Тақырыбы : Мен таңдаған жол

Мақсаты: Мамандық таңдауда жауапкершілікті қалыптастыру. Оқушының кәсіби бағдарының табандылығын анықтау, психологиялық дайындығы мен қиындықтан шығу шеберлігін шыңдау.

Қатысушылыр: 9 сынып

Мерзімі: Ақпан

Құрал-жабдықтар:компьютер,интерактивтітақта,ақ парақтар, маркер,стикерлер.

 

                                    Тренинг барысы

1 Кіріспе сөз (тренингтің тақырыбын, мақсатын, жоспарын, эпиграфын айтып кету)

   Тақтада бірінен соң бірі слайдтар шығады. Тренингтің эпиграфы «Кәсіп таңдау-тек қана

   болашаққа үңілу емес, ол өзіңнің ішкі жан-дүниеңе үңілу...»

                               Жоспар:

-          Топтастыру(мақалдардың жалғасын табу арқылы)

-          Мамандық таңдауда ұстанатын ережелер

-          Қай ағашты тандайсын (Психологиялық тест)

- Ең-ең... (ойын)

- Психологиялық тест

-          Мамандықты тап (ойын)

-          Мейірімділік алаңы (жаттығу)

-          Бос микрофон
2.Топтастыру

«Еңбектің наны тәтті, жалқаудың жаны тәтті»

«Ұстазы жақсының ұстамы жақсы»

«Кітап – білім бұлағы, білім – өмір шырағы»
3 Мамандық таңдауда ұстанатын ережелер»

-          Мектептегі оқу пәндері- нақты мамандық емес. Пәнге деген қызығушылық оған    

      байланысты жұмыстың ұнайтынын білдірмейді.

-          Қалаған мамндықтың мазмұнына көңіл аудару.

-          Егер мамандық сенің досына ұнаса, саған ұнайды деген қорытынды жасауға болмайды.

-          Мамандықтың мазмұны, қызықты қырлары, жұмыс тәртібі мен жағдайы туралы сұрақтарға жауап бере алғанда ғана сенің  таңдаудағы ой-ниетің салмақтана түспек.

-          Сән қуып, мамандық таңдаудық қажеті жоқ.Лқуды тәмамдап, жұмас істегенше, ол мамандық сәннен шығып қалуы мүмкін.

-          Алдағы өмірлік жоспарын қандай болмасын, шетел тілін үйреніп, компьютерде жұмыс істеуді игерген аса пайдалы.

-          Заманның ағымына қарай кейьір мамандықтар тез еакеріп, оның орнын жаңа мамандықтар басып жатыр. Сондықтан кез келген жағдайда қосалқы таңдаған мамандық болу керек.

-          Мүмкіндігінше таңдаған мамандықтың өзіңнің денсаулық жағдайыңа тура келетін- келмейтіндігі жөнінде кеңес алған жөн.

(Оқушылар мен ата-аналар арасында ережелер туралы пікір алмасу жүргізіледі. Осы ережелерге байланысты пікірлеріңіз болса, ой бөлісе отырыңыздар)

---

 

4  «Ең-ең...» (ойын)

Оқушылар 2 топқа тренингтің басында бөлініп отырады. Әр топқа      

   парақшалар таратылады. Ол парақшаларда келесі жазулар болады :

-          ең жасыл мамандықтар

-          ең ақшалы мамандықтар

-          ең таза мамандықтар

-          ең тәтті мамандықтар

     2-3 минуттың ішінде топтың ішінде  ақылдасып мамандықтардың тізімін құру керек  

     және де топтың мүшесі  тізімдерімен таныстырып шығады.
5.Психологиялық тест. «Қай ағашты таңдайсың?

«Ағашты таңдап болсаңыз, өзіңіз жайлы мына психологиялық тестпен танысыңыз. Сіз қандай екенсіз? 

