ВУЗ: Не указан
Категория: Не указан
Дисциплина: Не указана
Добавлен: 18.01.2024
Просмотров: 38
Скачиваний: 1
ВНИМАНИЕ! Если данный файл нарушает Ваши авторские права, то обязательно сообщите нам.
Тақырыбы: “Сыңғырла соңғы қоңырау!”
Мақсаты: Мектеп бітіруші түлектерге сый – құрмет көрсете отырып,
болашақ ел азаматын білікті маман болуға, елге еңбек етуге,
ғылым қууға, өресі биік болуға шақыру.
Көрнекілігі: нақыл сөздер, плакаттар, шарлар
Барысы:
-
Ұйымдастыру кезеңі -
Құттықтау сөз -
Әдеби – музыкалық монтаж -
Оқушыларды марапаттау -
Қорытынды
Жүргізуші:
Армысыздар, жиналған ата – ана, ұстаз,
Той – жиынсыз өмірдің мәні болмас
Арамыздан талпынып қақты қанат,
Он бір жылда оң – солын таныған жас.
Алдарыңда сан тарау жолдары тұр,
Бәрі ертеңгі азамат болғалы тұр.
Үлкен өмір есігін ашпақ міне,
Келген қауым, қол соғып, қолда бүкіл.
Құрметті қонақтар, ұстаздар, оқушылар! Бүгін біздің интернатымызда тағы да бір салтанатты жиын болғалы тұр. Күні кеше қыркүйек айы біз бен сіздерді табыстырса, бүгін зымыраған уақыт жаңа бір оқу жылының аяқталғанынан хабар беріп тұр.
Ажырамай мектептен бір елі сіз,
Жақсылыққа жаралған жүрегіңіз.
Сөз берелік құрметпен өзіңізге,
Түлектерге арналсын тілегіңіз, - деп интернатымыздың меңгерушісі Божбанова Алмагүл Балапанқызына сөз береміз.
Жүргізуші:
Келеді жыр сыйлағым, гүл сыйлағым
Жанымның жайып салып тылсымдарын
Махаббат боп маздаған мына ғалам
Бақытты мектебімнің білсін барын
Бүгін қандай шаттық толы кеш еді,
Көңіл шіркін тасып, талып өседі
Ұл кешегі жігіт болып қалыпты – ау,
Бойжетіпті бантикті қыз кешегі,
Жас жүректің өмірлік құштары – гүл,
Бағбанның баулыған құстары – бұл.
Қоштасып бүгінгі күн ұясынан,
Сол құстардың бір тобы ұшқалы тұр, - деп ортаға жаңа өмір баспалдағына жолдама алғалы отырған түлектерімізді шақырамыз.
(Ортаға 9- 11 класс оқушылары шығады)
Ақбала: Үмітін арқалап ата – ана, сәбидің,
Сізді біз әр қашан ана деп танимыз.
Алмагүл апайдай аналар көп болсын,
Ақ тілек, алғысты жырменен арнаймыз.
Өмірдің ақ жолын жадырап жалғадыңыз,
Нұрлы күндей осы жолдан талмадыңыз.
Ұшқалы отырған түлектерге,
Ақ жүректен әсем сөз арнадыңыз.
Жадыра:
Мінезі жұмсақ жадырап әр кез жүретін,
Барлық бала мінез –құлқын білетін.
Гүлмира апай мерейіңіз асқақтап,
Орындаған жас өркендер тілегін.
Гауһар: Анасы болып барша сәби баланың,
Тәрбиешілердің өнегесін алып барамыз.
Жадыраған жүздерің ешқашанда мұң баспасын,
Нұрлы,сұлу қабағың.
Сіздердей жанның асқақтасын мерейі,
Барлықтарыңызды жас сәбилер
Жауқазын гүлге теңейді.
Тәрбиешілер ұжымына мың алғыс,
Білімді жастары биіктерге өрлейді.
Фариза:
Дәмін таттым, талай астың тамсана,
Сіздерден асқан бұл өмірде жан бар ма?
