Бүгінгі мәзірде үнді асханасының тағамдары виндалу және наан. Виндалу - түрлі дәмдеуіштермен дайындалған етті ащы тағам, ал наан дегендері - өзіміздің нан деуге де болады.

Жалпы үнді халқының асханасының басты ерекшеліктерінің бірі - түрлі шөпті дәмдеуіштердің молшылығы. Сондықтан виндалу тағамында да сол специяларды өте көп қолданады. Бірақ бізге ол, әрине, үйреншіксіз болғандықтан, мөлшерін аздап қосуға тырыстым. Жалпы виндалу тағамына кез-келген ет түрін қолданады (тауық, сиыр, қой). Мен қой етінен жасадым. Гарнирді де талғамыңызға қарай таңдай бересіз. Виндалуға қоса тағы бір үнді тағамы - наанды дайындаймыз. Жалпы алғанда аты да, заты ды өзіміздің нан. Наанды, негізі, екі түрлі әдіспен пісіреді: пеште және табада. Мен екеуін де істеп көрдім. Ұнағаны - табада піскені, менікі жұмсақтау шықты, әрі дәмдірек болды, қамыры бір болғанымен. Бірақ уақытты талап етеді, әр қайсысын жеке майлап, аударып, пісіріп тұру керек. Сондықтан, уақыт тығыз кезде пешке сала салып пісірген ыңғайлы.Виндалу тағамының құрамы:

• 
  Қойдың еті - 500 гр.
  
• 
  Пияз - 1 дана
  
• 
  Қызанақ - 500 гр.
  
• 
  Сарымсақ - 5-6 түйір.
  
• 
  Сірке суы - 2 ас қасық.
  
• 
  Қант - 1 шай қасық.
  
• 
  Тұз, өсімдік майы.
  
• 
  Гарнирге - күріш (4 түрлі)
  

Дәмдеуіштер:

• 
  Қалампыр
  
• 
  Зира
  
• 
  Қыша
  
• 
  Куркума
  
• 
  Кориандр
  
• 
  Паприка
  
• 
  Чили бұрышы
  
• 
  Зімбір
  
• 
  Кардамон
  
• 
  Қызыл бұрыш
  
• 
  Даршын
  

Наанның құрамы:

• 
  Сүт - 150 мл.
  
• 
  Ашытқы - 1 шай қасық
  
• 
  Қаймақ - 2 ас қасық
  
• 
  Ұн - 1,5-2 стақан
  
• 
  Қант, тұз - 0,5 шай қасықтан
  
• 
  Сары май - дайын наанға жағуға
  

Дайындалу тәсілі:Алдымен етті және дәмдеуіштерін дайындаймыз. Дәмдеуіштерді, сарымсақ, сірке қышқылы, қантты блендермен үгітеміз.

Етті 2-3 см-дей шақпақ етіп тураймыз. Етті тұздаймыз.

Үгітілген дәмдеуіштерді етке салып, жақсылап араластырамыз. Бетін жауып тоңазытқышқа 1 түнге қоямыз. Кемінде 4 сағатқа қоюға болады.

Келесі күні...
	Қатты қызып тұрған табаға етті салып, пісіре бастаймыз. Күрішті қайнап түрған тұзды суға салып 20-25 минуттай пісіреміз.

---

Ет қуырылып, суы азайғанда, пиязды ұсақтап турап, саламыз. Енді қызанақтарды дайындаймыз. Ол үшін қызанақтардың астын тілеміз, үстінен қайнап тұрған ыстық су құямыз.1-2 минуттан кейін пышақпен қабығын аламыз. Сыртқы қабаты ыстық суға біраз пісіп қалғандықтан, ол өте тез алынады. Ұсақтап тураймыз. Етке саламыз. Дайын болғанша пісіреміз. Қажет болса, аздап су құюға болады.Енді наанды дайындаймыз. Жылы сүтке ашытқы, қант және тұзды араластырамыз. Ашытқы біраз көтеріле бастағанда, 1,5 стақан үнға салып, оған қаймақты салып, жұмсақ қамыр илейміз. Қажетінше су, ұн аздап саламыз. Қамырдың бетін жауып 1 сағатқа қойып қоямыз. Қамыр көтерілгеннен кейін, бір рет илеп жіберіп, бірнеше бөлікке бөлеміз.

Бетін жауып, тағы 10-15 минутқа қоямыз.

Әр бөлікті жаямыз. Бір жағына сұйық май жағамыз.

Құрғақ қызып тұрған табаға, майлы жағын төмен қаратып қоямыз. Сәл көтеріле бастап, асты қызара бастағанда үстіне де өсімдік майын жағып, аударамыз.

Аударғаннан кейін көтерілген жерлерін басып жіберу керек, әйтпесе табаға тимей тұрған жерлері шикі болып қалады. Әр піскен нанның үстіне аздап сары май жағамыз.

---

Смотрите также файлы

• Программ начального общего.docx

• Моей дипломной работы Описание ремонта и наладки токарновинторезного станка с оперативной системой управления 16К20Т1.docx

• 7. Экономика России в начале xx века.docx

• Понятие режима в исправительных учреждениях, его виды и функции.docx

• Амплитудный и фазовый спектр сигналов.docx