жасау, Қазақстанның шаруашылығы мен жер бедері, халқы туралы деректерді жақсы меңгергендерін байқатты. Дегенмен, оқушылар аймақтық компонент пен шетелдік компанияларда шаруашылық бойынша қателер жіберді. Сондықтан, мұғалімге географиялық білімді өмірлік тәжірибеде, оқу және оқудан тыс әртүрлі жағдаяттарда қолдана білу біліктілігін қалыптастыруға бағытталған тапсырмаларды сабақта пайдалану ұсынылады. Биология пәнінен 10 оқушы емтихан тапсырып, негізгі мектеп курсы бойынша білімдерін көрсетті.Емтихан барысында оқушылар эволюциялық білім негіздері, Ч.Дарвиннің теориясы, генетика негіздері, жасуша құрылысы мен тіршілік үшін күрес, бейімдеушілік түрлері, фотосинтез тақырыптарын жақсы айтқандарымен, жасушадағы энергетикалық алмасу, экожүйе, макроэволюция, оның бағыттары, жерде тіршіліктің пайда болуы тақырыптарын төмен деңгейде меңгергендерін байқатты. Мұғалім Бисатова Ғ.Ш. оқушыларда тіршілік құбылыстарының заңдылықтарын оқып білуге танымдық қызығушылық қалыптастыру мақсатында деңгейлі бағдарлама модульдерін сабақтарға жүйелі түрде тиімді ықпалдастыруды қарастыру керек.
Физика пәнінен 9оқушы емтихан тапсырып, пәннің орташа оқытылуы емтихан нәтижесінде стандарттың жеткілікті деңгейін байқатты. Оқушылар қозғалыс түрлері, энергия, оның айналуы, күш туралы білімдері жақсы болғанмен, пайдалы әсер коэфиценті, жылу машинасы, жай механизмдер тақырыптарын әлсіз меңгерген. Мұғалім Дамухан М. пәнді оқытуда функционалдық сауаттылықты дамыту негiзінде оқушылардың ғылыми дүниетаным негіздерін, танымдық қызығушылығын, сын тұрғысынан ойлауын, зияткерлік және шығармашылық қабілетін қалыптастыру жұмыстарын жүргізу керектігі байқалды. Ағылшын тілі пәнінен 4 оқушы мемлекеттік емтихан тапсырып, өз білімдерін ақтап шықты. Емтихан барысында шақтар және лексикалық тапсырмаларды, тақырып бойынша монологтық сөйлеуді жақсы орындағанмен, граммикалық тапсырмалардан кемшілік байқалды. Мұғалім Шоматова Ә.А. оқушыларға түсінікті тәсілдер мен құралдарды қолдана отырып жалпы және арнайы іскерліктерді қалыптастыру мен жетілдіруді инновациялық оқыту түрлері арқылы дамыту қажет. Химия пәнінен 2 оқушымемлекеттік емтихан тапсырып, электролиттік диссоциация, металдардың химиялық қасиеттері, бейметалдардың физикалық касиеттері тақырыптарын жақсы меңгергендерін байқатты. Алайда, топтық жалпы сипаттамаы, молярлық масса есептеуден қателер жіберді. Мұғалім Тогузова А.З. химияны оқытуда оқушыларды күнделікті өмірге, өндірістік іс-әрекеттерге, білім алуды жалғастыруға, қоршаған ортада өзін дұрыс ұстауға қажетті химиялық білімдермен қаруландыру міндеттерін шеше білген.
Ұлттық бірыңғай тестілеу қорытындысына талдау.
Мектеп әкімшілігі 2014-2015 оқу жылында мектеп түлектерін Ұлттық бірыңғай тестілеуге даярлау мақсаттарын белгілеген:
-
Оқушының мемлекеттік білім бағдарламасын орта мектеп курсы бойынша меңгеру нәтижесін бақылау; -
Тестілеу жүйесіне енгізілген негізгі пәндер мен таңдау пәні бойынша білім деңгейін байқау; -
Орта мектеп курсы бойынша теориялық материалдың жан-жақты меңгерілуі және практикада қолдана білу біліктері мен дағдысын есепке алу. -
Қорытынды аттестаттау арқылы оқушы білімін жан-жақты есепке алу.
Ұлттық бірыңғай тестілеуге 7 оқушы (100%) қатысып, толық үлгерім көрсетті. Орта ұпай 98,2 құрады. «Алтын белгі» 1 оқушы, 100-ден жоғары ұпай жинағандар: 4 оқушы. Білім сапасы: 93% болды.