Әрқашанда ардақтап біз өтеміз
Бұл интернаттың асын ішпеген
Адамдар шіркін арманда.
Аяулым: Әлі күнге есімде
Интернатқа келгенім
Таза бөлме, таза төсек
Аяққа тапочка ілгенім
Біздер үшін апайлар
Білеміз тер төккенін
Бізде міне, есейдік
Балалықпен жасаған
Кінәміз болса, сөкпегің.
Хор: «Ұстазым”
Жүргізуші: Қоштасады алтын ұя мектебің,
Маңдайыңнан сипап өтер көктемің.
“Сәт сапар!” – деп, қол бұлғаймыз бәріміз,
Тілейміз біз армандарға жеткенін – деп кезекті түлектеріміздің ізбасарлары “Жасұлан”, “Қызғалдақ” тобының оқушыларына береміз.
Дана: Гүлдерге толы омырау,
Өмірде жоқ қой тоқырау.
Қимастық сезім оятып,
Соғылады соңғы қоңырау
Соңғы қоңырау үндері,
Жаңғыртып кең даланы.
Қоштасар кең даланы,
Жүректі тербеп барады.
Ақжол: Мойытпасын қиындықтар сендерді,
Батылдықпен асыңдар сан белдерді.
Біліміңмен қуантсаңдар мектепті,
Жақсы іспен қуантыңдар елді енді.
Аяулым: Арман ойлар жеткізбеген, аңсаған,
Қайрат күші қажыта алмас қарсы ағын.
Өмір теңіз толқындарын көргенде,
Асыл аға тілегіңді аңсармын
Асылбек: Қандай ғажап, қарашы жан – жағыңа,
Күміс күлкі сыймай тұр, қара мұнда.
Ата – анадан бақытты бар ма екен Жан,
Қол жеткізген аңсаған арманына.
Жүргізуші: Ән салса, әншілерім таң қалдырсын,
Әр сөзін тоқсан тоғыз қайталарсың.
Осындай ән туғызған қазағымды,
Қалайша тар пейіл деп айта аларсың, - деп “Қызғалдақ” тобының әншісі Сайханова Дананы әсем “Алғашқы ұстаз ” әнімен ортаға шақырамыз. Қарсы алайық.
Жүргізуші: Асқарға қолың соз, достым,
Бәйгеге түс те бақ сына.
Намысқа тиер озбаған,
Қол соғар жұртың жақсыға.
Ғылым қу, елге ет еңбек,
Маман бол қажет, білікті.
Өресі биік екен деп,
Мақтайды жампоз жігітті.
Ортаға “Қыран” тобының жігіттерін шақырамыз.
(КВН - нен үзінді)
Жүргізуші: Бәрі - сын, араласың, өмір аулың,
Бәрі – шын, қоштасарда қоңырау мұң.
Мәнісін ұғасыңдар өткен күннің,
Дауысын естігенде қоңыраудың – деп, ақын ағаларымыз жырлағандай қоңыраудың үніндей сыңғырлаған дауыспен ортаға Айжарқынды шақырамыз. Ән “Сарыарқа ”
Жүргізуші: Жаны асыл ұстаздарды еске алыңдар,
Жаңа әлемді ашатын жас дарындар,
“Шәкірті жаман екен” , - дегізбеңдер,
Санасы биік, адал дос табыңдар.
Білімді шәкірттерін аялаған,
Жақсылығын ешкімнен аямаған.
Саялы бақ жанашыры жас ұрпақтың,
Ұстаз деген ардақты, аяулы адам.
Ән “Ұстазыма” Орындайтын: Оңдасын Инабат
Жүргізуші: Бел – белестер мойытпасын өзіңді,
Арман қуған жастық шақтың кезінде.
Сабырлы бол, адамдықты аттамай,
Жеңе біл, азамат бол төзімді!
Мойытпасын қиындықтар сендерді,
Батылдықпен асыңдар сан белдерді.
Біліміңмен қуантсаңдар мектепті,
Жақсы іспен қуантыңдар елді енді!
Өмірде еш өкініш болмасын,
Имандылық болсын сенің жолдасың.
