Файл: Негізгі орта білім беру дегейіні 59сыныптарына арналан "Информатика" оу пні бойынша лгілік оу бадарламасы 1 тарау. Жалпы ережелер.docx
ВУЗ: Не указан
Категория: Не указан
Дисциплина: Не указана
Добавлен: 23.11.2023
Просмотров: 88
Скачиваний: 2
ВНИМАНИЕ! Если данный файл нарушает Ваши авторские права, то обязательно сообщите нам.
Негізгі орта білім беру деңгейінің 5-9-сыныптарына арналған "Информатика" оқу пәні бойынша үлгілік оқу бағдарламасы 1- тарау. Жалпы ережелер
1. Оқу бағдарламасы "Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарын бекіту туралы" Қазақстан Республикасы Оқу-ағарту министрінің 2022 жылғы 3 тамыздағы № 348 бұйрығымен бекітілген Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарына сәйкес әзірленген (Нормативтік құқықтық актілерді мемлекеттік тіркеу тізілімінде № 29031 болып тіркелген).
2. "Информатика" оқу пәнін оқыту мақсаты білім алушыларды заманауи ақпараттық технологияларды тиімді пайдалану үшін базалық білім, білік және дағдылармен қамтамасыз ету болып табылады.
3. Негізгі міндеттер:
1) білім алушыларда ақпараттық процестердің қоғамдағы түсінігін, ақпараттық технологияларды адам іс-әрекетінің әр түрлі салаларында пайдаланудың техникалық мүмкіндіктері мен перспективаларын түсінуді қалыптастыру;
2) ақпараттық технологияларды күнделікті өмірде, оқуда және келешек еңбек іс-әрекетінде тиімді пайдалану біліктерін дамыту;
3) білім алушыларды жүйелерді талдау, шешімдерді әзірлеу, программалық қосымшаларды жасау, өздерінің өнімдерін бағалау үшін компьютермен жұмыс істеудің базалық қағидаларды түсінуін қамтамасыз ету;
4) талдау, абстракциялау, модельдеу және программалау арқылы түрлі тапсырмалар шеше білуді дамыту;
5) білім алушылардың бойынша жалпылау және ұқсастық, есепті құрамдас бөліктерге бөлу және жалпы заңдылықтарды айқындау, қойылған міндеттерді шешудің тиімді және ұтымды тәсілдерін іздеу қабілеттілігін қамтитын логикалық, алгоритмдік, сондай-ақ есептеу ойлауын дамыту;
6) білім алушылардың бойында ақпараттық мәдениетті қалыптастыру – жалпы қабылданған қағидаларды сақтау, жеке адамның және бүкіл қазақстандық қоғам мүдделерін ескеру;
7) білім алушылардың академиялық тілді меңгеруіне және пән бойынша ұғымдық аппаратты байытуына ықпал ету.
2-тарау. "Информатика" оқу пәнінің мазмұнын ұйымдастыру 1-параграф. "Информатика" оқу пәнінің мазмұны
4. "Информатика" оқу пәні бойынша оқу жүктемесінің жоғары шекті көлемі:
1) 5-сыныпта – аптасына 1 сағатты, оқу жылында 36 сағатты;
2) 6-сыныпта – аптасына 1 сағатты, оқу жылында 36 сағатты;
3) 7-сыныпта – аптасына 1 сағатты, оқу жылында 36 сағатты;
4) 8-сыныпта – аптасына 1 сағатты, оқу жылында 36 сағатты;
5) 9-сыныпта – аптасына 1 сағатты, оқу жылында 36 сағатты құрайды.
