№2 станция. «Анафилактикалық шок кезіндегі шұғыл көмек көрсету»

Станцияда студентке арналған тапсырма.
№1 тапсырма. Стоматологтың қабылдауында отырған науқаста анестетик дәріні еккеннен кейін ауа жетпей тұншығу сезімі, күрт әлсіздік, басының айналуы, жүрегінің жиі, тез қағуы пайда болды.

Анамнезінде цитрустарға алиментарлық аллергиясы бар екендігі анықталды.

Объективті қарағанда: Жалпы жағдайы орташа жағдайда. Науқастың есі анық, бірақ өте мазасыз. Терісі ақшыл, боз түсті, ылғалды, салқын, суық. Тамыр соғысы минутына 106 рет, толықтылығы мен қысымы әлсіз. АҚҚ – 88/55 мм. сын. бағ.

1. 
   Сіздің болжам диагнозыңыз
   
2. 
   Шұғыл көмек көрсету.
   

№2 тапсырма. 45 жастағы ер адам жарақат бөлімшесіне аяғының жіліншігінің төменгі үштен бір бөлігіндегі жыртылған жарамен қаралды. Сіреспеге қарсы сарысуды сол жақ білегінің тері асты шеліне еккеннен кейін науқаста инъекция жасаған жерде қатты сыздап, керіп ауырсыну, қызару, ісіну, дуылдап терісінің қышынуы пайда болды. Бұл белгілер тез арада барлық сол қолына таралды. Басының айналуы, күрт әлсіздік, жүрек тұсында жағымсыз сезім белгілері аз уақытта пайда болды.

Объективті қарағанда: Жалпы жағдайы ауыр жағдайда. Терісі аппақ, ылғалды, қолмен ұстағанда суық. Тамыр соғысы минутына 120 рет, «жіпше» тәріздес.

АҚҚ – 75/45 мм. сын. бағ.

1. 
   Сіздің болжам диагнозыңыз.
   
2. 
   Шұғыл көмек көрсету.
   

№3 тапсырма. Ер адамның оң жақ бетін ара шағып алды. Шаққаннан кейін бірнеше минуттың ішінде бетінің, ернінің ісінуі, бетінің терісінің ең алдымен қызаруы, содан соң ағаруы пайда болды. Дем алуы қиындап, алдымен ысқырық тәріздес сырылмен тыныс алуының өзгерісі, содан соң 2-3 минуттан кейін тыныс шығаруының да қиындауы болды.

Объективті қарағанда: Жалпы жағдайы ауыр жағдайда. Алғашында науқаста қозу, кейіннен ақыл есінің тежелуі болды. Терісі ақ, ылғалды, суық. Тамыр соғысы минутына 128 рет, «жіпше» тәріздес. АҚҚ – 70/40 мм. сын. бағ.

1. 
   Сіздің болжам диагнозыңыз.
   
2. 
   Шұғыл көмек көрсету.
   

№4 тапсырма. Рентген кабинетте көк тамырға ультравист ерітіндісін салып жатқанда науқаста әлсіздік, басының айналуы, жүрегінің лүпілдеуі, кеуде тұсының қысып ысыну сезімі пайда болды. Ентігу, тұншығу басталды.

Объективті қарағанда: науқас мазасыз, терісі ақ, ылғалды, қолмен ұстағанда терісі суық. Тамыр соғысы 110 рет минутына, қысымы мен толықтылығы әлсіз. АҚҚ – 80/60 мм. сын. бағ.

---

1. 
   Сіздің болжам диагнозыңыз.
   
2. 
   Шұғыл көмек көрсету.
   

Станцияның жабдықталуы:

1. 
   Манекен.
   
2. 
   Фонендоскоп.
   
3. 
   Тонометр.
   
4. 
   Небулайзер.
   
5. 
   Амбу тыныс алу қабы
   
6. 
   Дәрілер:
   

- преднизолон 30 мг/мл ампулада

- дексаметазон 4 мг - 1мл ампулада

- гидрокортизон 2,5% - 2 мл, ампулада

- сальбутамол 5 мг/мл, флаконда (ингаляцияға арналған ерітінді)

- эпинефрин гидрохлориді 0,18% - 1 мл ампулада

- дифенгидрамин 1% - 1 мл, хлоропирамин 2% - 1мл

- допамин 4% - 5 мл ампулада

- физиологиялық ерітінді флаконда

- физиологиялық ерітінді ампулада.

7. 
   Бір рет қолдануға арналған бессаусақтар.
   
8. 
   Процедуралық стол.
   
9. 
   Шприцтер көлемі: 5, 10, 20 мл.
   
10. 
    Спиртті салфеткалар
    
11. 
    Жастықша (валик) аяқтың астына қоюға
    
12. 
    Штатив көк тамырға тамшылатып жіберуге қолданылатын
    
13. 
    Бір рет қолдануға арналған системалар
    
14. 
    КБУ класс А және Б класстары
    
15. 
    Веналық беткей катетерлер: №14, №16
    

№2 станциядағы бағалау парағы «Анафилактикалық шок кезіндегі шұғыл көмек»

№	Орындау критерилері	балл	Орындал- ған жоқ	Толық көлемде оындалған жоқ	Толық көлемде орындалды
			0	0,5	1
1	Аллергеннің организмге түсуін тоқтатты; Пациенттің жағдайының ауырлылығы дұрыс бағаланды, дәрігер шақырылды; Қамтамасыз етілді: АҚҚ, ЖЖЖ, ТЖ, сатурация мониторингі; АҚҚ мен тамыр соғысы мониторингі әрбір 2-3 минут сайын жасалынды.	10
2	Науқас Тренделенбург қалпына жатқызылды. Горизонтальды қалыпта жатқызып, тілін ұстап, басын бүйіріне қаратты, төменгі жақ сүйегін алға тартып, ауыз қуысының тазалығын қарады, аяғын жоғары көтерді (Тренделенбург қалпы).	10
3.	- Көк тамырға кіру жолы қамтамасыз етілді. №14,16 шеткері көк тамыр катетерлері енгізілді. Көк тамырға енгізу мүмкін болмаған жағдайда сүйек ішіне енгізу.	10
4.	Таза ауаның келуі қамтамасыз етілді, ылғалданған оттегі берілді.	10
5.	Шокка қарсы терапияда қолданылатын негізгі дәрілік заттар мен құрал-жабдықтар дайындалды: -0,18% эпинефрин ерітіндісі; -глюкокортикостероидтар: преднизолон, дексометазон немесе гидрокортизон; - инфузиялық терапияға арналған: 0,9% натрий хлорид ерітіндісі; -бронхолитиктер – сальбутамол; - антигистаминді дәрілер; - хлоропирамин, дифенгидрамин. Бір рет қолданылуға арналған системалар, сыйымдылығы әр түрлі шприцтер, Амбу қабы, кеңірдектің интубациясына арналған заттар жиынтығы, небулайзер.	10
6.	Дәрігердің тағайындауы бойынша енгізді: • санның алдыңғы немесе бүйір бетіне бұлшық етке 0,18% эпинефрин ерітіндісі 0,5 мл, тиімділігі болмаған жағдайда 5 минуттан кейін бұлшық етке қайта енгізді; Содан соң 50 мкг титрлі (10-20 мкг II сатысында, 100 – 200 мкг III сатысында) 0.18% эпинефрин ерітіндісін 500 мл физ. ерітіндімен көк тамырға тамшылатып, АҚҚ 90 мм сын бағ жоғары болғанша енгізу. • инфузиялық ем жүргізілді: кристаллоидты ерітінділер: 0,9% натрий хлориді; 500 – 1000 мл нормотензияда, 1000 – 2000 мл гипотензияда . - стероидты гормондар: преднизолон 90-120 мг көк тамырға щприц арқылы немесе дексометазон 8-32мг; гидрокортизон – 200 мг бұлшық етке немесе көк тамырға ақырындап.	10
7.	-бронхоспазм басылмаған жағдайда бронхолитикалық терапия жүргізілді: вентолин 2,5 мг/2,5мл физ ерітіндімен небулайзер арқылы;	10
8.	Гемодинамика тұрақтанғаннан кейін антигистаминді дәрілер енгізілді: 1% 1 мл дифенгидрамин ерітіндісі бұлшық етке немесе хлоропирамин 2% 1-2 мл бұлшық етке;	10
9.	Клиникалық өлім болған жағдайда реанимациялық іс- шаралар жүргізілді (жүректің жабық массажы, жасанды тыныс алу, интубация).	10
10.	Науқастың ары қарайғы маршруты дұрыс анықталды – шұғыл түрде реанимациялық бөлімшеге жеткізілу, ЖӨР толық дайындық болу керек.	10
	Бағалау критерилері: 100-90%- «үздік» 89-70%- «жақсы» 69-50%- «қанағаттанарлық» 49% немесе төмен - «қанағаттанарлықсыз» Емтихан алушы_________________________________ (қолы) (Ф.А.Т.)

---

---

Смотрите также файлы

• Примеры формулировок для инструкций по от общие требования охраны труда Указания о необходимости соблюдения правил внутреннего трудового распорядка.docx

• Подойдёт именно вам. В этом исследовании показана разница между популярными системами автоматизированного проектирования.docx

• Руководство власть и партнерство, организационные отношения.doc

• Практикум по экономике организации 1 название дисциплины Задача.docx

• Тема основные средства предприятий 1 Понятие и классификация основных средств предприятия.docx