Файл: аза дебиеті пнінен (оыту аза тілінде) тосанды жиынты баалауды спецификациясы.docx

А. ата-баба жолын, салт-дәстүрді құрметтеу

В. Абай киімдерінің бағалы екенін көрсету

С. әжесі Зеренің мінезінің қаталдығын көрсету

D. өр мінезділік, көнбістік, шыдамдылық

[1]
2-БӨЛІМ

6. «Абай жолы» романында Абайдың кедей жатақтарының сөзін сөйлеуінің сыры неде? Ойыңызды автордың идеясымен байланыстырыңыз.

[5]
7. Бөжейдің асын бергенде қазақтың ұлттық құндылықтары қалай сипатталады? Оқырманға әсерін талдап, өз ойыңызды шығармашылықпен жеткізіңіз.

[5]
8. Романдағы Абай жүріп өткен жолдың қиындығын әлемдік мәселе тұрғысынан талдаңыз, ойыңызды дәлелдеңіз.

[5]


3-БӨЛІМ

9. Төмендегі екі тақырыптың бірін таңдап, жазба жұмысын орындаңыз, 200-250 сөз.

1. 
   «Абай жолы» романындағы әке мен бала арасындағы қақтығыстардың туындау себептерін түсіндіріп, көтерілген мәселенің жаңашылдығына сыни тұрғыдан талдап, баға беріңіз.
   
2. 
   «Абай жолы» романындағы Абайдың Ділданы айттыруға барғандағы құда түсу дәстүріне қатысты ұлттық құндылықтарды суреттеудегі автор шеберлігіне баға беріңіз.
   

[10]

Балл қою кестесі

№	Жауап	Балл	Қосымша ақпарат
1	B	1
2	A	1
3	D	1
4	C	1
5	A	1
6	Автордың идеясын анықтайды;	2
	Өз ойын автор идеясымен байланыстырады;	2
	Өзіндік тұжырым жасайды;	1
7	Көтерілген мәселені анықтайды;	2
	Оқырманға әсерін талдайды;	2
	Өз ойын шығармашылықпен жеткізеді;	1
8	Ғаламдық мәселені анықтайды;	2
	Ойын дәлелдейді;	2
	Өзіндік тұжырым жасайды;	1
9	Көтерілген мәселені анықтайды; Сыни тұрғыдан талдайды; Жаңашылдығына баға береді; Орынды пікір, дәлел келтіреді; Өзіндік ұсынысын, қорытынды шешімін жаза алады.	2 2 2 2 2

---

4-ТОҚСАННЫҢ ЖИЫНТЫҚ БАҒАЛАУ СПЕЦИФИКАЦИЯСЫ
4-тоқсанның жиынтық бағалауына шолу

Ұзақтығы – 45 минут

Түсіну және жауап беру – 10 минут

Анализ және интерпретация – 15 минут

Бағалау және салыстыру – 20 минут

Балл саны – 30
Тапсырмалар түрлері:

Бір және көп таңдауы бар сұрақтар

Қысқа жауапты қажет ететін сұрақтар

Толық жауапты қажет ететін сұрақтар
Жиынтық бағалаудың құрылымы

Тоқсандық жиынтық бағалаудың нұсқасы 3 бөлімнен тұрады: бірінші бөлім – түсіну және жауап беру, екінші бөлім – анализ және интерпретация, үшіншісі – бағалау және салыстыруды тексеруге арналған.
Тоқсандық жиынтық бағалау тапсырмаларының сипаттамасы

*Тапсырма	Қамтылатын мақсаттар	*Сипаттама	*Орындау уақыты, мин	Балл
1-5	11.1.2.1 әдеби шығармадағы көтерілген мәселелерді қазіргі өмірмен байланыстырып, ұлттық мүдде тұрғысынан ашу 11.1.3.1 көркем шығармадағы кейіпкерлер жүйесін жинақтау мен даралау арқылы өмір шындығын көрсету	Жауап нұсқаларынан бір дұрысын таңдау/жабық сұрақтар	10	5
6-8	11.2.1.1 әдеби шығарманың композициясын жанрлық ерекшеліктерін айқындап, уақыт пен кеңістік тұрғысынан талдау 11.2.2.1 автор бейнесінің шығарманың негізгі идеясымен байланысын айқындау 11.2.3.1 шығармадағы көркемдегіш құралдар мен айшықтау амалдарының қызметін талдай отырып, автор стилін анықтау	Қысқа жауапты қажет ететін ашық сұрақтар	15	15
9	11.3.4.1 шығарманы идеялық жағынан мазмұндас әлем әдебиеті үлгілерімен салыстыра талдап, әдеби сын жазу	Жазбаша толық жауапты қажет ететін сұрақтар	20	10
Барлығы			45 минут	30