Оқу пәні бойынша оқу жүктемесінің көлемі "Қазақстан Республикасындағы бастауыш, негізгі орта, жалпы орта білім берудің үлгілік оқу жоспарларын бекіту туралы" Қазақстан Республикасы Білім және ғылым министрінің 2012 жылғы 8 қарашадағы № 500 бұйрығымен бекітілген үлгілік оқу жоспарына тәуелді (Қазақстан Республикасының нормативтік құқықтық актілерін мемлекеттік тіркеу тізілімінде №8170 тіркелген)
5. Оқу пәнінің мазмұны оқыту бөлімдері бойынша ұйымдастырылған. Бөлімдер сыныптар бойынша күтілетін нәтижелер түрінде оқыту мақсаттары көрсетілетін бөлімшелерге бөлінген: дағды немесе білік, білім немесе түсінік.
6. "Информатика" пәні бойынша бағдарламаның мазмұны 4 бөлімді қамтиды:
1) компьютерлік жүйелер;
2) ақпараттық процестер;
3) компьютерлік ойлау;
денсаулық және қауіпсіздік.
7. "Компьютерлік жүйелер" бөлімі келесі бөлімшелерді қамтиды:
1) компьютердің құрылғылары;
2) бағдарламалық қамтамасыз ету;
3) компьютерлік желілер.
8. "Ақпараттық процестер" бөлімі келесі бөлімшелерді қамтиды:
1) ақпаратты өлшеу мен ұсыну;
2) ақпараттық объектілерді құру және түрлендіру.
9. "Компьютерлік ойлау" бөлімі келесі бөлімшелерді қамтиды:
1) модельдеу;
2) алгоритмдер;
3) программалау;
4) робототехника.
10."Денсаулық және қауіпсіздік" бөлімі келесі бөлімшелерді қамтиды:
1) эргономика;
2) ақпараттық қауіпсіздік.
11. 5-сыныпқа арналған "Информатика" оқу пәнінің базалық мазмұны келесі бөлімшелерді қамтиды:
1) "Компьютердің құрылғылары". Ақпараттың цифрлық тасымалдаушылары;
2) "Компьютерлік желілер". Ортақ файлдармен жұмыс (орналастыру, редакциялау, жүктеу);
3) "Ақпаратты ұсыну және өлшеу". Ақпаратты әртүрлі нысандарда ұсыну. Байланыс арналары, ақпарат көздері және қабылдағыштары. Мәтіндік ақпаратты кодтау. Ақпараттың екілік көрінісі;
4) "Ақпараттық объектілерді құру және түрлендіру". Мәтіндік редактор: беттің параметрлері, алдын ала қарау. Компьютерлік графика: растрлық кескіндерді жасау және өңдеу, векторлық суреттер жасау және өңдеу, растрлық және векторлық графиканың артықшылықтары мен кемшіліктері;
5) "Программалау". Роботтың бұрыштық бейімділігін анықтау. Роботты көрсетілген градусқа бұру. Робот қозғалысын ұйымдастыруға арналған түс датчигі. Объектіні табу үшін ультрадыбыстық датчик;
6) "Робототехника". Роботты анықтау. Робот түрлерінің үлгілері және оларды қолдану салалары. Робототехника саласындағы адамзаттың техникалық жетістіктерінің мысалдары. Гироскопиялық датчик, жұмыс істеу принципі;
7) "Эргономика". Қауіпсіздік техникасының ережелері.
8) "Ақпараттық қауіпсіздік". Біреудің жұмысын көшірудің заңсыздығы. Құжаттарға арналған пароль.
12. 6-сыныпқа арналған "Информатика" оқу пәнінің базалық мазмұны келесі бөлімшелерді қамтиды:
1) "Компьютердің құрылғылары". Есептеу техникасының даму тарихы. Компьютерлік негізгі құрылғылардың әрекеттестігі;
2) "Программалық қамтамасыз ету". Операциялық жүйелердің негізгі функциялары. IDE (ай ди и) (Integrated Development Environment (интегрейтед девелопмент энвайронмент)) интерфейсінің мүмкіндіктері;
3) "Компьютерлік желілер". Сымсыз байланыстың артықшылықтары;
4) "Ақпараттық объектілерді құру және түрлендіру". Мәтіндік құжаттардағы сілтемелерді ұйымдастыру. Сілтемелер. Гиперсілтемелер. Мазмұны. Реферат құру;
5) "Модельдеу". 3D-модельдер қолдану мысалдары. 3D-редактордың мүмкіндіктері. 3D-редакторының графикалық примитивтерді құруға арналған құралдары. Айналу денелерін құру және түрлендіру. 3D-редактордағы объектілердің модельдері. Басып шығару үшін 3D-үлгіні экспорттау. 3D-баспаны баптау;
6) "Алгоритмдер". Python (пайтон) тіліндегі сызықтық алгоритмдер.
