“Қ.Жұбанов атындағы АӨУ Жоғары колледжі” ЖШС


01140700 “Бастауыш және негізгі орта білім берудің информатика мұғалімі”

мамандығының күндізгі бөлім білім алушысы

Орынбасар Аяулым Хайдарқызының

«Байқау практикасына дайындық»

ЕСЕБІ

Ақтөбе 2023

Байқау практикасына дайындық практикасының мақсаты мен міндеті:

Мақсаты: білім алушыларды информатика мұғалімінің педагогикалық қызметіне дайындау.

Міндеттері:

- машықкерлердің оқу үрдісін бақылау және оның нәтижелерін талдау біліктерін қалыптастыру;

- информатика мұғалімінің оқу жұмысын жоспарлау жүйесі мен мазмұнын зерттеуге дайындық;

- мектеп оқушыларының оқу қыметтеріне басшылық жасау, сабақты ұйымдастыру мен өткізуге дайындық.

1.3.1.4 Байқау практикасына дайындықты ұйымдастыру

Машық бойынша оқушыларға әдістемелік нұсқаулар беру

Машықтың материалдық-техникалық базасымен, мектептің тарихымен, тәрбие жұмысымен танысуға дайындық.

Практиканың жеке оқу жоспарын жасақтау, әдіскерлердің кеңес алу. Информатика пәні бойынша сабақтар мен сыныптан тыс шаралардың толық жоспар-конспектілерін жазу, тексертіп, әдіскерге бекіттіру. Информатика мұғалімінің, әдіскерлердің үлгі сабақтарына қатысу.

Бастауыш класс оқушыларын оқытудың өзекті, ьастауыш класта оқу жұмысын ұйымдастыру және өткізу бойынша кеңес беру.

Информатика пәні бойынша «сабақ үстіндегі сабақ» және сыныптан тыс шаралар өткізу.

Байқау практикасы күнделігін, информатика пәні бойынша көрнекіліктер даярлау.

Оқу практикасы соңында конференция өткізіліп, информатика пәнінен жинақтаған портфолиолары қойылады.

«Байқау практикасына дайындық»оқу практикасынан өткен білім алушылар біледі:

-оқу жоспары мен оқу бағдарламаларының мазмұны мен құрылымын;

- информатика мұғалімінің төменгі класс оқушыларымен оқу жұмысын

жоспарлау кұрылымы мен мазмұнын;

- бастауыш класс оқушыларын оқыту әдістерін,

- сабақ пән сыныптан тыс шаралардын мақсаты мен міндетін анықтай;

- сабақ түрлернің кұрылымы мен мазмұнын, оларды даярлау және өткізу әдістемелерін;

меңгереді:

- оқу-көрнекі кұралдарын жасақтау және қолдануды;

- тақырыптық - күнтізбелік жоспар және сабақ жоспарларын құралдарын;

-информатика пәні бойынша сабақтар мен сыныптан тыс жұмыстарды өткізуді;

---

-әдістемелік кұралдар және оқулықтармен жұмыс жасау, дидактикалық материалдарды,көрнекі және техникалық құралдарды пайдалану;

- информатика мұғалімінің оқу-тәрбие қызметін бақылау және оны талдауды жүзеге асыруды;

дағдысын қалыптастырады:

- сабақтың мақсаты мен міндеттерін анықтау, жоспар-конспект кұру және өткізу,

- сабақ конспектісі, кластан тыс оқу тәрбие жұмыстарын даярлап безендіру;

- өздігінен дайындалуды ұйымдастыру;

- көрнекі кұралдар және сабаққа дидактикалық материал дайындау;

- информатика пәнінен сабақтан тыс оқу жұмысын жүзеге асыру;

-болашақ мұғалімінің портфолиясы мазмұныңн жаңарту

Электронды оқулық дегеніміз не?



Ақтөбе 2023

№1.Электронды оқулық дегеніміз не?

