Шигърият айлыгына багышланган чара

Сценарий

Без тумыштан “Туган тел” гә гашыйк,

Туган җиргә гашыйк күптәннән.

Мәңгелектән килеп, мәңгелектә калдың,

Син җырларда калдың, аңнарда.

Тугры булып тарихларга кердең,

Байрак булып яндың таңнарда.

Әткәм теле булып иркәләдең,

Әнкәм теле булып назладың.

Үткәннәрдән киләчәккә китеп,

Җир әйләнә моңлы сазларың.


Алып баручы: Хәерле көн, хөрмәтле кунаклар, кадерле балалар.Мин беләм, сез барыгыз да бәйрәмнәр яратасыз.Яратасызмы?

Балалар: Әйе, яратабыз.

Алып баручы: Бәйрәм җыр-биюле, тәмле әйберле була ул.Бүгенге бәйрәм –шигырь бәйрәме.Апрель ае –кояшлы яз ае, сөекле шагыйребез Габдулла Тукай туган ай.Безнең күңелләрдә туган илгә, туган халкыбызга, туган телгә мәхәббәт хисе әнә шулай Тукай исеме белән бергә туа.

Яз һәм Тукай гел янәшә атлый,

Шау чәчәккә төреп җиһанны.


Язлар белән җирдә яшәү туа,???????

(“Бәйрәм бүген “ җыры.Г.Тукай сүзләре, Җ.Фәйзи музыкасы)

Алып баручы: Сезнең арада матур итеп шигырь сөйләүчеләр бар икән. Әле 1нче сыйныфта гына укыса да, сәнгатьле итеп шигырь укый. Ул-Хөснуллина Әминә (Й.Шәрәпова “Качыш уйныйм”)

Алып баручы: Шигырь яза шагыйрь күз нурлары белән

Хисләр белән үреп һәр сүзен.

Бәхет ярларына күпер булсын

Кичкәндә дип язмыш диңгезен.

Шигырь иңнәренә күтәрә ул

Өметләрен, борчу, шатлыгын.

Шагыйрь салган шигъри бу күпернең

Вакыт үзе сыный ныклыгын.

Сүзне кунагыбыз –вакыт сынауларын кичкән, дуслык күперләре аша бүген безгә очрашуга килгән шагыйрә Йолдыз Шәрәповага бирәбез.

(Йолдыз сүз ала)

Алып баручы: Җырлыйк әле бүген матур җырлар

Мең рәхмәтләр әйтеп бу көнгә.

Ишеттерик дәртле гармун тавышын!

Истә калсын һәрбер күңелдә.

Җырлыйк әле тагын дәртле җырлар

Халкыбызның моңлы көенә.

Сезнең ничек-минем горур күңел

Татар булуына сөенә!

Халкыбыз талантлы, дәртле, шат күңелле.Шундый дус, тату, үрнәк гаилә безгә бәйрәмгә килгән.

(Илназ һәм Гүзәл Баһавиевлар гаиләсе сәхнәдә)

Алып баручы: Бәйрәмебез тәмам. Кунакларыбызга күп рәхмәт әйтәбез. Шаулатып кул чабып алар белән саубуллашыйк. Тагын очрашулар насыйп булсын.

---

Смотрите также файлы

• Рубежный контроль по дисциплине Организация деятельности медиа, медиаменеджмент.docx

• 1. Мына фигураларды ішінен осьтік жне центрлік симметриялы фигураларды тап.docx

• Программа среднего профессионального образования 44. 02. 01 Дошкольное образование Дисциплина Ручное практическое задание до, СпДО.pdf

• Международные и отечественные правовые нормативные акты обеспечение иб процессов переработки информации.pptx

• Аудитория (Соня А.) Генеральный спонсор (Даша Щ.).docx