Файл: 1жргізуші Нрислам айырлы кн, уа, халайы! 2жргізушіАмина.docx
ВУЗ: Не указан
Категория: Не указан
Дисциплина: Не указана
Добавлен: 06.12.2023
Просмотров: 17
Скачиваний: 1
ВНИМАНИЕ! Если данный файл нарушает Ваши авторские права, то обязательно сообщите нам.
Тақырыбы: «Әліппе-білім бастауы!»
Мақсаты: Оқушылардың әліппеден алған білімдерін ортаға салу. Оқушыларды ана тілі оқулығымен таныстыру және өзін-өзі басқаруға үйрету.
1-жүргізуші Нұрислам:
Қайырлы күн, уа, халайық!
2-жүргізушіАмина:
Армысыздар, мұғалімдер, әз жандар,
Білім іздеп, инемен құдық қазғандар,
Құшақ жая қарсы аламыз сіздерді,
Би биленіп, әнде бүгін шырқалар.
1-жүргізуші Нұрислам:
Көз салып қараңызшы бойымызға
Ортақ боп бүгінгі өскен ойымызға.
Хош келіпсіз, ұстаздар, ата - аналар,
Әліппемен қоштасу тойымызға.
1-жүргізүші: Нұрислам:Балалар, мен сендерге сұрақ қоюдан бастайын. Сендер оған жауап айтыңдаршы.
Іші толы әріпке,
Білімдегі жарық не?
Хормен:
Болашаққа жол ашар -
Ол сүйікті - Әліппе!
Ол сүйікті - Әліппе!
2-жүргізуші:Амина
- Олай болса, бәрімізге ең қымбат Әліппені ортаға шақырайық.
Хормен: Әліппе! Әліппе! Әліппе!
Әліппе:Сәлеметсіздер ме балалар,
Оқушылар :Сәлеметсіз бе Әліппе.
Әліппе: Армысыздар жас достар!
Армысыздар, ата - ана!
Болашаққа жол бастар,
Әліппең келді ортаға.
Білім деген ғажаптың,
Әліппесін меңгерген
Келешегі қазақтың,
Басталады сендерден.
Таудай болса талабың,
Айтары көп әріптің.
Жақсы білім көрімдік
Болсын бізге халайық
Не үйреніп ,не білдік,
Қане ортаға салайық!
1-жүргізуші Нұрислам:
Әліппе бүгінгі кешіміздің ең қадірлі қонағы.
2-жүргізуші Амина :Оқушылардың Әліппеге арнаған өлеңдеріне кезек берейік.
Фатима:Еркесі едім атамның
Еркесі едім анамның
Толдым биыл жетіге
Мен оқушы атандым.
Раяна:Келгенімде алдыңа,
Қызыл арай гүл алып.
Жақын тарттың өзіңе
Шәкіртім деп қуанып,
Сипадың да басымнан
Әліппені ұсындың
Бақытымның осыдан
Басталғанын түсіндім.
Т.Айзере:Қыркүйекке келдім де
Сыныпқа кірдім қуанып.
Қарсы алды ұстаз мейірмен
Қадамымды құп алып.
Бар білімнің бастауын
Әліппеден бастадым
Үйренуге талпындым
Құлшынып,балғын жас жаным
Айзере М
«Әліппе» даңғыл жол ашты
Жаңадан пәндер жалғасты
Әліппе сырын ұқтырған
Рахмет ұстаз алғашқы.
Амина: Ән «Менің атым әліппе»
Орындайтын:Алматұлы Нұрислам
Даяна:Жасымыз толды жетіге
Ересек біздер баламыз
Екіні қосып екіге
Әріп те жаза аламыз.
Әмір Қ:Келгенде алғаш мектепке,
Білмеуші едік әріпте,
Оқимыз қазір ертекте,
Үйреткен оны Әліппе!
Інжу:Әліппе деген алтын жол
Апарар сені алысқа.
Жеңіл емес ауыр жол
Тырысып бақ намысқа.
Нұржігіт:Әліппем менің Әліппем,
Сені қолға алып мен.
Есігін аштым мектептің,
Ертеңгі сәуле жарықпен.
Алуа:Бірінші беттен елімнің
Елтаңбасын таныдым
Көк байрақты қазақтың
Ұрпағымын ,сәнімін
Айқын:Әліппе білім анасы
Әліппе кітап данасы
Әліппе бетін ашпаған
Адам бар ма баласы
Нұрислам:Ән: «Ардақты ұстазым» Әні мен сөзі Бота Бейсенованікі
Орындайтын : Мамырбек Айзере
Би: Тәліп Эсмираның орындауында өзбек биін тамашалаңыздар
2-жүргізуші Амина:
Қане бері қарайық,
Зейін қойып тыңдайық
Әріптермен танысу
Тақпақтардан айтайық.
1-Жүргізуші: Нұрислам
Енді ортаға әріптерді шақырайық.
«ОТАН» ( О, Т, А, Н, Ә, Л, І, П, П, Е) әріптер таққан оқушылар шығып тақпақ оқиды.
Алина:
Оспан да өлең жаттады,
Олжас та өлең жаттады.
Мына менен басталған
Екеуінің аттары.
Джаннет:
Торғай, торғай, торғайсың
Таяу келіп қонғайсың.
Жем шашайын тойып ал,
Сонда аязға тонбайсың.