Сабақ бойынша ақпараттардың бәрі мәтін, суреттер, бейне, аудиожазба, анимациялар және басқа да графикалық құралдар түрінде берілетін оқу курсы.

Дамыған байланыс пен іздеу жүйесі оқулықтың бір бөлімінен екіншісіне немесе фрагментінен басқасына бір демде ауысуға мүмкіндік береді. Материалдарды меңгеру дәрежесін интерактивті тапсырмаларды орындап болған соң бірден білуге болады. Электронды оқулықтың online және offline нұсқалары болуы мүмкін. CD-дискке немесе басқа да ақпарат тасымалдаушы құралдарға, болмаса интернетке сайтқа орналастырылуы мүмкін.

№2. Электронды оқулық кәдімгі кітаппен бірдей ме?

Жоқ. Электронды форматтағы алғашқы оқулықтар шынында кітаптарды қайталаған еді. Қазір интернетте PDF, DOC, EPUB, FB2 форматтарында салынған бірнеше оқулық бар. Араларында Power Point форматындағы оқулықтар да бар. Мұның бәрін оқулықтың электронды нұсқасы деп атауға ғана болады.

Электронды оқулық жасау үшін кітаптың ішіндегін электронды нұсқаға ауыстыра салу жеткіліксіз. Оны ролик, иллюстрация, ойындармен толықтыру қажет.

№3. Кітаптан сапасында қандай айырмашылықтар бар?

– Электронды оқулықтар кітаптардай тұрақты емес, оларды дамытып тұруға мүмкіндік болады, өйткені ішінде мультимедиялық құралдар бар, – дейді "Келешек 2030" баспасының өндіріс жөніндегі директордың орынбасары Ольга Лосенко.

– Электронды оқулықтардың кітаптарға қарағанда атқаратын қызметтері де кең, жан-жақты. Оқулықтар орыс және қазақ тілінде шығарылады. Бұны бар болғаны бір сандық баспа шеңберінде қамтамасыз етуге болады. Бұдан бөлек сандық оқулықтар мектептегі ауыр сөмкелердің проблемасын шешеді: оқушыларға оқулықтарды үйден мектепке, мектептен үйге тасудың қажеті жоқ, – дейді Ольга Лосенко.

---

№4. Қай елдерде мектептер электрондық оқулыққа көшкен?

Әлемнің бірде бір елінде әлі де толықтай қкітаптан бас тартқан жоқ. Алайда мектептерге электронды оқулықтарды сәтті енгізген елдер бар. Оның арасында Испания, Венгрия, Бразилия, Сингапур, Финляндия және Эстония бар.

Жаппай электронды оқулықтар енгізу Оңтүстік Корея, Ресей және т.б. елдерде болды. Мәселен, 2011 жылы "Роснано" АҚ ресей мектептеріне перспективті электронды оқулығы ретінде Plastic Logic 100 электронды оқулығын ұсынды.

№5. Қазақстанда электронды оқулықты шығарумен кімдер айналысады?

"Оқулық" республикалық ғылыми-тәжірибелік орталығының директорының орынбасары Саят Омаровтың айтуынша, соңғы екі жылда төмендегі баспалар сараптама үшін өздерінің электронды оқулықтарын жолдаған:

• 
  "Келешек-2030";
  
• 
  "Алматыкiтап баспасы";
  
• 
  Bilim Media Group білім беру порталы;
  
• 
  "Бөбек" Ұлттық ғылыми-тәжірибелік білім беру орталығы;
  
• 
  "Білім беруді ақпараттандырудың педагогикалық технологиялар орталығы";
  
• 
  "Ұлттық ақпараттандыру орталығы" АҚ;
  
• 
  "Жаңа білім беру технологиялары" ЖШС.
  

Өнімдері әзірге ресми түрде сараптамадан өтпеген бұлардан басқа да әзірлеушілер бар.