Ұлттық бірыңғай тестілеу мен жылдық қорытынды бойынша білім сапаларының салыстырмалы нәтижелері.
| Пән | Мұғалімнің аты-жөні | Орта ұпай | Білім сапасы | ҰБТ ООД | Жылдық білім са/ы | Жылдық ООД |
| Қазақ тілі | Саньязова Б.Қ. | 22 | 100 | 94 | 85 | 89 |
| Орыс тілі | Ахметова Ш.Қ. | 17 | 85 | 80 | 85 | 85 |
| математика | Турсиянова Н.А. | 19 | 85 | 80 | 85 | 75 |
| Тарих | Азылханова А.Б. | 21 | 100 | 84 | 85 | 75 |
| биология | Бисатова Ғ.Ш. | 19 | 100 | 64 | 100 | 95 |
| география | Жампеисов Е.Т. | 21 | 100 | 100 | 100 | 95 |
| Қазақ әдебиет | Саньязова Б.Қ. | 19 | 100 | 64 | 100 | 89 |
| Физика | Оралбаева Р.Т. | 15 | 75 | 57 | 85 | 70 |
2014-2015 оқу жылындағы мектеп түлектерінің ҰБТ-дан орта ұпайларының соңғы жылдардағы көрсеткіштермен салыстыру нәтижесі:
Әр пәннің оқытылу деңгейі, мұғалімнің еңбегі ҰБТ қорытындысынан көрінетіні белгілі, ендеше пәндер бойынша орташа ұпайлардың салыстырмалы көрсеткішін қарастырсақ, келесідегідей нәтижені байқауға болады.
Жеке пәндер бойынша орташа ұпайдың салыстырмалы мониторингісі:
Қорытынды: 2014-2015 оқу жылында 11-сыныптан 7 оқушы ҰБТ тапсырды. Оқушының орта мектеп курсы бойынша даярлық деңгейі мен білім, білік, дағдылары тестілеу нәтижесінде жоғары деңгейді байқатты. Жыл көлемінде мектеп түлектеріне мемлекеттік білім бағдарламасын меңгертудің басты шарты – тұлғаға бағыттай оқытуды мұғалімдер басшылыққа алған. Тұлғаға бағытталған сабақ оқушылардың тұлғалық ерекшеліктері ашылатын, қасиеттері қалыптасатын, мүмкіндіктері жүзеге асырылатын оқыту жағдайы екенінін ескере отырып, пән мұғалімдері инновациялық оқыту тәсілдерін нәтижелі қолдана білді. Оқушыларды жыл көлемінде тестілеуге даярлау мақсатында әкімшілік тарапынан мектепішілік бақылаулар жасалынып, аралық тестілеудің қорытындысы шығарылып отырылды, жетістіктер мен типтік қателер талданып көрсетілді. Қыркүйек айынан бастап оқушылармен ҰБТ-ға даярлық жоспары жасалынып, құжаттар іріктелді. Оқушыларға ҰБТ-ға дайындық жайындағы кеңестер мен психологиялық сабақтар өткізілді. Пән мұғалімдерінің жұмыс жоспарлары жасалынды. Аудандық тестілеу орталығынан жыл басынан бері 29 рет аралық байқау тестілеуі жазылды. Орта мектеп курсы бойынша барлық материалдың меңгерілуін мұғалімдер назарда ұстап, жеке жұмыстар мен қосымша сабақтар ұйымдастырды. Жыл көлемінде оқушыға ҰБТ-ға дайындық нұсқаулармен таныстыру, ҰБТ кезіндегі тәртіп ережесі, нұсқауларымен, тіркелу және өтілу уақытымен таныстыру, ҰБТ сайтымен жұмыстар жүйелі жүргізілді. Мектептің әдістемелік кеңестерінде желтоқсан айында «11-сыныпта ҰБТ-ға даярлық негіздерін бақылау (сыныптық бақылау)», сәуір айында «Оқушы білімін тұрақтандыру негізінде мемлекеттік стандарттың талаптары орындаулы және емтиханға әзірлік жағдайлары, ҰБТ-ға сапалы даярлану жолдары.» тақырыбында отырыстар өткізіліп, әкімшілік тарапынан сабақтарға қатысылып, талдаулар жасалынды. Мектеп психологы ҰБТ-ға даярлық жұмыстары жайлы есебі, «ҰБТ–ға даярлық кезеңіндегі оқушылар психологиясын зерттеу» семинары мен тренингтер өткізді, «ҰБТ даярлау мен тапсыру туралы ережелер», «ҰБТ-ға даярлық кезеңіндегі психологиялық ерекшелік» тақырыптарында ата-аналар мәжілісі ұйымдастырылды. Аралық тестілеу кезеңдерінде оқушылардан сауалнама сұрақтар алынып, талдау жасалынып отырылды. ҰБТ-ға даярлық ретінде «Ұлттық Бірыңғай Тестілеуді сәтті тапсырайық» стендін ұйымдастыру жұмысы жүргізілді. Нәтижесінде оқушылар келесідегідей ұпайлық көрсеткішті байқатты: