ВУЗ: Не указан
Категория: Не указан
Дисциплина: Не указана
Добавлен: 05.09.2021
Просмотров: 176
Скачиваний: 1
Ф КГМУ 4/3-07/01
ПП КГМУ 4/01
ҚАРАҒАНДЫ МЕМЛЕКЕТТІК МЕДИЦИНА УНИВЕРСИТЕТІ
Медициналық биофизика және информатика кафедрасы
Оқытушымен орындалатын өздік жұмыстарға арналған әдістемелік нұсқау
Тақырыбы: «Ауқымды желі. Негізгі технологияларды, деректерді тасымалдау әдістеріне шолу. Интернетте жұмыс. OutLook Express электрондық почтамен жұмыс»
Мамандғы: 5B110200 «Қоғамдық денсаулық сақтау»
Пән: ООDОO5 Inf 1105 ИНФОРМАТИКА
КУРС: І
Құрастырушы: Оқытушы Ыдырыс Ж.Б.
Қарағанды, 2010
Кафедра мәжілісінде талқыланып және бекітілген
Хаттама № ____ «____»______ 20__ж.
Кафедра меңгерушісі ________________ Койчубеков Б. К.
ТАҚЫРЫБЫ: «Ауқымды желі. Негізгі технологияларды, деректерді тасымалдау әдістеріне шолу. Интернетте жұмыс»
Сабақтың мақсаты: Студенттерді компьютерлік ауқымды желілермен таныстыру және қолдана білуді үйрету.
Оқыту талаптары:
Нәтижесінде студент білуі керек:
-
Сервермен жұмыс істеу
-
ауқымды желілермен жұмыс істеу
-
Интернетпен жұмыс істеу
-
Ингтернетте ақпарат іздеу
-
OutLook Express электрондық поштамен жұмыс істеу
Тақырыптың негізгі сұрақтары:
-
Интернет желісінің тарихы? Интернет дегеніміз не?
-
Провайдер дегеніміз не ?
-
Интернетке қосылу жолдары
Оқыту тәсілдері: компьютерде жұмыс
Әдебиет:
-
Дүзбаева Р.М., Мадиярова Г.А. Оқу құралы. – Алматы : ЖТИ, 2004 – 40 б.
-
Информатика: учебник для 10 – 11 классов общеобразовательной школы. Базовый курс / Н. Ермеков, Н. Стифутина, В. Криворучко, Л. Кафтункина. Алматы: Атамұра, 2003 – 432 с.
-
Гельман В.Я. Медицинская информатика: практикум (2-е изд.). – СПб: Питер, 2002. – 480 с.
-
Информатика. Базовый курс / Симонович В.Б. и др. – СПб: Пит2001- 640с.
Бақылау сұрақтары:
-
Интернет желісінің тарихы? Интернет дегеніміз не?
-
Провайдер дегеніміз не ?
-
Интренетке қосылу жолдары
-
Интернет мүмкіндіктері (қызмет түрлері, сервис)
-
Интернет протоколдары. Интернет қызметтерінің протоколдары
-
Домендік адрестер түрлері. Адрестердің түрлену жолдары
-
Құжаттың Интернеттегі адресі
-
WWW қызметі
-
FTP қызметі (файлдық архивтер). FTP арқылы программаларды тарату
-
Электронды пошта (e-mail). Пошталық программалар түрлері және мүмкіндіктері
-
Іздеу жүйелері
-
Интернет-телефон
-
Ұялы телефон арқылы интернет
-
Интернеттің негізгі принциптері ? Интернет протоколдары Интернет қызметтері
-
Сервер, Гиперсілтеме, Броузер деген не?
-
Outlook Express программасы
Бастапқы білім деңгейінің тест-бақылауы. (компьютер)
Интернет желісінің тарихы? Интернет дегеніміз не?
Интернет (ағылшынша: Internet) — компьютерлік серверлердің бүкіләлемдік желісі дегенді білдіреді.
Интернет желісінің тарихы туралы толық мағлұмат.
1957 жылы Кеңес Одағы Жердің жасанды серігін ұшырғаннан кейін, АҚШ Қорғаныс министрлігі ақпаратты тасымалдаудың сенімді жүйесі қажет деп шешті. АҚШ алдыңғы қатарлы зерттеу жобаларының агенттігі (ARPA) осы мақсатта компьютерлік желі құруды ұсынды. Бұл желіні құру Лос-Анджелестегі Калифорния университетіне, Стэнфорд зерттеу орталығына, Юта штатының университетіне және Санта-Барбара қаласындағы Калифорния штатының университетіне тапсырылды. Компьютерлік желі ARPANET деп аталып, 1969 жылы аталған төрт ғылым орталықтарын біріктірді, барлық жұмыстарды АҚШ Қорғаныс министрлігі қаржыландырып отырды. Одан соң, ARPANET желісі жылдам дамып, оны ғылымның әр түрлі салаларындағы ғалымдар қолдана бастады.
