ВУЗ: Не указан
Категория: Не указан
Дисциплина: Не указана
Добавлен: 12.12.2023
Просмотров: 19
Скачиваний: 1
ВНИМАНИЕ! Если данный файл нарушает Ваши авторские права, то обязательно сообщите нам.
Тақырыбы: Қош келдің, Жаңа жыл!
Ақшақар: Амансың ба, халайық
Жаңа жылды тойлайық.
Ән салайық, билейік,
Көңілімізді көтерейік!
(Балалар музыка әуенімен билеп кіреді, жайғасып отырады)
Жүргізуші: Бүгін бізде мереке,
Жаңа жыл да келіпті.
Қошаметтеп қарсы алайық,
Балаларды көрікті.
-Ақшақар, қош келдің жаңа жылымызға!
Ақшақар: Мен бүгін өте қуаныштымын, жаңа жыл мерекесін балалармен бірге өткіземін.
Жүргіуші: Ендеше мерекемізді әдемі әнмен, тақпақтармен бастайық.
Ән: «Аппақ қар ұшты»
Тақпақтар:
Алинур
Жаңа жылым мол болсын,
Басқан қадам он болсын.
Төрле, төрле Жаңа жыл,
Бізге құтты жыл болсын
Іңкәр
Жаңа жыл Жаңа жыл,
Жаңа жылға жаңа жыр.
Жасыл шырша жанында,
Билеп барлық бала жүр.
Әлихан
Даламызға, қаламызға,
Жаңа жыл келіп кіреді.
Қартыңызға, жалпыңызға,
Жалынды сәлем береді.
Али
Ән саламыз, би билеп,
Жырдан шашу төгілді.
Бүгін біздің Жаңа жыл,
Қандай қызық көңілді.
Ләйлім
Жүзімізде күлкі ойнап,
Қанаттанды жанымыз.
Жаңа жылды біз тойлап,
Шаттанамыз бәріміз.
Зухра
Жаңа жылда балалар,
Тек қуаныш көріңдер.
Ауырмаңдар ешқашан,
Мықты болу өзіңнен.
Жүргізуші: Қыздардың биін тамашалайық.
Би: «Қыздар биі»
Ақшақар: Мен өзімнің шыршамды бірге алып келдім, маған қыздар безендіруге көмектеседі.
Ойын: «Шыршаны безендір»
Жүргізуші: Ақшақар, сенің шыршан әдемі болып тұр. Ал біздің шыршамыз көңілсіз, шамдары да жанбапты.
Ақшақар: Жаңа жылда шыршада ойыншықтар өте әдемі, шырша шамдары жанып тұрады.
Ақшақар: Мүмкін балалардан сұрайық. Кәнекей, балалар, шырша шамдарын бәріміз бірге жағайық.
Бәрі: Қуант, бізді, таңырқат
Шамдарыңды жарқырат! 3 рет
Жүргізуші: Ештеңе болатын емес, шырша шамы жанбады, балалар қуанбады.
Енді кімнен көмек сұрасақ екен?
Ақшақар:
Шелек қалпақ басында,
Сәбіз екен таңауы.
Қыста қардан туатын,
Тауып көрші сен оны.
Көңілді музыка әуенімен Аққала кіреді.
Жүргізуші: Бұл не өзі? Неткен ғажап? Өзің шықтың қайдан, а?
Аққала:
Менің атым-Аққала.
Үйренгем суық, қарға да.
Мұрным менің сәбізден,
Міне, міне қараңдар!
Аққала: Мені сендерге Аяз ата жіберді ғой. Ол сендердің шыршаларында әдемі, түрлі түсті шамдардың жоқ екенін біліп, сендерге соңы беріп жіберді.
(Ақшақарға шыршаның шамдарын береді)
Ақшақар: Кәнекей, балалар, шырша шамдарын бәріміз бірге жағайық.
Бәрі: Қуант, бізді, таңырқат
Шамдарыңды жарқырат! 3 рет
Шырша шамдары жағылады, балалар шапалақтайды.
Жүргізуші: Шыршаға арнап тақпақтарын айтуға келесі балаларды шақырамыз.
Тақпақтар:
Камшат
Қалып едік сағынып,
Күтіп алдық жабылып.
Жолын қойдық жарық қып,
Шыршаларға шам іліп.
Амиран
Безендіріп шыршаны,
Жыл қуантты баршаны.
Той-маскарад басталды,
Аяз оны басқарды.
Чингиз
Әдемілеп біз ілген,
Ойыншықтар тізілген.
Қандай жақсы шыршамыз,
Ән шырқайық баршамыз.
Жансұлу
Ақ қар жапты даланы,
Ақ жамылды айнала.
Жарқыратып шамдарын,
Шырша келді ортаға.
Сафина
Жасыл желен жамылған,
Асыл моншақ тағылған.
Міне сұлу шыршамыз,
Көптен күтіп сағынған.
