Файл: Сочинени 1алама хозал Со ваьча лоамашка Лаьча дек, Г1оттача1уйренца Сийрда т1оа сег Цига,наьна дог санна Фо ц1ена да, Йи1ий уйла санна, Сигале кьаьга я. Янднаькьан. Х. Дж.docx
ВУЗ: Не указан
Категория: Не указан
Дисциплина: Не указана
Добавлен: 23.11.2023
Просмотров: 65
Скачиваний: 8
ВНИМАНИЕ! Если данный файл нарушает Ваши авторские права, то обязательно сообщите нам.
Сочинени»1алама хозал»
Со ваьча лоамашка
Лаьча дек,
Г1оттача1уйренца
Сийрда т1оа сег…
Цига,наьна дог санна
Фо ц1ена да,
Йи1ий уйла санна,
Сигале кьаьга я.
Янднаькьан.Х.Дж.
Фу яхалга да 1алама хозал?Х1ара сага ше-ший тайпара кхетаду из дош.
Хьахетарехь,1алама хозал вай дегашка я.1алаьмате аллал, тайп-тайпара да вай лаьттан т1ара 1алам, цудухьа вайна юкье цхьатарра 1алама хозалах жоп лургдола ши саг вац.Дунен 1алама хозалах дийца цхьа саг варгвац.Х1ара мехка вахача сага ше-ше вахаш бола мохк кхычарел хозаг1а хетт.Бехк а бац,бера хана денз цун гуш йола хьамсара хозленаш я уж.Бакьда, сога диллача ,вайчул хозаг1а 1алам долаш цхьа мохк бац.Дунен масса ме1инге вай го тассарах,вайдар санна хоза 1алам, лоамий хозал, шовдай ц1енал,оалхазарий башхал, г1алай хоза куцаш долаш кхы цхьаькха мохк хургба, аьнна ,хетац сона.
Цхьаккха х1амах д1алургйоацаш я вай лоаме.Сигаленга кхоачаш дола лакха лоамаш,курра латта эздий г1алаш,листа хьунаш,цу хьунашка дека оалхазараш:новц1олг,тушол, кукал,дарта, фаьра хьазилг,моаш,сарсал…Тайп-тайпара оакхарий, акха хьайбаш го йиш я цу хьунашка:хьаг1аш,чарч,акха гаьзарий, бертий, цогалаш, пхьагалаш,акха хьакхарч ,акха ж1алеш,акха цискаш,лийг,саьрч и.кх.д1.
1алама эггара хозаг1а долча дакьах да вай мехкара хиш:1арамхи,Шолж,Тирк,Эс,Г1алми,Фарта.Царех б1аргкхийттача,царна юхе кхаьчача, цхьа ший тайпара детталу дог, селлара кьаьга, ц1ена,уйлашка а дегашка а сабар, сатем, г1озале чуйоссайу цар. Цу хишка чу лела дукха тайп-тайпара чкьаьрий:чабакх, ц1енчкьаьра,ж1ов-чкьаьра и.кх.д1.
Вай мехка 1алам массаза а хоза да: 1ай,б1аьстан,ахкан,гуйран.Дийца ца валлал ,дукха да вайна гонахьа хоздар,кулг тоха а б1аргаго а.Х1ара ханна ший баркал да,кицо ма аллара.
1ай ,к1ай чокхи дувха нускал санна, уйла ц1ена йолаш,цхьа деррига а фаьлга сурт а хиле д1аотт из.Деррига дуне тхьайсача санна хеталу.Бийсаш беттала,сийрда хул.Кора б1алгашта хоза догараш хул,б1арг цецбоаккхаш Цхьа ший тайпара тамашийна сурт дул к1айча лай т1а гуш долча ц1е датта сомаши ц1е накха болча берцакхокхарчаш е.
Б1аьстан,гаьнаша-хьунаша баьццара дерзадий,дог1аш лувчадеш,малхо хоздеш,тайп-тайпара зизай баьцашца,шоай мехка ц1адоаг1ача оалхазарий иллешца наьха дог деладу 1аламо.Деррига дийнаташ сомдоалл,долалу.
Ахкан замалахь, сийнача сигалено,б1айхача малхо,шийлача 1ийне, кхаачаш латтача сомаша,села1адаша хозду дуне.Дуккха бес-бесарча зизаша кьоагаду дуне. Х1аьта, эггара хозаг1а,тамашийна сурт долаш хул гуйре.В1алла ца соцаш ,1олегача г1анаша цецвоаккх бесай дукхаленах.Ц1е,1ажаг1а,мора г1аьнаша, к1аьда 1олегаш,б1арг д1ат1а ца отташ,хоза к1увс бу 1алама таьех. Сигала г1олла кхо са а баь, б1айхача мехка шоай никь болабу оалхазараша.Вайца 1адика ювц цар,й1охъелча ц1адахка дош а лу.Сагота хет уж д1адолхаш,бакда вай теш уж юхадоаг1аргхиларах.
Дала шийна ма харра,хьакхеллад дошо 1алам,вайна даха а дог деладе а.
Аз ч1оаг1а доаккхал ду селлара тамашне-хозача мехка се ваха хьакхелла!
Аллах1а эша ма болба вай Даьй-мохк!