Нұрислам:
Астана - Астанам,
Астана - бас қалам.
Ардақтап атыңды,
Аузымнан тастаман.
Илияс:
Ас біткеннің атасы
Қасиетті «нан» осы.
Қайсы әріптен басталып
Аяқталғанын қарашы.
Әліппе:Рақмет балалар!Міне біз әліппеден өз Отанымыз туралы көп оқып білдік.
Ендігі кезекте Отанымыз туралы білгенімізді ортаға салайық.
-Балалар ,біздің Отанымыз қай мемлекет?
-Біздің президентіміз кім?
-Біздің еліміздің елордасы қалай аталады?
-Астана қаласының символы не?
-Рәміздерді білесің бе?
-Біз қай облыста тұрамыз?
-Ендеше Отан туралы қандай әндер,өлеңдер үйрендік,соны ортаға салайық
Айша :Отан сенің ата-анаң
Отан-досың, бауырың
Отан -өлкең, астанаң
Отан –аудан, ауылың
Даяна:Жасымыз толды жетіге
Ересек біздер баламыз
Екіні қосып екіге
Әріп те жаза аламыз.
Мадияр:Отан –тарих,Отан –тіл
Жасған ерің,ер халқың
Отан-өлең,Отан-жыр
Көтерген көкке ел даңқын
Зейін:Отан осы достарым
Көңілге мұны түйе біл
Отан деп өс жас қауым,
Оны ардақтап сүйе біл
Ерали:Ана тілің арың бұл
Ұятың боп тұр бетте
Өзге тілдің бәрін біл
Өз тіліңді құрметте
Нұрислам: Ән Рахмет саған әліппе!
Әліппе тапсырмасы.
Эсмира:Ең алғаш алғанымда әліппені
Қызығып қарай бердім әріптерді
Мен үшін жұмбақ болып қалар ма еді
Ұстазым оның кілтін алып берді
Нұрали:Таныстырған 42 әріппен
Қош бол менің қасиетті әліппем
Сенің арқаң оқи жаза аламын
Сауатты адам қатарына кіргенім
Назерке:Туған тілдің бастауы
Әріптерден тараған
Әліппеден ең алғаш
Білім алған бар адам
Қолыңдағы әліппе
Әріптердің тұрағы
Сенің аты-жөнің де ,әріптерден тұрады
Жанкелді:Рақмет ,саған әліппе
Көп нәрсені үйреттің
Таныстырып әріппен
Тақылдытып сөйлеттің
Нұрдана:Бар кітапқа бас болған
Әліппе –ғылым анасы
Әліппеден басталған
Даналықтың данасы
Нұрислам: Би Аққу. Тимурқызы Айзере
Марьям:Үйретті бізді әліппе
Қырық екі дербес әріпке
Сөз ,сөйлем құрап әріптен
Лайық болдық дәріпке
Айдос:Іші толы әріпке
Мынау әйбат әліппе
Барлық ілім білімнің
Әжесі осы әліппе
Ыстық әрбір беттерің
Жазуыңды ұғамын
Ақыл бердің Әліппе
Ақылды сен мұғалім
Тлеужан:Білімге жолды бастаған
Әліппем саған мың алғыс!
Оқы деп ұран тастаған
Бәрі:Әліппем саған мың алғыс!
Асхат:Бізді үйреткен оқуға
Бізді үйреткен әріпке
Ғылым ,білім бастауы,
Бәрі:Мың рақмет ,әліппе
Амина:Иә, бүгін біздің қуанышымызда да шек жоқ. Өйткені біз тұңғыш сауатымызды ашқан «Әліппені» бітірдік.
Нұрислам:Бізді осындай күнге жеткізіп, бірге қуанып, әкелеріміз бен әжелеріміз, аналарымызға мың алғыс айтамыз. Ендігі ән - шашуымыз сіздерге арналады.
Амина:Ән: Қазақ қызы Орындайтын Тимурқызы Айзере
Нұрислам:
- Балалар! Сендер менімен ғана достасып қана қойған жоқсыңдар. Сонымен бірге математика оқулығымен де таныстыңдар.
Мұғалім:
- Математика – ғылымдардың атасы деген. Ендеше математикадан алған білімдерін тексерейік.
Амина: Дарханқызы Джаннеттің орындауында әнді қабыл алыңыздар
Нұрислам.Зейіннің өнерін тамашалаңыздар.
Әліппе:- Ал достар, бүгін сендер енді менің жолымды әрі қарай жалғастыратын ана тілі пәнімен танысасыңдар. Ана тілін ортаға шақырайық.
Хормен :Ана тілі,ана тілі
Ана тілі:
- Сәлеметсіңдер ме, балалар?
Туған елдің тілімін,
Ақылымен танылам.
Түсіндірер бәріне
Ана тілі мен болам.
Балалар мен сендердің келешекте сауатты азамат болатындарына сенемін.
Әліппе: Ал, енді мен сендермен қоштасамын. Қош болыңдар, балалар! Сабақты жақсы оқыңдар!
Амина: Ән «Учать в школе» Орындайтын Дарханқызы Джаннет
Хор :Біз бақытты баламыз.
Нұрислам:Әліппемен қош айтысып қаламыз,
Енді қолға ана тілін аламыз.
Ата - ана қуанышқа ортақ бол,
Сауатты боп шықты міне балаңыз!