7) "Программалау". Бағдарламалау тіліннің алфавиті және синтаксисі. Мәліметтер типтері;
8) "Эргономика". Эргономика міндеттері (барынша жайлылық пен тиімділік үшін);
9) "Ақпараттық қауіпсіздік". Интернетке тәуелділіктің проблемалары. "Авторлық құқық", "плагиат" ұғымдары. Авторға сілтеме жасайтын ақпаратты сақтау.
13. 7-сыныпқа арналған "Информатика" оқу пәнінің базалық мазмұны келесі бөлімшелерді қамтиды:
1) "Компьютердің құрылғылары". Компьютердің жады түрлері (жедел есте сақтау құрылғысы, тұрақты есте сақтау құрылғысы, сыртқы жады, кеш-жады);
2) "Программалық қамтамасыз ету". Бірдей ақпаратты сақтайтын түрлі форматтағы файлдардың өлшемдерін салыстыру. Ақпаратты қысу, архиватор-бағдарламалар. Мұрағаттарды құру және ашу;
3) "Компьютерлік желілер". Компьютерлік желінің мақсаты, жіктелуі (ауқымы бойынша, топологиясы бойынша, тиістілігі бойынша);
4) "Ақпаратты ұсыну және өлшеу". Ақпаратты өлшеу бірліктері, ақпаратты бір өлшем бірлігінен басқаға аудару;
5) "Ақпараттық объектілерді құру және түрлендіру". Мәтіндік процессордағы кестелерді жасау, өңдеу және пішімдеу. Электрондық кестелер, электрондық кестенің негізгі ұғымдары. Деректерді енгізу, редакциялау және пішімдеу, маркер толтыру. Деректер типтері. Формулалар енгізу. Шартты пішімдеу. Диаграммаларды құру;
6) "Алгоритмдер". Салынған және құрамдас шарттарды, тармақталған алгоритмдерді программалау;
7) "Программалау". Файлдарды оқу және жазу;
8) "Ақпараттық қауіпсіздік". Ақпаратты зиянды бағдарламалардан қорғау;
14. 8-сыныпқа арналған "Информатика" оқу пәнінің базалық мазмұны келесі бөлімшелерді қамтиды:
1) "Компьютердің құрылғылары". Процессор және оның негізгі сипаттамалары;
2) "Компьютерлік желілер". Компьютерлік желінің өткізу қабілеті;
3) "Ақпаратты ұсыну және өлшеу". Ақпараттың көлемін бағалаудың алфавиттік тәсілі;
4) "Ақпараттық объектілерді құру және түрлендіру". Электрондық кестелердегі деректер пішімдері. Абсолюттік және салыстырмалы сілтемелер. Функциялар графиктерін құру. Кірістірілген функцияларды пайдалану: математикалық (сомасы, көбейтіндісі, дәрежесі), статистикалық (ең төменгі, ең жоғары, орташа, есеп), логикалық (егер);
5) "Модельдеу". Интеграцияланған дайындау ортасында қолданбалы міндеттерді шешу;
6) "Алгоритмдер". Алгоритм трассировкасы. Интеграцияланған дайындау ортасында міндеттерді шешу;
7) "Программалау". Цикл операторлары (параметрі бар цикл, алғышартты цикл, кейінгі шартты цикл).
8) "Эргономика". Электрондық құрылғылардың адам ағзасына әсері, электрондық құрылғылардың теріс әсерінен қорғау тәсілдері.