«Қазақ әдебиеті» пәнінен 4-тоқсан бойынша жиынтық бағалау тапсырмалары
«Әдебиеттегі сын-сарын» бөлімі

Шығармалар: Т. Молдағалиев «Бауырлар» өлеңі,

Т.Әсемқұлов «Бекторының қазынасы

Эрнест Хемингуэй «Шал мен теңіз» повесі
1-БӨЛІМ

1. «Бауырлар» өлеңінің тақырыбына арқау болған негізгі оқиғаны көрсетіңіз

---

A. Қазақстанның тәуелсіздік алған күніне орай

B. Дүниежүзі қазақтарының құрылтайына орай

C. Астананың 10 жылдығына орай

D. Абайдың 150 жылдық мерекесіне орай

[1]
2. «Шал мен теңіз» әңгімесінен үзіндідегі «Мен көп нәрсені түсінбеймін. Адамның аспандағы күнді, айды, жұлдызды құлатып түсіруге ниет қылмайтыны қандай жақсы. Біз қорегімізді теңізден зорлық қып тартып алып, өзіміз секілді тіршілік иелерін өлтіріп жатамыз, - адамға осы да жеткілікті ғой», - деген кейіпкердің сөзінен қандай астарлы ойды байқауға болады ?

А. адамдардың ниетінің дұрыс болуы

В. жер бетіндегі соғыстың болуы

С. табиғаттың заңдылығын сақтау

D. қанағатшылдықтың маңыздылығы

[1]
3. «Бекторының қазынасы» шығармасында қазіргі қоғамдағы қандай мәселе көтеріледі?

A. түнгі клуб пен мейрамхана өмірінің теріс қырын көрсету

B. рухани құндылықтардың адам үшін қадірін жоғалтуы

С. жастардың жан бағу үшін ақша табу жолындағы қиындықтары

D. бай адамдардың ақшаның көмегімен көп нәрсеге қол жеткізуі

[1]
4. «Бекторының қазынасы» шығармасындағы кейіпкер Қайырболды шынайы өмірде кім?

А. мейрамхана даяшысы

В. тележурналист

С. Бекторының досы

D. зал меңгерушісі

[1]
5. «Шал мен теңіз» повесінде шал қай жерді көруді армандайды?

A. Африка

B. Гольфстрим

C. Гавана

D. Канар аралдары

[1]
2-БӨЛІМ
6. «...Кедей едім. Кедей болсам да көңіліммен бай едім. Бай болдым, Бай болсам да – кедей болдым. Ақшасы көп қайыршы болдым» деген Қайырболдыңы ішкі монологі нені меңзейді? Кейіпкердің ішкі толғанысын шығарма идеясымен байланыстыра түсіндіріңіз.

[5]
7. «...Адамға бақыт түрліше түрде келмек, оны танымай қалармын деймісің? Бақыттың қандай түрі болса да, таңдамай-ақ, аздап сатып алар едім, сұрағанын төлер ем...» деген үзіндіде қандай астарлы ой бар?

[5]
8. «Бауырлар» өлеңіндегі «...Туған елсіз ешқашан көгермейсің...» ойды қалай түсіндірер едіңіз? Өз ойыңызды 1-2 шумақ өлеңмен жеткізіңіз.

[5]
3-БӨЛІМ

9. Төменде екі тақырыптың бірін таңдап, 200-250 сөзден тұратын әдеби сын жазыңыз.

1. 
   Э. Хемингуейдің «Шал мен теңіз» повесіндегі шалдың басынан өткен оқиғаларды саралай отырып, кейіпкер тағдырына жалпыадамзаттық құндылықтар тұрғысынан талдау жасап, әдеби сын жазыңыз.
   
2. 
   Т. Молдағалиевтың «Бауырлар» өлеңіндегі патриоттық идеяны, ақынның үлкен адамзаттық сезімін талдап, әдеби сын жазыңыз.
   

[10]

Балл қою кестесі

№	Жауап	Балл	Қосымша ақпарат
1	В	1
2	С	1
3	В	1
4	В	1
5	C	1
6	Кейіпкердің ішкі ойын өз сөзімен түсіндіреді;	2
	Шығарманың идеясымен байланыстырады;	2
	Қорытынды пікір білдіреді;	1
7	Үзіндідегі астарлы ойды анықтайды;	2
	Автор көзқарасын талдайды;	2
	Өзіндік тұжырым жасайды;	1
8	Шығармадағы мәселені талдайды;	2
	Өз ойын дәлелдейді;	2
	Өз ойын шығармашылықпен жеткізеді;	1
9	Шығарманы жалпыадамзаттық құндылықтар тұрғысынан талдайды; Өз көзқарасын білдіреді; Шығармадан дәлелдер келтіреді; Өзіндік ұсынысын, қорытынды шешімін жаза алады; Логикалық бірізділікті сақтайды.	2 2 2 2 2

---

---