ВУЗ: Не указан
Категория: Не указан
Дисциплина: Не указана
Добавлен: 30.11.2023
Просмотров: 38
Скачиваний: 2
ВНИМАНИЕ! Если данный файл нарушает Ваши авторские права, то обязательно сообщите нам.
Тәрбие сағатының тақырыбы: ҚАЗАҚСТАНДЫҚ ПАТРИОТИЗМ!
Тәрбие сағат мақсаты:
-
Оқушыларды Отанды сүюге, құрметтеп қастерлеуге, өз елін, тегін тарихын білуге тәрбиелеу. -
Оқушылардың таным белсенділіктерін, қызығушылықтарын дамыту. -
Оқушыларға патриоттық, эстетикалық, адамгершілік тәрбие беру, өз ой-пікірін білдіре алатын оқушыларды тәрбиелеу.
ДЕВИЗ: Мен боламын еңбекқор,
Болашағы елімнің!
1 жүргізуші: (Гулноза)Армысыздар! Құрметті ұстаздар, оқушылар. Бүгінгі «Қазақстандық патриотизм» атты тәрбие сағатымызға қош келдіңіздер.Тәрбие сағатымызды бастамас бұрын өз еліміздің яғни Қазақстанымыздың әнұранымен бастамақпыз.
Әнұран орындалады
Қандай бір халық болмасын Отанын, елін, жерін сүймейтіні жоқ. Соның ішінде қазақ халқы да жалпы шығыс, оның ішінде түркі тілді халықтардай Отанын, жерін, суын, табиғатын сүюге жастарды тәрбиелеу көне заманнан өзімен бірге дамып келеді. Отансүйгіштік қай елдің болмасын алтын босағасы. Адам тәнін жан билесе, Отан тәнін халқының оған деген сүйіспеншілігі билейді. Бұған ешкімнің күмәні жоқ.
2-жүргізуші: (СЕВАРА)
Елбасының Қазақстан халқына Жолдауында «Өз бойымызда және бабаларымыздың бойында жаңа қазақстандық патриотизмді тәрбиелеуіміз керек». Бұл ең алдымен елге және оның игіліктеріне деген мақтаныш сезімін ұялатады», - деген сөзінің өзі «Балам деген жұрт болмаса, жұртым дейтін бала қайдан болсын» деген Ахмет Байтұрсынұлының сөзімен дәлме-дәл келгендей.
1-жүргізуші.(Гулноза)
«ПАТРИОТ» деген сөзді қалай тұсінесіңдер?
САРВИНАЗ
Патрио (грек,patris отан, атамекен) отан, патриот отаншыл, патриотизм отаншылдық. Патриот адам өз Отаны үшін қызмет етеді,абыройын асырады, Отаны үшін жанын құрбан етуге дайын адам.
2-жүргізуші: (СЕВАРА)
Отан дегеніміз не,кім қалай түсінеді?
ШАХНУРА
Отан әр адамның жүрегіне жылы тиер қасиетті сөз.Отан сенің туған елің,туған жерің, дос жарандарың, туған туысқаның. Отан бұл өзіңнің тұратын, өмір сүретін,қызмет ететін жерің. Отан адам үшін біреу ғана. Отанды анаға теңейді. Себебі,Отан сендерді анаңдай қорғайды,көмектеседі,күш береді. Біз Отанымызды,елімізді суеміз! 1-жүргізуші.(Гулноз)
Біз, Қазақстанның патриотымыз!
ЛУИЗА
Отан дейміз от жаққан жерімізді,
Отан дейміз өсірген елімізді.
Отан дейміз туған жер,атамекен
Биік тау,орман,тоғай көлімізді.
С.Севара
Отан дейміз кең байтақ астананы,
Жасыл жайлау, жаңа жол, жас қаланы.
Отанның шеті де жоқ, шегі де жоқ,
Ол бірақ өз үйіңнен басталады.
Зухра
Отаным қазақ елім алға ұмтылған.
Өз елімде кезім жоқ сағым сынған.
Шалқыған ел шоқтығын көрсем деймін,
Бәсекелес елу елдің қатарынан.
