ВУЗ: Не указан
Категория: Не указан
Дисциплина: Не указана
Добавлен: 12.01.2024
Просмотров: 27
Скачиваний: 1
ВНИМАНИЕ! Если данный файл нарушает Ваши авторские права, то обязательно сообщите нам.
Жүргізуші: «Бар жақсылық күллі әлемге тараған, Аналардың ақ нұрынан жаралған» - дей отырып, қадірлі аналар, ардақты әжелер сіздерді көктеммен күлімдей келген Халықаралық аналар мерекесімен шын жүректен құттықтаймыз. Сіздерге зор денсаулық, мол бақыт тілейміз және кішкентай бүлдіршіндеріміздің дайындаған «Ана-күннің шуағы!» атты тәрбие сабағымызды тарту етеміз.
Аналар ,барша қонақтар!
8- наурыз мерекесі құтты болсын!
Құрметтейік балаларды аналарды.
Бізді өмірге әкелген даналарды,
Себебі ана деген асыл жан ғой.
Ойлауменен істелік әр қадамды. Балалар музыка әуенімен тақтаға шығып тізіліп тұрып, ән айтады. Ән: «Анажаным» https://youtu.be/ie57W6KFPKo
Жүргізуші: Адам үшін ең аяулы, ең қастерлі жан – ана. Бала дүниеге келген күннен бастап, өзінің жұмсақ алақаны, жылы жүзі, ыстық құшағы мен мейірімін, махаббатын бере білген аналар үшін елемізде бір күнді мейрам етіп белгілеген. Ол – 8 наурыз мерекесі.
Олай болса балалардың өнерлерін қабыл алыңыздар. (шапалақ)
Тақпақтар:
1 оқушы: Аналарды сүйеміз,
Сөзін ойға түйеміз.
Әжені де ардақтап,
Әдеппен бас иеміз.
2 оқушы: Ардақты ана, аяулы ана, қымбаттым,
Тәтті ұйқынды бөліп талай түн қаттың.
Өміріме нәрін берді ақ сүтің,
Кең құшағың аясындай, гүл бақтың.
3 оқушы: Сегізінші наурыз келді
Шаттық сезім әкелді
Қуанышты күнде енді,
Құттықтаймыз сіздерді
4 оқушы:Адал бол деп –балдырған
Әділдікке баулыған
Жүргінде махаббат
Тілегінде махаббат
Анамызға мың алғыс
5 оқушы: Бүгінгі көктем күнінде
Барлық адам қуанар
Аналарды мейраммен
Құттықтайды балалар
6 оқушы: Мен өзіңмен қайда болсам біргемін,
Махаббатың жүрегімде жүр менің.
Күн нұрындай жадырай бір күлгенің,
Қандай жақсы ортамызда жүргенің.
7 оқушы: Бізді өсірген анашым
Еңбегің де зор екен
Құтты болсын анашым
Құтты болсын мерекең
8 оқушы: Әлпештеген баласын,
Ана – бақыт, ана – күн.
Әркім сүйіп өзінің,
Мақтан етер анасын!
9 оқушы:Жарқын жүзді жан анам
Сендей болсын бар адам
Сендей болса бар адам
Шаттық кетпес баладан
10 оқушы: Мен гүлдерді жұлмаймын
Торғайларды қумаймын
Айтқан сөзін тыңдаймын
Анашымды сыйлаймын
11 оқушы:Әжемді мейрамымен құттықтаймын
Айтатын ән,беретін гүлім дайын
Әжетай сені жақсы көремін деп
Ақырын құлағына сыбырлаймын
12 оқушы:Мен әжемді сүйемін
Киімімді өзім киемін
Ақылына көнемін
Өлең айтып беремін
Жүргізуші: Балалар қараңдаршы? Қандай әдемі қызғалдақтар жайқалып өсіп тұр? Қалай ойлайсыңдар балалар?Аралар не үшін гүлдерге қонады? (балалардың жауабы) Себебі бал жинау үшін! Дұрыс айтасыңдар!
Жүргізуші:Біздің балаларымыздың аналарына арнаған тақпақтарды айттық, өлеңді де арнадық, биімізді де биледік. Енді аналарымызға арналған арнайы силықтар жасасақ қалай қарайсыңдар? Қазір сендерге арнайы ашықхат беретін боламын соның ішіне аналарыңа, әжелеріңе арнап арнайы тілек жазыңдар. Ал бір бетіне қалаған сурет салсаңдар болады.
Қорытынды: Олай болса балалар, бүгінгі тәрбие сағатымызды қорытындылайық. Бізді бағып-қаққан, өсірген аналарымыз аман болсын! Осы орайда сендерге өлең оқып берсем!
Туғаннан құлыным деп аймалаған,
Өзіңдей қамқор адам қайда маған.
Дүние аналармен көрікті ғой
Анасыз бұлбұл құста сайрамаған.
Анашым мен өзіңді мақтан етем,
Жол жүрсем сағынамын, ойға кетем.
Санамды сарғайтады-ау жалғыз арман
Қайткенде ақ сүтіңді ақтар екем
Туғанда «күнім-ай» деп аймалаған,
Адам ба ана сүтін ақтамаған
Адам боп жүрмісіңдер жер бетінде
Ананың махаббатын сыйламаған.
Анашым ақ түсіпті шаштарыңа,
Әжімің көбейіпті қатпарлана
Мен өзім сол қатпардан тәй-тәй басып
Өмірдің көтерілдім аспанына.