Қосымша-1
ОРТА БІЛІМ БЕРУ ҰЙЫМДАРЫНЫҢ ОҚУШЫЛАРЫ АРАСЫНДА ӨТЕТІН «ТІЛ – ҚҰНДЫЛЫҚ» АТТЫ РЕСПУБЛИКАЛЫҚ БАЙҚАУ ТУРАЛЫ ЕРЕЖЕ
2023 жылғы 10 наурыз - 15 сәуір аралығында орта білім беру ұйымдарының оқушылары арасында «Тіл – құндылық» атты республикалық байқау өткізеді.

1. 
   Жалпы ереже
   

Бастауыш, негізгі орта және жалпы орта білім беру деңгейлері бойынша мектеп оқушылары арасында өтетін «Тіл – құндылық» республикалық байқауы (бұдан әрі – Байқау) Қазақстан Республикасы Оқу-ағарту министрлігінің қолдауымен «Ұлттық құндылықтар академиясының» бастамасымен және ұйымдастыруымен өткізіледі.

Байқау ережесі республикалық байқаудың мақсатын, міндеттерін, шарттары мен тәртібін анықтайды.

2. Байқаудың мақсаты: балалар мен жастардың мемлекеттік тілді басты құндылық ретінде құрметтеуіне, оны ықыласпен игеруіне, қазақ сөз мәдениеті талаптарына сай өз ойын шеберлікпен жеткізу қабілеттерін дамытуға ықпал ету.

3. Байқаудың міндеттері:

1. 
   Жас ұрпаққа тілдің ұлттық құндылық ретіндегі маңызын таныту;
   
2. 
   Білім алушылардың көркем сөйлеу қабілеттерін жетілдіруге ықпал ету;
   
3. 
   Білім алушылардың креативті ойлауын, шығармашылық қабілеттерін, сөз мәдениетін дамытуға мотивациясын арттыру;
   
4. 
   Білім алушылардың қазақ тіліне сүйіспеншіліктерін, тіл жұмсауға деген жауапкершіліктерін арттырып, отансүйгіштік қасиеттерін дамыту;
   
5. 
   Білім алушылардың тілді дүниетанымдық, тәрбиелік тұрғыдан тану мүмкіндіктерін кеңейту;
   
6. 
   Білім алушылардың шығармашылығын қолдау.
   

4.Байқауды ұйымдастыру тәртібі

4.1 Байқау «Ұлттық құндылықтар академиясының» ұсынысына сәйкес Қазақстан Республикасы Оқу-ағарту министрлігінің тапсырмасына негізінде республиканың білім беру ұйымдары білім алушыларының арасында өткізіледі және екі тараптың бірлескен жобасы болып табылады.

4.2 Байқауды «Ұлттық құндылықтар академиясы» ұйымдастырады.

4.3 Байқау нәтижелерін бағалайтын қазылар алқасының төрағасы мен мүшелерін Ұлттық құндылықтар академиясы тағайындайды.

4.4 Байқауды ұйымдастыру, өткізу және жеңімпазарды марапаттау «Ұлттық құндылықтар академиясы» есебінен жүргізіледі.

4.5 Байқаудың қорытындылары бойынша «Ұлттық құндылықтар академиясы» Оқу-ағарту министрлігіне ақпарат және өз ұсыныстарын жолдайды.
5.Байқауды өткізу мерзімі мен қатысу тәртібі

5.1 Байқаудың өту мерзімі: 2023 жылдың 10 наурыз -15 сәуір аралығы.

---

Байқау екі кезеңнен тұрады:

1-кезең – 2023 жылдың 10.03- 05.04 аралығы;

2-кезең – 2023 жылдың 15 сәуір.

Байқаудың екі кезеңі де онлайн форматта өткізіледі.

5.2 Байқауға қатысу өтініші онлайн түрде байқау сайтына жолданады. Қатысушыларды тіркеу 6 – 10 наурыз аралығында жүргізіледі.

5.3 Байқауға қатысу өтініміне (Ереженің №1 қосымшасын қараңыз) байқауға қатысу туралы білім басқарма басшысы бұйрығының, қатысушының және пән мұғалімінің жеке басын куәландыратын құжаттың көшірмесі тіркеледі;

5.4 Байқауға ұсынылған бейнематериалдар қайтарылмайды. Байқауды ұйымдастырушылар байқау материалдарын авторын көрсете отырып, БАҚ-та немесе әлеуметтік желілерде жариялауға құқылы.
6. Байқауды өткізу шарттары және тәртібі

6.1 «Қазақ тілі» пәні бойынша ұйымдастырылып отырған Байқау республикадағы орта білім беру ұйымдарының оқу тілі мен оқушылардың жас ерекшеліктерін ескере отырып:

1. 
   қазақ тілінде оқытатын бастауыш мектептің 3-4-сынып оқушылары арасында;
   
2. 
   оқу тілі қазақ тілінен өзге бастауыш мектептің 3-4-сынып оқушылары арасында;
   
3. 
   қазақ тілінде оқытатын негізгі мектептің 5-7-сынып оқушылары арасында;
   
4. 
   оқу тілі қазақ тілінен өзге негізгі мектептің 5-7-сынып оқушылары арасында;
   
5. 
   қазақ тілінде оқытатын негізгі мектептің 8-9-сынып оқушылары арасында;
   
6. 
   оқу тілі қазақ тілінен өзге негізгі мектептің 8-9-сынып оқушылары арасында;
   
7. 
   қазақ тілінде оқытатын бейіндік мектептің 10-11-сынып оқушылары арасында;
   
8. 
   оқу тілі қазақ тілінен өзге бейіндік мектептің 10-11-сынып оқушылары арасында бөлек-бөлек ұйымдастырылады.
   