1-жүргізуші: (Гулназа)
Қазақстандық патриотизмнің негізі – ежелгі ұлттық салт-дәстүр, әдет-ғұрып, аңыз - ертегілер, жырлар, кешегі кеңестік ортақ дәуір, Ұлы Отан соғысындағы түрлі ұлт өкілдері – қазақстандық батырлардың ерліктері туралы тарихи деректер болып табылады. Осыған орай бүгінгі кешімізді 2 кезеңге бөліп отырмыз
Бүгінгі тәрбие сағатымыздың кезеңдері:
-
Ежелгі ұлттық салт-дәстүр, әдет-ғұрып, аңыз-ертегілер, жырлар сыр шертеді (сұрақ-жауап) -
Негізгі ұғымдармен жұмыс )
Ал қанекей ондай болса сұрақ жауапты бастайық.
2-жүргізуші.СЕВАРА
1.«Мен қазақпын, мың өліп, мың тірілген» өлеңінің авторы кім? (Жұбан Молдағалиев)САРВИНАЗ
1 жүргізуші: (Гулноз)
2.Қазақтың ұлттық ойындарын ата? (Ханталапай, қыз қуу, бәйге, аламан күрес, көкпар, тоғызқұмалақ, асық) НИГАРА
2-жүргізуші.СЕВАРА
3. Қазағымыздың әйгілі үш данасын кім біледі? (Абай, Шоқан, Ыбырай) ХАСАН
1-жүргізуші ГУЛНАЗА
4. Қасиетті киіз үйдің құрылысы (шаңырақ, уық, кереге, иіні, түндік, туырлық т.б.) ДИЕРА
2-жүргізуші.СЕВАРА
5. Қазақтың ұлттық аспаптарын ата (Домбыра, қобыз, сазсырнай, дауылпаз, жетіген) Ия дұрыс достар, соның ішіндегі домбыра – сан ғасырлардан бері қазақтың сырын сақтаған, қазақ даласында кеңінен танымал аспап. Ол – қазақтар өмірінде маңызды орын алатын, өзіндік музыкалық сипаты бар аспап. Алғаш эпикалық дәстүр шеңберінде жыр, толғау, термелерді сүйемелдеуге қолданылған домбыра кейін аспаптық шығарма-күй жанрының қалыптасуына ықпал еткен. Нағыз қазақ қазақ емес, нағыз қазақ домбыра демекші Жанаман ұлдарыңыздың қолынан қасиетті домбыраның үнін тыңдайық. Күй «Адай»
ЛАЙЛО
1-жүргізуші ГУЛНАЗА
6. Қазақтың үш биін ата (Төле би, Қазыбек би, Әйтеке би)АЗИЗ
2-жүргізуші: (СЕВАРА)
7. Мақал, мәтел халықтың барлық өмір тәжірибелерін үлгілі, қысқа түрде айтады. Туған жер, отан, еңбек туралы қандай мақал – мәтелдер білесіздер? («Еңбек түбі-мереке», «Ат-ер қанаты», «Еңбегі аздың – өнбегі аз», «Туған жердің тауы ыстық», «Ер жігіт елі үшін туады, елі үшін өледі», «Елін сүйген ер болар» т.б.) ЗУХРА
1-жүргізуші ГУЛНАЗА
8. Батырлар жырын тудыратын халық десек, батырлардың халықтық сипаттары қандай
болған? (Олар халықты езушілерге қарсы күрес жүргізеді, еңбек адамын азаптан, құлдықтан, ауыр өмірден құтқару үшін халықты бақытқа жеткізу үшін әрекет етеді)СЕВАРА.С
2-жүргізуші: (СЕВАРА)
9. Батырлар туралы қандай жырларды білесіз? («Қобыланды батыр», «Алпамыс батыр», «Ертарғын батыр», «Қамбар батыр», «Ертөстік»).ЛАЗИЗ
1-жүргізуші ГУЛНАЗА
10. Қазақ халқының салт-дәстүрлерін атаңыз (беташар, жар-жар, түйемұрындық (ғұрып), өңір салу (дәстүр), шаңырақ көтеру (салт), қыз ұзату (салт, той), тұсау кесу, бесікке салу, тілашар, асату, қазан шегелеу т.б. )РУХШАНА
Шахсанам
Қазақстандық патриотизм - бұл жалпы қазақ иісті азаматтарды ойландырып, толғандыратын мәселенің бірі. Бұл мәселенің бүгінгі таңда көтерілу себептеріне тоқталатын болсақ, ең алдымен қазіргі қоғамдық сана болмысы, жалпы ұстанымдар мен жеке адамдардың іс-әрекеті, мінез-құлқы арасындағы қайшылықтардың, өзінің тәуелсіз ұлттық мемлекетін құру көне мұраттарды әрі қарай жетілдіріп, дамытуда ішкі және сыртқы себептердің текетірес майданына айналуда.