9) "Ақпараттық қауіпсіздік". Желідегі пайдаланушының қауіпсіздігі: алаяқтық, интернеттегі агрессия.
15. 9-сыныпқа арналған "Информатика" оқу пәнінің базалық мазмұны келесі бөлімшелерді қамтиды:
1) "Компьютердің құрылғылары". Мақсатына байланысты компьютердің аппараттық конфигурациясын таңдау;
2) "Программалық қамтамасыз ету". Пайдаланушының қажеттіліктеріне байланысты бағдарламалық қамтамасыз етуді таңдау;
3) "Компьютерлік желілер". Бұлтты технологияларды қолдану арқылы құжаттармен ортақ жұмыс істеу;
4) "Ақпаратты ұсыну және өлшеу". Ақпарат қасиеттері (өзектілігі, дәлдігі, анықтығы, құндылығы);
5) "Ақпараттық объектілерді құру және түрлендіру". Дерекқор, өріс, жазба. Электрондық кестеде деректер базасын құру. Деректерді іздеу, сұрыптау және сүзгілеу;
6) "Модельдеу". Процесс моделдерін (физикалық, биологиялық, экономикалық) электрондық кестеде зерттеу және құру;
7) "Программалау". Бір өлшемді массив. Екі өлшемді массив. Массивтерді өңдеудің негізгі алгоритмдері: массив элементтерін іздеу, сұрыптау, орнын ауыстыру, жою және қою. PyGame (пайгейм) кітапханасы. Ойынның артқы фоны. Ойынға арналған дайын кейіпкерлер. Кейіпкер қозғалысы. Дайын сценарий бойынша ойын программмалау. Ойын нәтижелерін есептеу;
8) "Эргономика". Компьютерде ұзақ уақыт жұмыс істеу тәуекелін бағалау;
9) "Ақпараттық қауіпсіздік". Желіде жұмыс істеудің этикалық және құқықтық нормаларын бұзу салдарлары.
2-параграф. Оқыту мақсаттарының жүйесі
16. Бағдарламада "оқыту мақсаттары" кодтық белгімен белгіленген. Кодтық белгідегі бірінші сан сыныпты, екінші және үшінші сандар бөлім және бөлімше ретін, төртінші сан бөлімшедегі оқу мақсатының реттік нөмірін көрсетеді. Мысалы, 6.2.1.4. кодында "6" – сынып, "2.1" – екінші бөлімнің бірінші бөлімшесі, "4" – оқыту мақсатының реттік саны.
17. Оқыту мақсаттарының жүйесі әр сыныпқа арналған бөлімдер бойынша берілген:
1) Компьютерлік жүйелер
| Білім алушылар міндетті: | ||||||
| Бөлімше | 5-сынып | 6-сынып | 7-сынып | 8-сынып | 9-сынып | |
| 1.Компьютердің құрылғылары | 5. 1. 1. 1 ақпараттың цифрлық тасымалдау құралдарын сипаттау | 6. 1. 1. 1 компьютерлік технологияның даму тарихы мен келешегі туралы әңгімелеу; 6. 1. 1. 2 компьютердің негізгі құрылғыларының өзара әрекеттесуін түсіндіру | 7. 1. 1. 1 компьютердің жады түрлерінің мақсаттарын сипаттау (жедел есте сақтау құрылғысы, тұрақты есте сақтау құрылғысы, сыртқы жады, кеш-жады) | 8. 1. 1. 1 процессордың функцияларын және оның негізгі сипаттамаларын қарапайым деңгейде түсіндіру | 9. 1. 1. 1 мақсатына байланысты компьютердің конфигурациясын таңдау | |
