Көкжөтел – жедел таралатын, булығып жөтелумен сипатталатын жұқпалы ауру, көбінесе 8 жасқа дейінгі балаларда болатын жұқпалы ауру. 1906 ж. Көкжөтелді бельгиялық ғалым Ж. Борде (1870 – 1961) ашқан.

• 
  Ауру көзі-ауру адам.
  
• 
  Таралу жол-ауа-сілекей жолы.
  
• 
  Сезімталдық -0-10 жас аралығы.
  
• 
  Маусымдылық-күз-қыс кезі.
  
• 
  Иммунитет-тұрақты (60 жасқа дейін)
  

Жасырын кезеңі 3 күннен 15 күнге дейін, орта есеппен 5-8 күнге созылады.

Катаральды кезең 1-2 аптаға созылады. Ауру біртіндеп басталады, әуелі құрғақ жөтелпайда болады, ол түнге қарай үдей түседі, баланың аздап дене қызуы көтеріледі, мұрны бітеді, ұйқысы бұзылады, тәбеті төмендейді

Булықпа жөтел кезеңі -кенет басталады, бала терең дем алғаннан кейін бірнеше жөтел қимылдарын жасайды, бұл қимылдар бірінен кейін бірі ішіне алған ауа біткенше өтеді, бала көгеріп барып ысқырып дем алады. Булықпа жөтелден кейінгі бұл ысқырық демалуды- реприз дейді. Булықпа жөтелдің кезінде баланың тілі аузынан сыртына шығып кетеді де, тісіне тиіп жарақаттанады, беті қызарып, мойнындағы тамырлары ісінеді, көзінен жас ағады, терісіне, көзінің шырышты қабығына қан құйылуы мүмкін. дене қызуы нормада болады, булықпа жөтел аралығында баланың жағдайы жаман емес.

Булықпа жөтелдің жиілігіне байланысты көкжөтелді 3 дәрежеге бөледі:

• 
  Жеңіл түрі-булықпа жөтел тәулігіне 5-15 рет, қысқа болады.
  
• 
  Орташа түрі- тәулігіне 15-20 рет, ұзағырақ болады.
  
• 
  Ауыр түрі-тәулігіне 25-30 рет, жөтел ұзақ 10-15 минутқа созылады, бала әлсіз, құсады, тәбеті төмендейді. 3-ші кезең 2-8 айға созылады.
  

1 Жасқа дейінгі балалардағы көкжөтелдің ерекшеліктері: жасырын және катаральды кезеңдері өте қысқа /3-5/ күн, булықпа жөтел кезінде реприздердің болмауы мүмкін, бірақ баланың беті қызарып, онан көгеріп, кейде тіпті демі тоқталып қалуы мүмкін. Аурудан айығу кезеңі 2-4 аптада жайлап аурудың барлық симптомдары жойылады.

Емдеу:

Ауырған балалар ауру білінгеннен бастап 30 күнге дейін үйінде оқшауланады. 2 жасқа толмаған және семьяда одан да кіші көкжөтелмен ауырмаған балалар болса, ауруханаға жатқызылады. Режим бос, таза ауада көп серуендету. Баланың тамағы жасына сәйкес, құнарлы болуы керек. Антибактериальды терапия-эритромицин, терациклин, ампициллин, левомицетин баланың жасына сәйкес 7-10 күнге тағайындалады. Витаминдер комплексі. Симптомды терапия.

---

Күтімі:

Булығып жөтелу аралығында: Таза   ауада ұзақ серуендеу, верандада немесе терезесі ашық бөлмеде ұйықтау. Баланы сергек кезінде ойынға, кітап оқуға, сурет салуға, қарауға алаңдату, мұндай балалар сирек жөтеледі. Баланың ауыз қуысына күтім өткізу, шайып тұру, тісін тазалау. Бөлмені дымқыл шүперекпен сүртіп жуу, ауасын барынша тазарту.

Профилактикасы:

Әдейіленген профилактика көкжөтел-дифтерия-сіреспе вакцинасымен /АКДС/ бала 2,3,4,18 айға толғанда өткізіледі 0,5мл б/е. Әдейіленбеген профилактика – ауру ошағында эпидемияға қарсы шараларды уақтылы және дұрыс өткізу.

---

Смотрите также файлы

• Методика обучения катанию на коньках детей 78 лет, занимающихся хоккеем в учреждении дополнительного образования.docx

• Идентификация лекарственных веществ.docx

• Занятие 1 Изучение методики подсчета срока исчерпания невозобновимых ресурсов. Цель.docx

• Контрольная работа 1 по дисциплине Иностранный язык (английский язык) на тему Силаева К. С. Группа иб750611.doc

• Мировой рынок спг последние тренды на увеличение гибкости рынка.docx