1. Жомарт және адамгершілігі жоғары жансыз. Сіз үнемі үздік болуға талпынасыз. Кеудемсоқтық қасиетіңіз де жоқ емес. Жұрт сырттай сізбен тіл табысу қиын деп түсінеді. Олай емес, тек сіз өзіңізбен-өзіңдің табысуыңыз оңай шаруа емес. Сіз үнемі белсенді жұмыс атқарасыз. Бірақ өзімшіл емессіз. Сіз өз әлеміңізді әдемілендіру үшін тынбай жұмыс жасайсыз. Сіз біреуді жаныңызға жара салғанша жақсы көресіз. Ал содан кейін... содан кейін де жақсы көруден танбайсыз. Сіздің ісіңіздің қадіріне жетіп жүрген жандар аздау. 

2. Еліктіргіш және шыншыл адамсыз. Сіз біреуге көмектесуге қашан да даяр тұратын жауапкершілігі жоғары жансыз. Сіз адал жұмыс жасауды жақсы көресіз. Қандай да бір жұмысты өз міндетіңізге алудан қашпайсыз. Сіздің мінезіңіз көпке ұнамды. Сізде үнемі көптің көңілінен шығатын қызықты әңгіме таусылмайды.  

3. Ақылды және ойшыл жансыз. Сіз сөзсіз ой адамысыз. Сіздің идеяңыз бен ойларыңыз өте маңызды. Сіз жалғыз қалғанда көп ойға берілесіз. Өзіңіздей үнемі ой үстінде жүретін жандармен сұхбат құрудан қашпайсыз. Сіз өзіңіз дұрыс деп жасаған нәрсені жасайсыз. Оған көпшілік бір ауыздан келісе қоймауы да мүмкін.  

4. Зерек жансыз. Сіз өз ортаңызда сирек кездесетін жалғыз адамсыз. Сізбен қатар тұрар жан жоқ. Тіпті сізбен салыстыруға тұрарлық жан да... Сізді көбі дұрыс түсіне бермейді. Сондықтан ондай жандардың ісі сізді үнемі ренжітеді. Сізге жеке кеңістік құру қажет. Шығармашылығыңызды байыта түсіңіз. Өйткені жұрт сізді шығармашылығыңыз үшін де қадірлейді.  

5. Сенімді жансыз. Сіз тәуелсіз жансыз. "Бәрін өзім жасаймын" деген қағиданы ұстанасыз. Тек өзіңізге ғана сенесіз. Сіз жақындарыңыз үшін қалай сенімді болудың құпиясын білесіз. Жұрттардан бар тілеріңіз - олардың сізге адал болуы. Өйткені сіз адал адамдарды бағалайсыз, шындықты сүйесіз. 

---

 

6. Мейірімді және сезімтал жансыз. Сіз адамдармен оңай қарым-қатынас орнатасыз. Досыңыздың саны көп. Олардың өмірін жақсарту үшін қолыңыздан келгенін аянып қалмайсыз. Сіз бар жерде кейбіреулер өздерін артық сезінеді. Сіз махаббатқа сенесіз, онсыз өмірдің мәні жоқ деп ұғасыз.  

7. Бақытты және өзін-өзі еркін билейтін жансыз. Сіз адамдарды айтқызбай-ақ ұғатын кішіпейіл адамсыз. Әр адам өмірде өз жолын салуы керек деп түсінесіз. Сіз кез келген шараны, оқиғаны да қорқынышсыз қарсы аласыз. Көп мазаланатыныңыз тағы бар. Үнемі бос уақытты тиімді өткізесіз.  

8. Әдемі және қайратты жансыз. Сіз көңілді де күлдіргі адамдардың қатарынансыз. Егер әңгіме қандай да бір оқиға жайында өрбіп жатса, үнемі "Қолдаймын" деп қол көтеруге дайын жүресіз. Сіз таңқалудан да, таңдандырудан да жалықпайсыз. Бәрін біліп алғыңыз келіп тұрады. Егер сізге бір нәрсе қызық болса, соның жай-жапсарын анықтағанша байыз таппайсыз.  

9. Жолы болғыш адамсыз. Сіз үшін өмір - сыйлық. Сол сыйлықты сәтті пайдалану керектігімен бас қатырасыз. Өмірде қолыңыз жеткен жетістікпен марқаясыз. Жаныңызға жақын жанмен бар қуанышты бөлісуге әзір тұрасыз. Кешіре де, кешірім сұрай да аласыз.