| 2. Програм малық қамтама сыз ету | | 6. 1. 2. 1 операция лық жүйелердің негізгі функцияларын атау; 6. 1. 2. 2 IDE (ай ди и) интерфейсі нің мүмкіндіктерін қолдану | 7. 1. 2. 1 бірдей ақпаратты сақтайтын түрлі форматтағы файлдардың өлшемдерін салыстыру; 7. 1. 2. 2 Түрлі форматтағы мұрағаттарды жасау және ашу | | 9. 1. 2. 1 пайдаланушының қажеттілігіне қарай программалық жасақтаманы таңдау | |
| 3. Компью терлік желілер | 5. 1. 3. 1 ортақ пайдалану файлдарын орналастыру, редакциялау, жүктеу | 6. 1. 3. 1 сымсыз байланыс тың артықшы лықтарын түсіндіру | 7. 1. 3. 1 компьютер лік желілерді жіктеу | 8. 1. 3. 1 желінің өткізу қабілетін анықтау | 9. 1. 3. 1 бұлтты технологияларды қолдана тын құжаттар мен бірлескен жұмысты жүзеге асыру | |
| 2) Ақпараттық процестер | | |||||
| Бөлімше | 5-сынып | 6-сынып | 7-сынып | 8-сынып | 9-сынып | |
| 1. Ақпаратты ұсыну және өлшеу | 5. 2. 1. 1 әртүрлі ақпарат түрлерінің мысалдарын келтіру және ақпаратты әртүрлі нысандарда ұсыну; | | 7. 2. 1. 1 ақпаратты өлшеу бірліктері, ақпаратты бір өлшем бірлігінен басқаға аударуды жүзеге асыру | 8. 2. 1. 1 ақпараттың көлемін анықтағанда алфавиттік тәсіл қолдану | 9. 2. 1. 1 ақпараттың қасиеттерін анықтау (маңыздылық, дәлдік, сенімділік, құндылық) | |
| | 5. 2. 1. 2 байланыс арналары, ақпарат көздері және қабылдағыштарының мысалын келтіру; 5. 2. 1. 3 мәтіндік ақпаратты кодтау және декодтау; 5. 2. 1. 4 компьютерге арналған барлық ақпарат екілік көрініс түрінде ұсынылғанын түсіндіру | | | | | |
| 2. Ақпараттық объектілерді құру және түрлендіру | 5. 2. 2. 1 басып шығару үшін құжатты тиімді ұйымдастыру (бет параметрлерін орнату, алдын ала қарауды орындау); 5. 2. 2. 2 растрлық кескіндерді жасау және өңдеу; 5. 2. 2. 3 векторлық суреттер жасау және өңдеу; 5. 2. 2. 4 растрлық және векторлық графиканың артықшылықтары мен кемшіліктерін бағалау | 6. 2. 2. 1 сілтемелерді ұйымдастыру (гиперсілтемелер, мазмұны, тақырыптар, түнідірмелер) | 7. 2. 2. 1 мәтіндік процессордағы кестелерді пішімдеу; 7. 2. 2. 2 электрондық кестенің элементтерін пішімдеу; 7. 2. 2. 3 электрондық кестеде диаграммаларды жасау; 7. 2. 2. 4 электрондық кестеде шартты пішімдеуді қолдану; 7. 2. 2. 5 электрондық кестеде деректердің әртүрлі түрлерін қолдану; 7. 2. 2. 6 электрондық кестеде есептеулер үшін формулаларды жасау | 8. 2. 2. 1 электрондық кестелер мәселелерді шешу үшін түрлі деректер пішімдерін пайдалану; 8. 2. 2. 2 абсолютті және салыстырмалы сілтемелерді пайдалану; 8. 2. 2. 3 Электрондық кестелерді қолдану арқылы есептерді шешу үшін кірістірілген функцияларды пайдалану; 8. 2. 2. 4 кестеде көрсетілген функциялардың графиктерін құрастыру | 9. 2. 2. 1 "дерекқор, жазба, өріс" терминдерін түсіндіру; 9. 2. 2. 2 электрондық кестеде деректер базасын жасау; 9. 2. 2. 3 Деректерді іздеу, сұрыптау және сүзгілеуді жүзеге асыру | |
