ВУЗ: Не указан
Категория: Не указан
Дисциплина: Не указана
Добавлен: 03.12.2023
Просмотров: 28
Скачиваний: 2
ВНИМАНИЕ! Если данный файл нарушает Ваши авторские права, то обязательно сообщите нам.
Какимжанова Сабина Акылбековна. Тыңдаушының портфолиосы А бөлімі
Қостанай қ. «ПШО» ЖМ филиалы «Бағалау тапсырмаларын әзірлеу мен сараптау»
бойынша семинар
«Отандық өнеркәсіп өнімі», « Қазақ киносы мен театрының қазіргі келбеті» бөлімдері бойынша жиынтық бағалау тапсырмалары
Оқу мақсаты - 10.1.5.1 мәтіннен автордың көзқарасын (негізгі ойын) негіздейтін аргументтерді талдай отырып, астарлы ойды анықтау;
10.4.4.1 тақырып бойынша мәтінге жоспар құрып, әр тармақшаға қажетті негізгі және қосымша мәліметтерді жинақтап ұсыну (тірек-схема, менталды карта, презентация);
Бағалау критерийі Білім алушы :
Мәтіннен автордың көзқарасын (негізгі ойын) негіздейтін аргументтерді талдай отырып, астарлы ойды анықтайды;
Тақырып бойынша мәтінге жоспар құрып, әр тармақшаға қажетті негізгі және қосымша мәліметтерді жинақтап ұсынады (тірек-схема, менталды карта, презентация);
Ойлау дағдыларының деңгейі - орта деңгей
Уақыты- 15-20 минут
Тыңдалым мәтіні. Мәтінді мұқият тыңдаңыз.Тапсырманы орындаңыз.
https://massaget.kz/layfstayl/debiet/proza/43754/
(Мәтін оқушылар деңгейіне бейімделген)
Апам менің... Өлдің, ауырмай-сырқамай, бір тісің шетінемей, "алла белім" демей, сексен тоғыз жасында өз иманыңды өзің айтып өлдің.
Апамды арулап, сырмаққа орап, зузаға салып көтере жөнелгенде, үйдің бұрыш-бұрышында "апам-ау, апам" деп, зар еңіреп немерелері қалды. Маған зузаның ең бір маңдай басы тиіп еді, ағаш сырғауыл иығыма батып, жанымды шығарса да шыдадым. Мен шыдайды деп жорамалдады ма, әлде әдістеніп келе ме, арттағы азаматтар бекер ұстасқаны болмаса, көп күш жұмсамай, бос келе жатқанын сездім. Өлген адамның сүйегі ауыр болады деген рас екен. Шүйкедей ғана кемпірді сойталдай-сойталдай он жігіт мықшыңдап әрең көтеріп келе жаттық. Апамды үйінен, қара орманынан ел-жұртты шулатып ала қашқан шеру жаңадан қазылған жас қабірдің басына келіп тоқтап, сүйек салынған зузаны жерге түсірген соң, біздерге бір-бір сомнан ақша таратты. Менің де ұйып қалған алақаныма жұмарланған бір теңгені ұстата салғанда, жүрегім дір ете түсті де, көзімнен жас ыршыды. Менің есіме сонау балалықтың алаңсыз жылдарында "ақшамды алып қояды" деп, Апамның қойнына жатпай, бөлек кеткенім түсіп еді. Енді, міне, мойныма қарыз болмасын дегендей, сол бір қайнатым шай алған бір сомды өзіме қайтарып тұрғандай сезіндім. Өз-өзімді тоқтата алмай жыладым, қара
жер томпайғанша жыладым.
(178 сөз)
1.Автордың көзқарасын (негізгі ойын) анықтаңыз?
А) Ананың ыстық махаббаты
Ә) Адамзатты қадірлеу
Б) Аналарды аялау
В) Баланың сезімі
Г) Күнәсі
2. Автор анасын қалай сипаттаған? Өз сөзіңізбен толықтырыңыз.