6  «Мамандықты тап» (ойын)

    Тренингке қатысушыларға  карточкаларға жазылған мамандықтар таратылады, ал олар

    сол мамандықтарды ыммен көрсетуге тырысу керек. Қалғандыра мамандықты табу

    керек.

    Хирург

    Құрылысшы

    Хатшы

    Кітапханашы

    Банк қызметкері

    Сатушы

    Мұғалім

    Бухгалтер

    Хареограф

    Сварщик

 

7  «Мейірімділік алаңы» (жаттығу)

    Қатысушыларға түрлі түсті қағаздардан қиылған күннің шуақтары, гүлдер, жасыл

    шөптер таратылады. Гүлдерге – оқушыларға, жасыл шөптерге – ата-аналарға, күннің

    шауқтарына -  ұстездерға арналған кәсіби бағлар таңдауда ұсыныстар жазылады және

    де  ақ ватманға бекітіледі.

 

8  «Бос микрофон» (рефлексия)

    Еркін түрінде қатысушылар  психологиялық тренингтен алған әсерлері туралы пікір

    бөліседі

«Бурабай орта мектебі» КММ

«Мен таңдаған жол»

тренингі

2022-2023 оқу жылы

Ісім оңсын десеңіз,
Сол істің маманы болыңыз.
Даңқым шықсын десеңіз,

---

Көпшіліктің адамы болыңыз
Әл - Фараби
Мақсаты: Мамандық таңдауда жауапкершілікті қалыптастыру. Оқушының кәсіби бағдарының табандылығын анықтау, психологиялық дайындығы мен қиындықтан шығу шеберлігін шыңдау.
Күтілетін нәтиже: тренинг соңында оқушылар мамандық таңдау кезінде нақты шешім қабылдауы. Өзіне лайықты, ұнайтын мамандық таңдап, сол мамандықтың қыр - сырын ұғынуы, ең бастысы қателеспеудің жолын таңдау керек.
Көрнекілігі: инербелсенді тақта, батман, маркер, жекелеген карточкалар.
Жоспары:
1. Кіріспе сөз.
2. «Кел, танысайық!» тренингі.
3. «Менің белгім» анкета толтыру, таныстыру.
4. «Мамандықты тап» ойыны.
5. «Бос микрофон» (рефлексия).
6. Қорытынды.
Барысы:
1. Кіріспе сөз:
Мектеп оқушыларының мамандық таңдауда дұрыс бағыт алу мәселесі мектептің психологиялық қызмет аясында жүргізілетін аса жауапты да маңызды жұмыстарының бірі болып отыр. Бала үшін болашақ мамандықты таңдау өмірлік жолын дұрыс таңдаумен бірдей. Өкінішке орай, біз, балалардың таңдауының ақылмен емес, біреудің сөзіне ере отырып, немесе ата - анасының ықпалымен «қай жерге оқуға түсу оңай» деген көзқарастармен болып жатқанын байқаймыз. Ақпараттың көптігі де, өзін - өзі танудың әліппесі де, оларды қалай пайдалану керектігін білмегендіктен кейде қателесетін жағдайлар жиі кездеседі. Жалпы айтқанда, бүгінгі күні жасөспірімдердің өзін - өзі тану арқылы мамандық таңдауда дұрыс бағыт алуы және оған бейімделу мәселесі туындауда. Яғни, мамандық таңдауда оқушыға өз ақыл - ойымен, дұрыс шешім қабылдау үшін психолог маманның да көмегі керек. Сондықтан бүгін «Мамандық таңдауда қателесуге бола ма?» атты тақырыпта тренинг - сабағын ұйымдастырып отырмын.
2. «Кел, танысайық!» тренингі. Қатысушылар өзі туралы айтады. Мәселен, «Мен – Айнұр, педагогпын. Сыпайымын, әдептімін, сымбаттымын» деп таныстырады.
3. «Менің белгім» анкета толтыру, таныстыру. Ата - ана мен бала біріге отырып, мынадай 3 сұраққа жауап жазады (сөзбен, сурет арқылы):
1. Менің отбасым
2. Менің жақсы мінезім, жағымсыз мінезім
3. Менің мамандығым
4. «Мамандықты тап» ойыны. Тренингке қатысушыларға карточкаларға жазылған мамандықтар таратылады, ал олар сол мамандықтарды ыммен көрсетуге тырысу керек. Қалғандары мамандықты табу керек.
Дәрігер
Фабрика басшысы
Хатшы
Кітапханашы
Банк қызметкері