| 3) Компьютерлік ойлау | | |||||
| Бөлімше | 5-сынып | 6-сынып | 7-сынып | 8-сынып | 9-сынып | |
| 1. Модельдеу | | 6. 3. 1. 1 3D-модельдер қолдану мысалдарын келтіру; 6. 3. 1. 2 3D-редактордың мүмкіндіктерін сипаттау; 6. 3. 1. 3 3D-редакторының графикалық примитивтерді құруға арналған құралдарын пайдалану 6. 3. 1. 4 айналу денелерін құру және оларды түрлендіру; 6. 3. 1. 5 3D-редактордағы объектілердің модельдерін құру; 6. 3. 1. 6 басып шығару үшін 3D-үлгіні экспорттау 6. 3. 1. 7 3D- баспасын баптау. | | 8. 3. 1. 1 Python программалау тілінде тапсырма модельдерін жасау | 9. 3. 1. 1 Процесс моделдерін (физикалық, биологиялық экономикалық) электрондық кестеде әзірлеу және зерттеу | |
| 2. Алгоритм дер | | 6. 3. 2. 1 Python (пайтон) тіліндегі сызықтық алгоритмдерді жазу | 7. 3. 2. 1 Python (пайтон) программалау тілінде тармақталған алгоритмдерді жазу | 8. 3. 2. 1 алгоритмнің трассировкасын жүзеге асыру | 9. 3. 2. 1 сұрыптау алгоритмдерін қолдану | |
| 3. Программалау | 5. 3. 3. 1 роботтың бұрыштық бейімділігін анықтау үшін программалар жасау; 5. 3. 3. 2 Роботты көрсетілген градусқа бұру үшін программалар жасау; 5. 3. 3. 3 Робот қозғалысын ұйымдастыруға арналған түс датчигін қолдану; 5. 3. 3. 4 Объектіні табу үшін ультрадыбыстық датчикті пайдалану | 6. 3. 3. 1 деректер түрлерін жіктеу | 7. 3. 3. 1 Python программалау тілінде файлды оқу және жазу; 7. 3. 3. 2 Python программалау тіліндегі кірістірілген шарттарды қолдану; 7. 3. 3. 3 Python программалау тіліндегі күрделі шарттарды қолдану | 8. 3. 3. 1 While (уайл) цикл операторын пайдалану; 8. 3. 3. 2 For (фор) цикл операторын пайдалану 8. 3. 3. 3 цикл басқару нұсқаулығын қолдану (continue (континю), break (брик), else (элс)) | 9. 3. 3. 1 Бір өлшемді массивтер пайдаланып Python (пайтон) программалау тілінде программалар жасау; 9. 3. 3. 2 Екі өлшемді массивтер пайдаланып Python (пайтон) программалау тілінде программалар жасау; 9. 3. 3. 3 PyGame (пайгейм) кітапханасын қосу; 9. 3. 3. 4 ойын терезесін жасау үшін PyGame (пайгейм) кітапханасының дайын модульдерін пайдалану; 9. 3. 3. 5 Ойынның артқы фонын құру 9. 3. 3. 6 Ойынға арналған дайын кейіпкерлер жүктеу 9. 3. 3. 7 Кейіпкер қозғалысын программалау 9. 3. 3. 8 пернетақтадан кейпкерлерді басқару; 9. 3. 3. 9 Дайын сценарий бойынша ойын әзірлеу 9. 3. 3. 10 Ойынның нәтижелерін есептеу алгоритмін іске асыру | |
| 4. Робототехника | 5. 3. 4. 1 робот анықтамасын тұжырымдау; 5. 3. 4. 2 Роботтардың түрлерінің үлгілеріне және оларды қолдану салаларына мысал келтіру; 5. 3. 4. 3 Робототехника саласындағы адамзаттың техникалық жетістіктеріне мысалдар келтіру; 5. 3. 4. 4 Гироскопиялық датчиктің жұмыс істеу принципін түсіндіру | | | | | |