____________________________________________________________
3. Автор кейіпкердің қай қылығынан өкініш сезімін көрсетеді?
А) Балалық шағында ақша қызғанғандығынан
Ә) Анасына пәтер алып бере алмағандығынан
Б) Анасын уақытында сыйламағандығынан
В) Немере сүйгізе алмағандығынанан
Г) Жерлеуге кешігіп келгенінен
4. Кейіпкер неге өз-өзін тоқтата алмай жылады?
А) Иығы ауырды.
Ә) Жүрегі ауырды.
Б) Анасын еске алды.
В) Жастық шағын еске алды.
Г) Күш-жігері таусылған соң жылады.
5. «Қара жер томпайғанша жылау» сөзінің мағынасын өз сөзіңізбен жазыңыз.
______________________________________________________________
Жазылым. Ұсынылған тақырыптардың бірін таңдаңыз.
1. Қостанайдағы өнеркәсіп орындары.
2. Қазақстандағы қазіргі өнеркәсіптің дамуы.
3. Қостанайдағы «Арман» кинотеатрының қазіргі және бұрынғы келбеті.
4. І. Омаров атындағы қазақ драма театрының тарихы.
Тапсырма. Таңдаған тақырыбыңыз бойынша мәтінге жоспар құрыңыз. Әр бөлімге негізгі және қосымша мәліметтерді жинақтап, презентация жасаңыз.
| Бағалау критерийлері | тапсырма | Дескриптор | Балл |
| Мәтіннен автордың көзқарасын (негізгі ойын) негіздейтін аргументтерді талдай отырып, астарлы ойды анықтайды; | 1 |
| 1 1 1 1 1 |
| Тақырып бойынша мәтінге жоспар құрып, әр тармақшаға қажетті негізгі және қосымша мәліметтерді жинақтап ұсынады (тірек-схема, менталды карта, презентация); | 2 | Ұсынылған тақырыптардың бірін таңдады. Тақырып бойынша жоспар құрды. Тақырып бойынша мәтін жазды. Әр бөлімге негізгі және қосымша мәлімет жинақтады. Тақырып бойынша презентация жасады. | 1 1 1 1 1 |
| Барлығы | | | 10 балл |
«Отандық өнеркәсіп өнімі», « Қазақ киносы мен театрының қазіргі келбеті» бөлімдері бойынша жиынтық бағалаудың нәтижесіне қатысты ата-аналарға ақпарат
Білім алушының аты- жөні:_________________________________________
| Бағалау критерийлері | Оқу жетістігінің деңгейі | ||
| Төмен | орта | Жоғары | |
| Мәтіннен автордың көзқарасын (негізгі ойын) негіздейтін аргументтерді талдай отырып, астарлы ойды анықтайды; |  Мәтіннен автордың көзқарасын (негізгі ойын) негіздейтін аргументтерді талдай отырып, астарлы ойды анықтауда қиналады. | Мәтіннен автордың көзқарасын (негізгі ойын) негіздейтін аргументтерді талдай отырып, астарлы ойды анықтауда қателеседі. | Мәтіннен автордың көзқарасын (негізгі ойын) негіздейтін аргументтерді талдай отырып, астарлы ойды анықтайды; |
| Тақырып бойынша мәтінге жоспар құрып, әр тармақшаға қажетті негізгі және қосымша мәліметтерді жинақтап ұсынады (тірек-схема, менталды карта, презентация); | Тақырып бойынша мәтінге жоспар құрып, әр тармақшаға қажетті негізгі және қосымша мәліметтерді жинақтап презентация ұсынуға қиналады. | Тақырып бойынша мәтінге жоспар құрып, әр тармақшаға қажетті негізгі және қосымша мәліметтерді жинақтап презентация ұсынуда қателеседі. | Тақырып бойынша мәтінге жоспар құрып, әр тармақшаға қажетті негізгі және қосымша мәліметтерді жинақтап презентация ұсынады. |