---

Сатушы
Мұғалім
Бухгалтер
Сварщик
5. «Бос микрофон» (рефлексия). Қатысушылар тренингтен алған әсерлері туралы пікір бөліседі.
6. Қорытынды:
Ж. Аймауытов айтқандай: «Мамандықтың жаманы жоқ, бірақ, мұның кез келгеніне икемділік қажет, бұл жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе».
Мамандық - қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.
Мамандық таңдау - тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігіне сай кәсіп түрін таңдау.. Бұл өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Өз - өзіне «Мен кіммін?», «Осы өмірдегі менің орным қандай?», «Қалай өмір сүремін?» деген сұрақ қоя отырып, жауап таба білу керек. Өз ісіне сенімді дұрыс таңдаған адам ғана жетістікке жетеді.
Осымен бүгінгі тренинг - сабағымыз өз шегіне жетті, қатысқандарыңызға, тыңдағандарыңызға, рахмет!

Тақырыбы: «Мен мамандық әлеміндемін»

Мақсаты:

«Әсемпаз болма әрнеге,

Өнерпаз болсаң арқалан!

Сен де бір кірпіш дүниеге,

Кетігін тапта бар қалан!» -деп ұлы Абай атамыз айтқандай, оқушыларды мамандыққа бейімдеу мен қабілеттілігін арттыру, мамандық таңдау жолы туралы түсінік беру, олардың қызығушылығын, белсенділігін арттыру, шығармашылық қабілеттерін дамыту.

Міндеті:

• 
  Мамандық таңдаудың негізгі әдіс-тәсілдерімен таныстыру;
  
• 
  Мамандық таңдауда оң шешім қабылдау;
  
• 
  Кәсіптік бағдар беру, баланың білім алу сапасының аз да болса жоғарылауына ықпал жасау.
  

Көрнекілік:

Үлестірмелі түрлі-түсті қағаздардан қиылған алма бейнесі, слайдтар, бәйтерек бейнесі, сұрақтар бетшесі.

Сабақ барысы:

І. Ұйымдастыру кезеңі:

Сәлемдесу жаттығуы

Ер балалар итальяндықтар секілді қатты құшақтасады, ал қыздар бір-біріне иық түйістіріп амандасады

Психолог тренингтің мақсаты мен тапсырмаларын жариялайды.

Мамандық таңдау өте жауапты және маңызды іс. Өйткені, мамандықты дұрыс таңдаған азамат рухани құндылықтарға ие болып, әртүрлі адамдармен араласуға үйренеді. Және бұл олардың мінезінің қалыптасуына әсер етеді.

Мамандық таңдаудың мынадай әдіс-тәсілдері бар

1. 
   Сынақ және қателік, адам нағыз қажетті мамандық таппайынша, адаса жүріп әртүрлі салада жұмыс істейді, бұл оған еңбек қадірін ұқтырады.
   
2. 
   Қандай мамандық таңдаса да адамға қажетті нәрсе: өзін-өзі тану, өзінің қызығушылығын, қабілетін, ойын есте сақтауын, жүйке жүйесінің қалыбын білу. Себебі адам өзі туралы білген соң мамандық әлемімен танысады, сол мамандықтағы мүмкіндігін, өзінің сол маманнға сай екендігін бағамдайды.
   
3. 
   Өзінің ата-анасының, бабаларының мамандығын таңдау. Мұндай жағдайды мамандықтың отбасында ұрпақтан ұрпаққа берілуі дәстүрлі болғанда ғана таңдауға болады.
   

---

Смотрите также файлы

• Практикум Разработайте задания по тематике вашего педагогического кейса.docx

• Мектеп кітапханасыны Жмыс кнделігі і блім. Оырмандар рамы, келушілер жне анытамалар есебі.docx

• Задание 6.docx

• Объективные данные К04. 03 хронический фиброзный пульпит.docx

• Сохранение и восстановление информации.pdf