Файл: азіргі тада тірлерді трлеріні кбейіп кеткені соншалы, маркасыны зі 2500ге жетіп отыр.docx
ВУЗ: Не указан
Категория: Не указан
Дисциплина: Не указана
Добавлен: 05.12.2023
Просмотров: 22
Скачиваний: 1
ВНИМАНИЕ! Если данный файл нарушает Ваши авторские права, то обязательно сообщите нам.
Қазіргі таңда әтірлердің түрлерінің көбейіп кеткені соншалық, маркасының өзі 2500-ге жетіп отыр.
Әтірді де сүйіктіңіз секілді жай ғана ұнату арқылы таңдайтыныңыз анық. Әрбір адамға таңдау кезінде сізге лайығы мынау деп дөп басып айту қиын. Сол себепті таңдау еркін түйсік пен талғамға бергеніміз жөн. Олар да музыка секілді. Хош иістер әлемі ешкімге тәуелсіз, өзіне тәуелді еткенді жақсы көреді. Ал әтірлер туралы ауқымды мәліметке Франция компаниялары ие. Олай болса, сол мәліметтерді оқып көрейік.
Әйел адамдар мен ер адамдарға лайық әтірлердің бәрі 7 үлкен топқа бөлінеді.
А – Цитрусты
Бұл топқа апельсин, лимон, мандарин, бергамот және цитрус тұқымдасты өсімдіктердің өнімдерінен жасалған әтірлер жатады.
В – Гүлді
Бұл топтағы әтірлер өзіне жасмин, раушан, лалагүл, шегіргүл (фиалка), нәркес (нарцисс) және т.б. тірі гүлдердің хош иісін өз бойына сіңірген.
С – Папоротникті
Келесі топтың осылайша аталуына қарап, міндетті түрде құрамында қырыққұлақтың иісі болу керек деген сөз емес. Мұнда бергамот, кумарин, лаванда секілді гүлдер өзінің басымдығын көрсетеді.
D – Шипрлы
Бұл топтағы әтірлерді табанды, мойнына көп жауапкершілікті алатын адамдар ұнатады екен. Құрамында ладан, пачула, бергамот сынды гүлдердің хош иісі бар.
Е – Орман өсімдіктерінен
Ерлердің сүйіп таңдайтын жылы да бай бұл хош иісті әтірлер құрамына пачула, балқарағай, сандал, ветивер сынды иістермен жабдықталған. Лавандалы және цитрусты иістердің аз ғана қосындысы бар.
F – Амбрелалы (кит тұқымдас ірі теңіз жануарларынан алынып, парфюмерия өндірісінде қолданылатын хош иісті, қоңыр түсті зат)
Мұнда ваниль, хош иісті шайыр (ладан) және жануарларға тән иіс бар. Нағыз шайырдың классикалық иісі Shalimar әтірінде орын алған.
G – Қабықты (кожанные)
Түтін, ағаш, табак және гүлдердің солғын ғана хош иісі қосылған бұл иіс өте құрғақ.
Жоғарыда айтылған әрбір топ өздігінше ерекше. Заманауи әтірлердің құрамында 200-ге жуық түрлі иістер бар. Мұнымен қатар әрбір топтың үздіктері де бар. Олар:
А – Цитрусты: Eau de Cologne, Eau de Rochas
В – Гүлді: Chanel № 5, L‛Air du Temps, Giorio, Kenzo
С – Папоротникті: Jisky
D – Шипрлы: Chypre, Mitsouko, Miss Dior
F – Амбрелалы: Ysatis, Obsession, Poison, Opium
G – Қабықты (кожанные) Cuir de Russie, Scandal
Әтір сатып алар кезде асықпаңыз. Бір уақытта 3 әтірден артық иісті иіскемеңіз. Алдымен қағаздағы үлгісін иіскеп көріңіз.
Есіңізде болсын әтірді тамыр үстіне мойын, білек, тізе, кеуде сияқты дене бөліктеріне сепкен дұрыс. Иісі тез таралады әрі ұзаққа сақталады. Шашыңыз дымқыл кезінде сеуіп қойсаңыз да жақсы.