6.2 Байқау 2 кезең бойынша өткізіледі. Әр кезеңде ұсынылатын тақырыптар, тапсырмалардың шарттары, талаптары мен бағалау критерийлері (Ереженің №2 қосымшасын қараңыз) көрсетілген.

1-кезеңде білім деңгейі бойынша ұсынылған тапсырманы қатысушылар электронды форматта дайындап, әлеуметтік желіде лүпіл (like) жинауы тиіс. Белгіленген мерзімде Ұлттық құндылықтар академиясының unknownx@mail.ru инстапоштасына жолдауы керек. 1-кезеңдегі тапсырманың бағалануы 2 тарапты жүргізіледі: әлеуметтік желідегі «лүпіл» (like) саны мен қазылар бағалауының қорытындысынан кейін ортақ ұпай шығарылады. Жұмыстары үздік деп танылған қатысушылар байқаудың екінші кезеңіне өтеді.

---

Ескерту:

1. 
   Бейнематериалдың ұзақтығы 3 минуттан аспауы керек.
   
2. 
   Бейнематериал байқауы uk_academ22.12.22 Instagram әлеуметтік парақшасына да жүргізіледі. Жеңімпаздарды анықтауда uk_academ22.12.22 парақшасында жарияланған бейнематериалды көрушілер мен «лүпілдің» саны ескеріледі.
   
3. 
   Байқауға басқа көздерден алынған (әлеуметтік желілер, бейне–хостингтер және т. б.) бейнематериалды пайдалануға болмайды.
   

2-кезеңге өткен білім алушылар ZOOM платформасында ауызша тапсырмаларды орындайды, олар белгіленген уақыт ішінде жауап береді. Ауызша кезеңнің ұпайларын қазылар алқасы ашық түрде бағалайды.

7 Байқауды бағалау және марапаттау

7.1 Қатысушылардың білімін қазылар алқасы бағалайды. Бағалау критерийлерін қазылар алқасының мүшелері әзірлеп, ұйымдастыру комитеті бекітеді.

7.2 1-кезең нәтижелері бойынша 40-тан көп ұпай жинаған қатысушылар 2-кезеңге өтеді.

7.3 Байқаудың шешуші кезеңіне қатысқан оқушыларға «Ұлттық құндылықтар академиясының» арнайы үлгідегі сертификаты беріледі.

7.4 Байқаудың ақтық кезеңіне қатысқан оқушылардың жетекшілері ҰҚА-ның Алғыс хатымен марапатталады.

7.5 Әр бағыт бойынша (1-4-сынып; 5-7-сынып; 8-9-сынып; 10-11-сынып) қатысушылардың арасынан мектептің көрсетілген білім деңгейлері мен оқу тілі бойынша 3 (үш) жеңімпаздан (1, 2, 3 орын) іріктеледі. Олар дипломмен, бағалы сыйлықтармен марапатталады. Ерекше нәтиже көрсеткен қатысушылар арнайы аталымдарға (номинацияларға) ие болады.

7.6 Байқау қорытындысы 2023 жылдың 15 сәуірде жарияланады.
№2 ҚОСЫМША
Орта білім беру ұйымдарының оқушылары арасында өтетін «Тіл – құндылық» атты республикалық байқауға қатысуға

Өтінім үлгісі
«Тіл – құндылық» республикалық байқауына

қатысушы туралы мәліметтер

№	Оқушының тегі, аты, әкесінің аты (толық)	Туған күні, айы, жылы	Мекен-жайы (облыс/қала, ауыл, көше, үй, байл.телефоны, e-mail)	Білім беру ұйымы, сыныбы	Жетекші педагогтің тегі, аты, әкесінің аты (толық), телефоны, e-mail

  

Блім беру ұйымы: (атауы, байланыс телефондары)

___________________________________________________________

 

________________________ облысы
Білім басқармасының басшысы ________________ _______________

---

қолы аты-жөні

№3 ҚОСЫМША
Байқаудың талаптары мен бағалау критерийлері
1. Қазақ тілінде оқытатын бастауыш мектептің 3-4-сынып оқушылары арасында өтетін байқаудың талаптары мен бағалау критерийлері
1-кезең. Менің ертегім
Тапсырма. Өзің таңдаған мақал-мәтел бойынша ертегі құрастырып, бейнематериал дайында.