Жетем деген биігіңе жете бер,
Аталардың аруағы қолдасын! – деген тілекпен ортаға “Шағала” тобының әншісі Айдананы әсем “ ” әнімен шақырамыз.
Жүргізуші: Теңіздей тербетіліп көл бетінде,
Бишілер билеп кетер тербетіле.
Аққудай қалықтаған теңіздегі,
Бишілер өнерлерін көрсетуде – дей отыра “Шағала” тобының мың бұралған бишісі, өнерлі қызымыз Ситора мен “Қызғалдақ” тобының бишісі Аяулым «мектеп бітіруші жас түлектерге “ Шашу” биін тарту етеді.
Жүргізуші: Ашық аспан, алтын күн,
Төбеңнен әркез таймасын.
Жанарда шаттық жарқылдап,
Шалмасын кірбің айналасын.
Ойласаң елді, халықты,
Сендерді тәңір ойласын.
Сен берген елге жарықты,
Қазағым бүгін тойласын – деген тілекпен келген “Қарлығаш тобының қыздарын ортаға шақырамыз.
Жүргізуші: Келешек өмір қандай болса да, қуанышы мен реніші қатар келсе де, еліміздің қай түкпірінде болсаң да сен міндетті түрде алтын ұя интернатыңды, бірге өскен достарыңды, осы салтанатты, толғандырар минуты естен шығарма, жолдарың болсын! – дей отыра өздеріңнің ізбасарларың сендерге өз аманаттарын табыс етсін.
(Аманаттары табыс етіледі)
Нұрлыбек: Ақ қанатты армандарды жалғаңдар,
Спорттың тек көгін шарлап самғаңдар.
Бастауың боп мектеп берген аттестат,
Адымдай бер алға басып қадамдар
Дана: Ұшырады мектебің өз қолынан,
Көріне бер ғылымның сан қырынан.
“Қайран, мынау қазақтың ұлы ғой”, - деп,
Көріне біл тұғырдан, биік шыңнан.
Жүргізуші: Аяңда сенің ән, жырлы
Біліммен дарып бойға қуат
Өткеріп шулы сан жылды,
Балалық шақты тойладық
Мейірімге толы мектебім,
Айқара ашық құшағың
Балапаның боп сенің,
Өзіңнен түлеп ұшамыз.
Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл – қыздарымыз ойы толып, бойы өсіп, алтын ұя мектебімен қоштасқалы отыр. Бұл күн түлектер есінде мәңгі өшпесі анық.
Жас болас да бәрімізге бас болған,
Ұйымшылдық ұжым үшін жақсы леп.
Гүлмира апай үміт күтеді жастардан,
Айтатыны ақ бата мен ақ тілек!
Интернаттың қиынына күйгені,
Табыстарға мәз – майрам боп жүргені
Біздер үшін күйінгені, күлгені,
Жадымызда әр қашанда жүреді – дей келе үнемі бізді
ілгері бастайтын Гүлмира Бағынтайқызына сөз береміз.
( Оқушыларды марапаттау)
Жүргізуші:
Ұрпақсыз мына өмірде кім түледі,
Жақсы ұрпақ – еліміздің шын тілегі.
Ортаға шығып, қане тілек айтсын,
Әр топтың “ мен” деген бір түлегі.
(оқушылар өз еріктерімен түлектерге тілектерін білдіреді)
Жүргізуші: Жақсы шәкірт азамат атанады,
Халқынан, ата – анадан бата алады.
Ұрпағына айтсын деп ақ тілегін,
Ортаға шақырайық ата – ананы.
( Ата – аналар оқушыларға өз тілектерін білдіреді)
Жүргізуші:Аяқтап кешті, мектепті,
Гүлдерге толы қолдарың.
Шаттықтан, тіпті, ес кетті,
Сәт сапар болсын жолдарың!
Осымен салнанатты соңғы қоңырау жиынын жабық деп жариялай отырып, жазғы демалысты жақсы өткізіп, келесі жаңа оқу жылында амандықпен жолыққанша сау болыңыздар.