ВУЗ: Не указан
Категория: Не указан
Дисциплина: Не указана
Добавлен: 30.11.2023
Просмотров: 25
Скачиваний: 2
ВНИМАНИЕ! Если данный файл нарушает Ваши авторские права, то обязательно сообщите нам.
ХАЛЫҚТЫҚ КОАЛИЦИЯ ӨКІЛДЕРІ ҰСТАЗДАРМЕН КЕЗДЕСТІ
Елімізде 20 қарашада өткізілетін кезектен тыс Президенттік сайлауға санаулы күндер қалды. Сайлауалды үгіт-насихат жұмыстары З.Космодемьянская атындағы №23 мектеп-лицейінің ұстаздар қауымымен кездесуімен жалғасты. Жиында ҚР Президенттігіне үміткер Қ.К.Тоқаевтың сенімді өкілдері И.Хашимжанов, Б.Әлтеев, Д.Баширов мұғалімдерге Президенттің бастамасымен соңғы жылдары ұстаздардың беделін арттырып, әлеуметтік жағдайын жақсарту, білім сапасын арттыру, ұстаздардың қолайлы ортада жұмыс атқару жолында жасалып жатқан жағдайлар жайлы сөз өрбітті.
Кездесуде сөз алған «Шымкент қаласы кәсіподаұтар орталығы аумақтық кәсіподақтар бірлестігінің төрағасы, штаб мүшесі Бауыржан Әлтеев «Мемлекет барлық жас азаматтардың өзін-өзі жүзеге асыруына жағдай жасау үшін жұмысты жалғастырады. Шығармашылық жастар туралы да ұмытпау керек. Креативті индустрияны дамыту жалғастырылатын болады. Қ.Тоқаев өзінің сайлауалды бағдарламасында музыка, кино, театр, әдебиет, графика және т.б. бағыт бойынша жас таланттардың халықаралық фестивальдарын тұрақты өткізу міндетін қойды. Ең дарынды, ерекше көзге түскен жастар «Тәуелсіздік ұрпақтары» тегін грантын ала алады. Әділетті Қазақстанда педагогтарға ерекше рөл беріледі. Педагогтер өздерінің барлық рухани күші мен білімін өскелең ұрпақтың тәрбиесіне, отаншыл және табысты азаматтарды құруға құяды. Біз, шығармашылық жұмысқа барлық жағдайлар жасап, оларға тән емес қызметтерден босатып, талмай, педагогтердің әлеуметтік мәртебесін көтереміз»-деді.
Ұстаздар алдағы сайлауда халықтық коалиция атынан ұсынылған кандидат Қ.К.Тоқаевты қолдайтындықтарын жеткізді.
#Toqaev2022
Халықтық коалиция атынан ҚР Президенттігіне кандидат Қасым
-Жомарт Тоқаевты қолдау жөніндегі облыстық қоғамдық штаб мүшелері
ЖАСТАР ӨЗ КАНДИДАТЫН ҚОЛДАЙДЫ
Шымкентте сайлауалды үгіт-насихат шаралары қызу жалғасуда. Бүгін ҚР Президенттігіне үміткер Қасым-Жомарт Тоқаевтың сенімді өкілдері Индустриалды – техникалық колледжінің ұжымымен кездесіп, үміткерді қолдап дауыс беруге шақырды.
Штаб мүшелері Б.Әлтеев, И.Хашимжанов, Д.Исабеков, Д.Баширов, А.Оспанов сайлауалды бағдарламаның мазмұнын түсіндіріп, үміткердің «Әділетті Қазақстан: бәріміз және әрқайсымыз үшін. Қазір және әрдайым» атты сайлауалды бағдарламасында білім саласы мен жастарға арналған бағдарларын жан -жақты таныстырды. Яғни, жастардың әлемдік цифрлық кітапханаларға қол жеткізе алатыны, жатақхана, шәкіртақы мәселелері кеңінен айтылды.
Ұстаздар құрамы, белсенді студент жастар еліміздегі аса маңызды сайлау додасына қатысып жатқан кандадат бағдарламасын ден қоя тыңдады. Жиналған қауымға егжей-тегжейлі жауап берілгеннен кейін сенімді өкілдер жастарды 20 қараша күні сайлау учаскелеріне келіп, дауыс беруге шақырды.