Х.ШАХЗОДА
Қазақстандық патриотизм- ел азаматтарының,республиканың бугінгі тұрақты өмірі мен жарқын келешегі жолындағы еңбегі мен курескерлігі іспетті.Отаншылдық болса елжандылық туған отбасына ,туып өскен ортаға, туған топырағы мен табиғатына деген құрметпен басталады.
Шахиста
Қазақстандық патриотизмнің мәнісі неде? Оның мәнісі, бейнелей айтқанда «Қазақстаным - қара шаңырағым» деген бір ауыз сөзге сиятындай. Демек, Отан үйін, Отанды жан-тәнімен сую, қайда жүрсең де оны мақтан тұту, оның бар байлығын көз қарашығындай сақтап, әрі мүмкіндігінше рәсуә етпей қалдыру, уланған, бұзылған жер-суларды жаңартып, жасылдандыруға белсене қатысу, сырттан қауіп төнсе қорғау деген сөз. Қазақшалап айтқанда, бұл басқа үлттардың, үлыстардың өкілдері де тегіс бір анадан туғандай болып тіршілік ету, еш жерде, ешқандай тәселеде өгей баланың қылығын, мінезін, жүріс-тұрысын, көзқарасын, психологиясын көрсетпеу деген сөз.Осы айтылғандардың барлығы әрбір адамзаттың сана-сезіміне патриотизм болып
бірден қалыптаса қоймайды. Ол үшін барлық азаматтар жаппай үлес қосуы
қажет.
А.СЕВИНЧ
-Қазақстан Республикасы қандай мемлекет?
-Қазақстан Республикасының президенті кім?
Ел болдық ерік алдық астаналы
Енді кімнен қазағым жасқанады?
Тәуелсіз мемлекеттің шежіресі,
Тоқевтың атымен басталады.
1-жүргізуші.(Гулноз)Бүгінгі Егеменді Қазақстанның жағдайында патриотизм, ұлтаралық татулық жаңа мағынаға ие болып отыр. Себебі Қазақстанды Отаным деп білетін әрбір Қазақстан азаматы Қазақстанды сүйіп, соның азаматы болу, қазақстанды қорғау, Қазақстанның дамуына, өркендеуіне өз үлесін қосу міндетті. Мұны, әсіресе, қазақ ұлт өкілдерінен басқа ұлт өкілдері жақсы ұғынуы тиіс. “Қос азаматтық”, “Қос тілдік” деген ұғымнан арылу. Біз мұнда түгелдей орыс тілінен бас тартып отырғанымыз жоқ. Орыс тілі арқылы батыс мәдениетін игеруіміз тиіс. Осы мәселеге байланысты қазақ азаматтарына келетін болсақ, олар қазақстандық патриотизм, ұлтаралық татулықтың көш бастаушысы болуы тиіс.
2-жургізуші (И Севара )Сондай-ақ мемлекетіміздің өз Ата заңы бар. 1993 жылы 28 қаңтарда ҚР тұңғыш Конституциясы қабылданды. 1995 жылы 30 тамызда еліміздің жаңа конститутциясы қабылданды.Адамның өмірін, денсаулығын, тыныштығын мемлекетіміздің Ата заңы қорғайды.
1-жүргізуші.(Гулноз)Қортынды: - Міне, бүгін өздеріңді Тәуелсіз еліміздің болашағы екендеріңді, яғни, нағыз азамат екендіктеріңді көрсете білдіңдер. Белгілі ақын атамыз Ж. Молдағалиев:
Өткеніңді еске алсаң,
Өскеніңнің белгісі.
Өткеніңді ұмытсаң,
Өшкеніңнің белгісі,
- деген екен. Сондықтан, халқымыздың бүгінгі уақытқа дейінгі жеткен жетістіктері өздеріңе аманат. Сондай-ақ, еліміздің егемендігін танытатын ресми ерекшелік белгілері: Ана тіліміз, Елтаңбамыз, Туымыз, Ата заңымыз, Әнұранымызды бойындағы бойтұмарындай сақтап қана қоймай, қашанда еліміздің, жеріміздің еркіндігін сақтар мықты ұрпақ, мықты азамат болатындарыңа сенімім мол. Жолдарың ашық, жарқын болсын, Тәуелсіз елдің азаматтары!
Ән «Көк тудың желбірегені».