*****
----------------------------------------------------------------------------------------------------------------****
Имиджді қалыптастыратын маңызды факторлардың бірі – әтір таңдай білу. Егер осыған дейін сүйікті иіс суыңызды таңдамаған болсаңыз, онда бұл қателікті түзейтін кез келді. Ең дұрысы сапалы өнімді алған жөн. Мұндай нәрсені ұзақ уақыт пайдаға жарата аласыз. Ол үшін арнайы салондардағы тәжірибелі мамандар көмектеседі.
Өнімнің бағасы маңызды емес. Басты мәселе – өзіңізге лайықты әтірді таңдау. Әтірді сатып алуға көтеріңкі көңіл күймен, таңертеңгі уақытта барған дұрыс. Себебі дәл осы мезгілде иіс сезу мүшелері жақсы жұмыс істейді. Әтір сатып алар кезде бірер күн бұрын әтір қолданбаған дұрыс. Бұл – иісті дұрыс таңдауға септігін тигізеді. Дүкенде кеңесшімен ақылдасып, 2-3 құтыны байқап көрген жөн. Иістерді таңдағанда, алғашқы үш иісті ғана адам толық сезінеді.
Шамадан тыс иіскей беруге де болмайды. Себебі ондай жағдайда әтірдің бәрі бәрдей иісті болып кетеді. Кейде бас айналып, ауыратын сәттер де кездеседі. Көп әтірді иіскеп таңдағанда, ара-арасында кофені иіскеп тұру да ұсынылады. Адсорбция нәтижесінде кофе бөгде иістердің бәрін жояды да, ары қарай қалаған иіс суыңызды кедергісіз таңдай аласыз.
Иіс суды құтының қақпағына емес, аз бөлігін блоттерге (арнайы картон қағазға) себу керек. Жай қағазға әтір себетін болсаңыз, оның құрамындағы спирт ыдырағанша, ұзақ уақыт кетеді. Иісті бірнеше рет иіскеп көру қажет, сонда ғана оның нағыз иісін ажыратасыз. Алдымен, үстіңгі қабаттағы иісті сезесіз. Ал ортаңғы және негізгі иісті шлейфті кейінірек сезінесіз. Егер иіс ұнаса, оны қолыңызға шашыңыз. Себебі иіс тек дене терісінде, әсіресе жүрек соғысы бар жақта дүрсілмен, дене тынысымен үйлесім тауып, жақсы сезіледі. Қолыңызда сағат болмасын, ол иісті өзгертеді.
Егер ащы тағам жесеңіз, әтірдің иісі өткір боп сезілуі мүмкін. Құрғақ, суық ауа райында иістер аса күшті болмайды. Ал жылы, ылғалды ауа райында керісінше, жақсы әсер береді. Қыз балада көңіл күйге байланысты пайдаланылатын иіс судың түр-түрі болғаны жөн.
Бір иісті ұзақ уақыт қолдану зиян. Өйткені иіске үйреніп, кейінірек оны сезбей қалуыңыз мүмкін. Кейбір адамдарда аллергия пайда болады. әтірлер бір-бірінен құрамындағы парфюмерлік экстракт мөлшеріне қарай ажыратылады. Ол артқан сайын иіссу бағасы да қымбаттай түседі. Әтірлерде ол 35 пайызды құраса, парфюмерлік суларда 10-20 пайыз, иіс суларда 3-5 пайыз. Бірден үлкен құтыдағысын сатып алудың қажеті жоқ.
Әтірді қалай қолдану керек? Бірнеше тамшыны құлақтың артына себеміз. Одан басқа адамның денесінде жылу сақталатын 12 жерге себуге болады. Эсте Лаудер әтірді бүріккішпен шашуға кеңес береді. Ол: «Әтірді бүркіп қап, сол хош иіс бұлтының арасына сүңгіп кірсең, иіссу бүкіл денеге біркелкі таралады»,– деп ұсынады.