Тол каникулъёс

1 Урок

Вож кыз

Пуктэм азьмугъёс: Выль арез пумитан сярысь тодон-валанзэс муромытоно; удмурт кылын тунсыкъяськон мылкыд пыӵатоно.

Ужъемышъёс:

Асмуртъем: темая мылкыдзэс шараяло; удмурт кылэз дышетон мылкыд басьто.

Метапредметъем:

Регулятивной УУД: дышетӥсь юрттэмъя уроклы азьмуг пукто; ужамзэс дунъяло.

Познавательной УУД: пӧртэм источникъёсыз уже кутыса, дышетско кулэ ивортодэт шедьтыны; дышетско ӵошатыны но выводъёс лэсьтыны.

Коммуникативной УУД: ог-огзэс но дышетӥсьсэс кылзыны, вачевераськонэ пыриськыны, валче ужаны, юанъёс сётъяны дышетско.

Уроклэн мынэмез.

Мылкыдатон но уроклы азьмугъёс пуктон.

Дышетӥсь (Д.). Ӟечбуресь, мусо нылъёс! (нылъёс гинэ вазё)

Ӟечбуресь, кужмо пиос! (пиос гинэ вазё)

Ӟечбуресь, пиналъёс! (ваньзы ӟечбуръясько)

Переменамы ортчиз,

Шутэтскон дырмы быриз.

Парта сьӧрын пиналъёс:

Урокмес кутском, эшъёс!

Д. Урокамы ӟеч ужан понна, кылъёсмес сайкатомы.

Лымы ӟукыр ӟукыртэ,

Кезьыт куазьлы шумпотэ.

(Слайд вылысь чылкверанэз дышетӥсен ӵош лыдӟо, собере ас кожазы)

Табере чылкверанэз лыдӟом, но огшоры гинэ ум – куараен шудом (зол, пичи куараен лыдӟо)

Д. Шуг-а вал, пиналъёс, куараеныды шудыны? Нош тӥ кырӟаны яратӥськод-а? Мар сярысь туннэ асьмеос вераськом, ма сярысь кырӟалом али тодомы мадиськонысь.

(кылзо электрон учебникысь мадиськонэз)

Пӧсь гужем но толалтэ

Веньёсыз вожесь солэн.

Выль аре корка пыре,

Асьмемыз со кырӟатэ.

Ма со, пиналъёс?

Д. Шонер. Озьыен туннэ темамы «Вож кыз». Кыӵе праздник сярысь вераськомы? Мар карыны дышетскомы асьмеос туннэ урокын (Выль ар сярысь ивортыны, выль кылъёсыз шонер вераны, тодомы выль ар сярысь кырӟан но выль ивортодэт. Доска вылэ азьмугъёсыз гожтиськомы). Гожтом туннэ числоез но темаез.

Д. Тани Полькар но асьмелы юрттэ. Дышетӥсь лыдӟе 2 ужысь веранэз. Кызьы тӥ валады та веранэз? Малы кулэсме календарь? (дышетӥсь возьматэ перекидной календарь – котькуд нунал календарь 1 бамлы кулэсме)

Д. Быдэстомы 4 бамысь 3 ужез. (1дышетскись лыдӟе заданиез, собере ас понназы лыдӟо кылбурез, юанъёслы валэктон сёто).

Д. Шуг-а вал кылбурез валаны? Малы? Кыӵе кылъёсыз шуг вал валаны? (

---

тэль, уно кылъёсыз эскериськом, ӟуч кылын та кылъёслы ик синоним шедьтӥськом)

Д. Шонер, пиналъёс, тӥ та кырӟанэз ваньды тодӥськоды. Табере кылзом сое, но ваньмы ӵош кырӟалом. (электрон учебникысь кыӟанэз кылзӥськом, кырӟаськом). Дышетэ та кырӟанэз, пиналъёс.

Д. Асьмеос тодӥськом ини, Выль арлы кызэз чеберъяло шуыса. Тани классамы но пичи кызмы чебер. Нош ма ошиллям пиналъёс вож кыз вылэ? (учебникын 4 бам 3 уж). Кинлы кияз вуоз та тупе, со вераны кулэ, мынам юанъёслы, одӥг кылэз 2 пол вераны уг яра. (Ма ошемын? Кыӵе буёло…?)

Д. Нош Апоклэн юанъёсызлы валэтон сётыны быгатомы-а? (кылзӥськом, валэктонъёс утчаськом).

Д. Кинлы вал капчи юанъёслы валэктонъёс сётыны, чабке кидэс 3 пол? Кинлы секыт потӥз уж – тыпыртэ пыдыныды)

Д. Апок асьмелы Выль ар сярысь верос дасям, нош предложениосыз пегӟиллям-йыромиллям. Юрттом веросэз выльысь пӧрмытыны. Эн вунэтэ веростэс йыръяны. (пиналъёс ужало ас понназы тетрадязы - 5 бам, 5 уж)

Шутэтскон вис

Д. Пиналъёс, ужмес йылпумъям. Пичияк шутэтском. Султэ партаосты вӧзы.

Тодамы ваём Полькарлэсь веранзэ.

Кулэсме ни календарь,

Тани нош вуэ Выль ар.

Табере вераломы кимес чабыса, интыямы тэтчаса, приседание лэсьтыса…

Тау, пуксе, эшъёс

Д. Эскеромы веросъёсмес. Кин мылкыд каре лыдӟыны нырысетӥ предложениез? Кин соглаш? Кинлэн тазьы ик, ӝутэ кидэс.

(черодэн лыдӟо быдэн предложение)

Д. Кызьы йыръяды веросэз? (верало вариантъёссэс)

Д. Тӥ тодӥськоды ни кызьы пумитало выль арез асьме дорын. Нош мукет шаеръёсын кызьы пумитало меда Выль арез? Али тодомы, кызьы та праздникез пумитало Япониын. (Мутус вылын возьматоно, кытын интыяськемын асьме шаермы но Япония. Лыдӟо текстэз - учебник 5 бам 6 уж). Ма пӧртэмез? Ма одӥг кадь? Кыӵе Выль ар пумитан сям-йылолъёс вань тӥляд семъяяды?

Д. Выль арлы ваньзы кузьым дасяло. Вералэ ӵош пукись эштылы, кыӵе кузьым но кинлы тӥ дасяды.

Д. Туж умой, эшъёс. Нош урокмес йылпумъяса, гожтомы синквейн. (тодэ вайиськомы, кызьы сое гожтоно. Доска вылын – план). Мылкыд каремзыя лыдӟо ужзэс.

Д. Тау, эшъёс, умой ужамды понна. Кызьы тӥ малпаськоды, пуктэм азьмугъёсмес быдэстӥмы-а? Быръе но гожтэ гуртысь уждэс.

1. учебникысь 5 бам 8 уж – суредэз эскере но соя вераны дасяське.

2. суредалэ календарьлэсь берпуметӥ бамзэ, но суреддыя вераны дасяське

---

Д. Ӟеч луэ!

Жингыртэ ни чингыли,

Шутэтскыны ӧте ини.

---

Смотрите также файлы

• Кодекс корпоративной этики авиакомпании Аврора Мордашева Дарья огснбР03221 Кодекс корпоративнои этики (далее Кодекс).docx

• Повышение эффективности управления запасами.docx

• Кзот о труде женщин.rtf

• ыса мерзімді жоспар Сабаты таырыбы 10 зертханалы жмыс. Шыныны сыну крсеткiшiн анытау.docx

• Контрольная работа по дисциплине Производственная безопасность.docx