Ц1ыхухэм щалъхуа Хэкум деж зыхущащ1 къалэныр ягу имыхунк1э 1эщ1ыб ямыщ1ынымк1э сэбэп ин ябгъэдэлъщ, е къабгъэдок1 ди адыгэ усак1уэхэм. Дэтхэнэ усак1уэми щалъхуа Хэкум теухуауэ усэ етх, ар дахэу къызэхъул1и, къызэмыхъул1и яхэтщ. Псоми ф1эк1хэм ящыщ зыщ К1уащ Бет1ал. Абы и художественнэ 1эзагъыр пхужымы1эну инщ. Зыхилъхьэ щымы1э и лъахэм ар хуэарэзыщ абы гъащ1э къызэрыритамк1э, зэрип1ам, зэригъэсам, гъуэгу тэмэм зэрытригъэувам я закъуэкъым, хэкуншэмэ, ар езыри зыми ищ1ысыжкъым, зы махуи псэужыфынукъым, ц1ыхууи зыкъилъытэжыркъым. Хэкур зимы1эр е, и1эпэми лъагъуныгъэ хузимы1эр, хуэгущ1ы1эр ц1ыху нэскъым, насыпыншэщ, усак1уэм зэрыжи1ащи, апхуэдэ ц1ыхур зэщхьыр «дамэ зытемыт бгъэщ», «щ1эгъэкъуэн зыщ1эмыт жыг лъэныкъуэ ещ1арщ». Хэкум дэтхэнэ и зы бын нэсми и пщ1эр зы1этыр, и щ1ыхьым хэзыгъахъуэр Хэкум 1уэху пыухык1а хуищ1эрщ, абы и зыужьыныгъэм хэлъхьэныгъэиритыфырщ.

Мыгъуагъэр ныбжьуэ пщхьэщытами

Уигъэдзыхакъым плъыса лейм.

Куэдагък1э бийхэм уафыщ1ами,

Уф1ащ хахуагък1э, Къэбэрдей!

Усак1уэр зыгъэп1ейтей гурыщ1э къабзэр, зыхилъхьэ щымы1эу илъагъу и Хэкум хуи1э и лъагъуныгъэр куууэ, псэм дыхьэу, гум ехуэбыл1эу, художественнэ 1эзагъышхуэ хэлъу и тхыгъэхэм къыщигъэлъэгъуащ К1ыщокъуэ Алим. К1ыщокъуэм нэхъ гулъытэ зыхуищ1ыр ди лъэхъэнэм къэхъуа щ1эблэм и гъащ1эрщ, и гурыгъу-гурыщ1эхэрщ, и 1уэхущ1афэ инхэрщ, сыту жып1эмэ, Хэкур езыр щ1алагъэм и лъапсэ инщи. Псалъэ нэхъ лъап1эу бзэм хэтхэмк1э абы быдэу зэрепх ц1ыхумрэ Хэкумрэ хуи1э лъагъуныгъэр:

Си хэкур гъуэгум щыджэламэ,

Ар къагъэнэнкъым и закъуэу

Лъакъуэ хуэныкъуэ ар хъуамэ,

Сыщ1эувэнущ пхъэ лъакъуэу.

Хэкум теухуа гурыщ1э къабзэхэр къыщы1уэта усэ нэхъыф1хэм ящыщ зыщ «Зеич лант1э» жыхуи1э К1ыщокъуэм и 1эдакъэщ1эк1 тхыгъэри. Адэ щ1ыналъэм и щхьэр лъахъшэу хуегъэщхъ, и псэри и гъащ1эри щхьэузыхь хуищ1ыну хьэзырщ:

Зеич лант1эу гъэшыгъуаф1э

Си адыгэ Хэку,

Хэку гъэф1эну си1э закъуэ

Си адыгэ Хэку.

Дэ дыщ1ап1ык1ащ Хэкур ф1ыуэ лъагъун, хъумэн гупсысэм. Ар къалэнышхуэщ ик1и къалэн лъап1эщ. Сэ сыхуейщ лъэпкъым и бын пэж гъащ1эр адэк1э езыгъэф1эк1уэн, зыгъэдэхэн, дзыхь лъэпкъым зыхуищ1 хъун ц1ыху щыпкъэ къысхэк1ыну.

---

Смотрите также файлы

• Формирование практических умений и навыков в организации и проведении практической психологической работы по познавательной сфере личности.docx

• Дориларни болаларда дозаланиши (накг).docx

• Каким же был в реальности сконструированный в трудах марксистских.docx

• Политические Государственное регулирование отрасли Политическая стабильность Налоговая политика Международные отношения Экономические.docx

• Программа должна вывести одно число количество чисел, кратных 4, но не кратных Решение Решим на языке Python.docx