Алғашқы ARPANET сервері 1969 жылдың 1 қыркүйегінде Лос-Анджелестегі Калифорния университетінде орнатылды. «Honeywell 516» компьютерінде 12 КБ оперативті жад бар болатын. 1971 жылы желі арқылы электронды почта жіберуге мүмкіндік беретін алғашқы компьютерлік бағдарлама жасалып, ол кеңінен таралды. 1973 жылы бұл желіге трансатлантикалық телефон сымы көмегімен Ұлыбритания және Норвегияның ұйымдары қосылып, желі халықаралық сипат алды. 1970-жылдары интернет желісі негізінен электронды почтаны жіберу үшін пайдаланылды. Бірақ, интернет желісі басқа техникалық стандарттар негізінде жасалған желілермен байланыс орната алмайтын еді. 1970-жылдардың соңында мәліметтерді тасымалдау стандарттары кеңінен тарай бастады, олар 1982-83-жылдары бір стандартқа келтірілді. 1983 жылдың 1 қыркүйегінде ARPANET желісі NCP протоколынан TCP/IP протколына көшірілді, бұл протокол қазіргі кезге дейін желілерді біріктіру үшін қолданылуда. 1983 жылы «Интернет» термині ARPANET желісіне байланысты айтылатын болды.
1984 жылы домендік аттар жүйесі (DNS) жасап шығарылды. 1984 жылы ARPANET желісіне бәсекелес пайда болды. АҚШ Ұлттық ғылыми қоры (NSF) университетаралық ауқымды NSFNet (|National Science Foundation Network) желісін құрып, оған көптеген шағын желілерді (сол уақыттарда-ақ танымал болған Usenet және Bitnet желілерін қоса) біріктірді, бұл желінің ақпарат тасымалдау қабілеті ARPANET желісіне қарағанда, біршама артық еді. Бір жыл ішінде бұл желіге 10 мыңдай компьютер қосылды. 1988 жылы Internet Relay Chat (IRC) протоколы жасалып, Интернетте нақты уақытта сөйлесу (чат) мүмкіндігі пайда болды. 1989 жылы Еуропада, Ядролық сынақтар бойынша еуропалық кеңес (CERN) қабырғаларында Бүкіләлемдік тор концепциясы пайда болды. Оны әйгілі ағылшын ғалымы Тим Бернерс-Ли ұсынды, ол екі жыл ішінде HTTP протоколын, HTML тілін және URI идентификаторларын ойлап тапты. 1990 жылы ARPANET желісі NSFNet желісімен бәсекелестікке шыдай алмай, өз жұмысын тоқтатты. Осы жылы Интернетке телефон арқылы қосылудың сәті түсті (Dialup access).
1991 жылы Бүкіләлемдік тор Интернетте пайда болды, ал 1993 жылы әйгілі NCSA Mosaic браузері пайда болды. 1995 жылы NSFNet желісі бастапқы зерттеу мақсаттарына қайта оралды, енді Интернеттің барлық траффигін маршрутизациялаумен Ұлттық ғылыми қордың суперкомпьютерлері емес, желілік провайдерлер айналыса бастады. Осы жылы Бүкіләлемдік тор FTP арқылы файлдарды тасымалдау протоколын трафик жөнінен басып озып, Интернеттегі ақпарат тасымалдаудың негізгі көзіне айналды, Бүкіләлемдік тор консорциумы (W3C) құрылды. Бүкіләлемдік тор Интернетті өзгертіп, оның қазіргі заманғы бет-бейнесінің қалыптасуына әсер етті деп айтуға болады.
1996-жылдан бастап, Бүкіләлемдік тор Интернет түсінігін толықтай ауыстырды деп айтуға болады. 1990-жылдары Интернет сол уақыттағы желілердің көпшілігін біріктірді (Фидонет сияқты кейбір желілер интернет құрамына кірген жоқ). Интернеттің техникалық стандарттары ашық, ал оны басқаратын белгілі бір компания жоқ болғандықтан, интернеттің дамуы жекелеген желілердің бірігуіне көп әсерін тигізді. 1997 жылы Интернетте 10 млн компьютер болды, 1 миллионнан астам домендік аттар тіркелді. Интернет ақпарат алмасудың ең танымал құралына айналды. 1998 жылы рим папасы Иоанн Павел II Бүкіләлемдік Интернет Күнін 30 қыркүйек деп бекітті. Қазіргі кезде Интернетпен тек қана компьютерлік желілер арқылы емес, сонымен қатар, байланыс спутниктері, радиосигналдар, кабельдік теледидар, телефон, ұялы байланыс, арнайы оптикалық-талшықтық желілер және электр желілері арқыы да байланысуға болады.