Талаптар:

• 
  ертегі мазмұнының мақал-мәтелге сай болуы;
  
• 
  оқиға желісінің өзара байланысты болуы;
  
• 
  ертегінің сауатты әңгімеленуі;
  
• 
  бейнематериал(бейне пішімі: mp4) түрінде ұсынылуы тиіс.
  

Бағалау критерийлері:

Критерийлер	Ұпай
Жанр стилінің сақталуы	5
Ертегіде мақал-мәтел мағынасының толықтай ашылуы	15
Баяндау шеберлігі	15
Бейнематериалдың сапалылығы	5
Инста парақшада жарияланған бейнероликтерді көрушілер мен «лүпіл» саны	10
Барлығы	50

2-кезең. Ертегілер сыр шертеді...
Тапсырма. Суреттер бойынша ертегінің тақырыбын анықта. Ертегі оқиғасын жалғастырып айт.

Талаптар:

• 
  тақырыпты нақты атауы керек;
  
• 
  оқиғаның желісін үзбей баяндауы қажет;
  
• 
  мәнерлеп, сауатты сөйлеуі тиіс;
  
• 
  берілген уақытты (3 минут) тиімді пайдалануы қажет;
  

Бағалау критерийлері:

Критерийлер	Ұпай саны
Тақырыпты дәл анықтауы	20
Оқиға желісін жүйелі баяндауы	20
Баяндаудың анықтығы, дәлдігі, әсерлілігі	5
Уақытқа сыйымдылығы	5
Барлығы	50

Оқуға ұсынылатын ертегілер тізімі:

1. 
   «Ұр, тоқпақ»
   
2. 
   «Сақина»
   
3. 
   «Жолбарыс пен түлкі»
   
4. 
   «Түйе мен тышқан»
   
5. 
   «Құмырсқа мен көгершін»
   
6. 
   «Емші қасқыр»
   
7. 
   «Қарабатыр»
   
8. 
   «Сауысқан мен көкек»
   
9. 
   «Үш қыз»
   
10. 
    «Алтын мүйізді киік»
    
11. 
    «Алтын балта»
    
12. 
    «Суыр сұңқар, су қайда?»
    
13. 
    «Ақбас тоғай»
    
14. 
    « Бақ, Дәулет, Аман»
    
15. 
    «Қанағат қарын тойғызар»
    

---

Аталымдар (номинациялар):

1. 
   Сөз шебері
   
2. 
   Ертегілер елінің елшісі
   
3. 
   Ұшқыр ойдың иесі
   
4. 
   Үздік ертекші
   
5. 
   Көрермен көзайымы
   

ІІ. Қазақ тілінде оқытатын негізгі мектептің 5-7-сынып оқушылары арасында өтетін байқаудың талаптары мен бағалау критерийлері

1-кезең. «Туған өлкем – тұнған шежірем» (жер-су атауларына қатысты аңыздар бойынша бейнематериал).

Тапсырма. Туған өлкеңіздегі жер-су атауларына қатысты бір аңыз бойынша бейнематериал дайындаңыз.

Талаптар:

• 
  бейнематериал 3 D үлгісінде жасалуы керек;
  
• 
  аңыз мазмұнына байланысты өзіндік көзқарасы қамтылуы керек;
  
• 
  баяндауда орфоэпиялық нормалар сақталуы керек;
  
• 
  ауызша мәтін мазмұны бейнежазба желісіне сәйкес болуы керек.
  

Бағалау критерийлері:

Критерийлер	Ұпай
Бейнематериалдың техникалық талапқа сәйкестігі	10
Оқушының өзіндік көзқарасын дәйектей алуы	10
Тіл көркемдігі	10
Бейнежазбада тақырыптың ашылуы	10
Инста парақшада жарияланған бейнежазбаны көрушілер мен «лүпіл» саны	10
Барлығы	50

2-кезең. «Аңыздар сөйлейді...»

Тапсырма. Ұяшықтың бірін таңдап, ондағы жер-су атауына байланысты аңызды әңгімелеңіз.

Талаптар:

• 
  аңыз мазмұны толық, жүйелі баяндалуы керек;
  
• 
  ойды жеткізуде дәлелдер мен дәйектер келтірілуі керек;
  
• 
  көркем тілмен баяндалуы қажет;
  
• 
  дауыс мәнері әсерлі, эмоциямен берілуі керек.
  

Бағалау критерийлері:

Критерийлер	Ұпай
Аңыз мазмұнының толықтығы	15
Сөз дәйектілігі	15
Сөйлеу сауаттылығы	10
Баяндау әсерлілігі	10
Барлығы	50

---

Смотрите также файлы

• Политический портрет Бориса Годунова.docx

• Лекция. К компьютеру на обработку поступают задания. Из предварительного обследования получена информация, что интервал времени между двумя последовательными поступлениями заданий к компьютеру подчиняется равномерному закону распределения в интервале (111.docx

• Инженерная философия техники.docx

• Ваганов ярослав, мкоу харловская сош.docx

• А. К. Маркова при определении сущности педагогического мастерства отмечает, что это.docx