ӨҢІР ҚАРИЯЛАРЫ КАНДИДАТ ҚАСЫМ-ЖОМАРТ ТОҚАЕВҚА СЕНІМ БІЛДІРДІ
Шымкентте Қасым-Жомарт Тоқаевтың жақтастары Б.Әлтеев, И.Хашимжанов, Е.Сатқанбаев, Д.Исабеков, А.Оспанов Абай ауданы Қызылжар шағын ауданының ақсақалдарымен кездесіп, сайлауалды бағдарламаны қарияларға түсіндіріп, болашақтағы жобалар жайлы кеңінен әңгімеледі.
Жиында сөз алған «Шымкент қаласы кәсіподақтар орталығы» аумақтық кәсіподақтар бірлестігінің төрағасы, штаб мүшесі Бауыржан Әлтеев Қазақстанның болашағын айқындайтын үміткердің сайлауалды бағдарламасының негізгі бағыттарына тоқталды.
«Біз әлеуметтік төлемдердің көлемін өсіреміз, халықтың осал топтарын қолдайтын жаңа құралдар енгіземіз, негізгі қажеттіліктерін қамтамасыз етуге жәнежаңа білім мен нәтижелі еңбек арқасында өз өмірін жақсартуға көмектесеміз. Біз әр мекемеге бір жүгінбей, мемлекеттік қолдауды проактивті форматта алу үшін адам өмірінің барлық бағытын қамтитын отбасының цифрлық картасын құруды жоспарлап отырмыз. Бұл мемлекет тарапынан берілетін көмекті атаулы және әділетті етуге көмек береді» деді штаб мүшесі Б.Әлтеев.
Ақсақал қариялар кездесу соңында штаб жұмысына сәттілік тілеп, ақ батасын берді.
#Toqaev2022
Тоқаевтың жақтастары Шымкентте сайлаушылармен кездесті
ҚР Президенттігіне кандидат Қасым-Жомарт Тоқаевты қолдау жөніндегі Республикалық қоғамдық штаб мүшелері Шымкент қаласының сайлаушыларымен кездесті. Жұмыс сапары барысында Мәжіліс Төрағасы Ерлан Жақанұлы Қошанов жетекшілік ететін халықтық коалиция өкілдері қала жұртшылығымен, жас ғалымдармен және кәсіпорындардың еңбек ұжымдарымен бірқатар кездесулер өткізді. Олардың басты мақсаты – кандидаттың сайлауалды бастамаларын өңір тұрғындарына жеткізу. «Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеев өңір ақсақалдармен, зиялы қауым өкілдері және белгілі қоғам қайраткерлерімен бірге кандидаттың «Әділетті Қазақстан: бәріміз және әрқайсымыз үшін. Қазір және әрдайым» деп аталатын сайлауалды бағдарламасындағы ой түйіндерді тыңдай келе, Қасым-Жомарт Кемелұлының кандидатурасына қолдау білдірді.Жиналғандар сайлауалды бағдарламадағы Әділетті қоғам жоғары баға беріп, сайлауда Әділетті Қазақстан үшін дауыс беретінін айтты.
Жиын қатысушылары тарапынан да ой-пікірлер айтылды.
Кездесуде сөз алған «Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеев «Елімізде 20 қараша күні өтетін сайлау - маған, саған, бізге және болашақ ұрпаққа, қазақ халқына керек. Бұл Қазақстанның жарқын болашағы үшін жасалатын таңдау. Баянды болашақтың қамын бүгіннен бастап, Әділетті және Қуатты Қазақстанды құрға шақырамын» -деді қалалық штаб мүшесі.Жас ғалымдармен және өнертапқыштармен кездесу барысында Тоқаевтың жақтастары ғылымды қолдау мәселесін қозғады. Бұдан соң, штаб мүшелері «Оңтүстік» арнайы экономикалық аймағы кәсіпорындарының қызметкерлерімен кездесіп, жиналғандардың назарын Қасым-Жомарт Тоқаевтың сайлауалды бағдарламасында көрініс тапқан жұмысшының еңбек құқықтарын қорғау мәселелеріне аударды.