Аль Мансур
Қыстың күні көңілді,
Көп қызықты көреміз.
Шығып алып далаға,
Сырғанақты тебеміз.
Аққала: Керемет, тамаша, ал енді бірге ойын ойнайық.
Ойын: «Қар кесектерін жинау» (Аққаламен бірге)
Ән: «Аққала»
Ақшақар: Шыршамыз жарқырап тұр, балалар ән айтып, би биледі, қонақтар да келді, Аяз атамыз қайда жүр екен. Аяз атаның келетін уақыты болды ғой.
Жүргізуші: Иә, дұрыс айтасын, Аяз атаны күтіп отырмыз. Кәнекей, барлығымыз Аяз атаны шақырайық
Бәрі: (Аяз ата, Аяз ата, Аяз ата деп шақырады)
Аяз ата музыка әуенімен келеді.
Аяз ата:
Жаңа жылдарыңмен!
Балаларым балғыным,
Өмір гүлім, шалғыным,
Тілегенім жыл бойы
Сендердің денсаулығың
Амансың ба, ұлдарым
Аппақ ару қыздарым!
Аяз ата: Кәнекей, Ақшақар, барлық балаларды ортаға шақыр, шыр айналып шыршаға ән салайық. Жаңа жыл мерекесін қарсы алайық.
Ән: «Жасыл шырша келді»
Ойын: «Шаңғы тебу»
Жүргізуші: Аяз атаға арнап тақпақтарын айтуға келесі балаларды шақырамыз.
Тақпақтар:
Дамир
Аяз атак келіп тұр,
Бізге сәлем беріп тұр.
Сақалының ұзыны-ай,
Кесіп алсам шіркін-ай!
Айару
Кел, балалар, тақпақты,
Тақылдатып айтайық.
Аяз ата таң қалсын,
Сыйлық алып қайтайық.
Айлана
Аяз ата тыңдаңыз,
Тақпақ айтып берейік.
Ортамызда шыршамыз,
Ойнап бірге, күлейік.
Альмира
Аязды келіп қыс,
Алғашқы қар ұшты.
Аппақ болып үстіміз,
Ақ қырау жабысты.
Жүргізуші: Ұлдардың биін тамашалайық.
Би: «Ұлдар биі»
Аяз ата: Балақайлар, бәріміз бірге ойын ойнайық.
Ойын: «Тондырамын»
Аяз ата: Мен бүгін сендерге келгеніме қуаныштымын, кәнекей, мен сендерге сиқырлы таяғымен кәмпиттерді ортаға шығарайын.
Жүргізуші: Аяз ата, тәтті кәмпиттерге рақмет, ал балалар сіздің сыйлықтарыңызды тосуда.
Ақшақар: Ән салдық, би биледік, ойын ойнадық, енді балалардың сыйлық алатын уақыты келді.
Аяз ата: Аққала, кәне әкел менің сиқырлы қапшығымды.
(Аққала шанамен сүйреп алып келеді)
Аққала: Аяз ата бұл қапта ештеңе жоқ, бұл қапшықта ақ қарлар ғана,
(қолы тоңып, қалғанын көрсетеді)
Аяз ата: Қазір мен сиқырлап тастайын. Сиқырлы менің қапшығым, тілегімді қабыл ет (шыршаны айналып өтеді)
Аққала: Тағыда Аяз ата бұл қапта ештеңе жоқ, бұл қапшықта ақ қарлар ғана, (қолы тоңып, қалғанын көрсетеді)
Аяз ата: Мен бәлкім қартайған шығармын, тағыда көрейін. Сиқырлы менің қапшығым, тілегімді қабыл ет (шыршаны айналып өтеді)
Таяғымен үш рет жерді соғады.
Аққала: Қапшықтан сыйлық алып шығады (балаларға сыйлық таратады)
Жүргізуші: Барлық балалар сыйлық алды ма? Аяз атаға рақмет айтайық.
Аққала: Балалар сыйлықтарымыз қандай тамаша.
Аяз ата: Өркендерің өссін, қарақтарым!
Жыл айналып келгенше,
Өздеріңді көргенше,
Қош аман сау болыңдар!
Бүлдіршіндер, балалар!
Ақшақар: Ал, балалар, біз қайтайық. Бізді басқа балалар да күтіп отыр.
Жаңа жыл құтты болсын,
Жаңа жыл мол табыс әкелсін.
Денсаулықтарын мықты болсын,
Сау болыңдар, балалар!
Жүргізуші: Сау болыңыз, Аяз ата, Ақшақар, Аққала.
Жүргізуші: Жаңа жыл баршаңызға құтты болсын дей отырып, ертеңгілігімізді аяқтаймыз. Келесі жылы кездескенше сау болыңыздар.
«
Көктем» бөбекжай – балабақшасы
№ 5 «Бәйтерек» тобы
Тәрбиешілер: Кенжибаева С.Қ.
Ахмедьярова А.А.
2022 ж