№6. Электронды оқулықтар қандай сараптамадан өтеді?

Кітап сияқты олар да "Оқулық" ортадығынан 8-деңгейлі сараптамадан өтеді. Басылымдар мен құжаттар пакеті мұнда "Азаматтарға арналған Үкімет" мемлекеттік корпорациясы арқылы түседі. Сараптама 60 күн жүргізіледі. Нәтижесінде сарапшылар төмендегі қорытындылардың бірін жазып береді:

• 
  "Білім беру ұйымдарында қолдануға ұсынылады";
  
• 
  "Түзетулер енгізу талап етіледі";
  
• 
  "Білім беру ұйымдарында қолдануға ұсынылмайды".
  

Түзетулер енгізуге авторларға қорытындыны алғаннан кейін 30 күн беріледі. Содан соң олар оқулықты қайтадан сараптамаға тапсырып, жаңа нәтижелер күтуі керек. Түзетулер енгізуге екінші қайтара жолданбайды.
№7. Жақсы оқулық қандай талаптарға жауап беруі тиіс?

Сапалы электронды оқулықты дайындау – күрделі жұмыс. Оған бірнеше маман талап етіледі: редакторлар, дизайнерлер, беттеушілер мен бағдарламашылар. Әзірлеушілер оқулықтың сапасы мен эргономикалық тұрғыдан сәйкес болуына жауап береді. Электронды оқулыққа қойылатын талаптардың ішінде төмендегілер бар:

• 
  Материалдың гипермәтінді мазмұнда берілуі;
  
• 
  Қарапайым навигация;
  
• 
  Иллюстрациялардың қолданылуы;
  
• 
  Әрбір тақырыпқа мәтіндік және басқа да бақылау тапсырмаларын беру;
  
• 
  Материалдар мен жаттығуларды күрделілігіне қарай әр түрлі деңгейде орналастыру.
  

---

№8. Электронды оқулықтардың басымдықтары неде?

Жақын болашақта электронды оқулықтар өзінің басымдықтарының арқасында оқытудың ажырамас бөлігіне айналады. Оларды оқығанда ақпаратты беруге арналған түрлі каналдар ретінде пайдалануға мүмкіндік бар.

Егер бала ақпаратты есту арқылы жақсы қабылдайтын болса, оны тыңдай алады, ал егер көзбен көру керек болса, видеофрагменттер мен анимацияларды қарай алады. Электронды оқулықтардың басқа да басымдықтары арасынан сарапшылар төмендегілерді атайды:

• 
  Кез келген жерден, кез келген құрылғы арқыры кіруге болады;
  
• 
  Ақпаратты іздеу мүмкіндігі;
  
• 
  Интерактивтілік;
  
• 
  Балл қоюда объективтілік;
  
• 
  Тапсырмалардың күрделілігінің түрлі деңгейі;
  
• 
  Озат оқу үшін жасалған жағдайлар;
  
• 
  Өтіп кеткен материалдарды қайталау мүмкіндігі.
  

№9. Қазақстанда қай мектептерде электронды оқулықтарды қолданып жатыр?

2018-2019 оқу жылында Қазақстанда "Алматыкiтап баспасы"-ның электронды оқулықтары пилоттық жобамен қолданылды. Компанияның баспа ісі жөніндегі вице-президенті Рано Әнуардың айтуынша, жобаға 350 педагог пен 3, 6 және 8 сыныптардың мыңдаған оқушылары қатысқан.

"Келешек-2030" баспасының электронды оқулықтары да жалпы білім беру мектептеріне қолжетімді дейді", – Ольга Лосенко.

– Оқулықтарға бірінші іштей сараптама және сынамадан өткізу жұмыстары баспаны әзірлеу кезеңінде педагогтарды, шығармашылық топ – пән мамандарын, қалалық әдімтемелік бірлестіктер мұғалімдерін тартумен жүргізіледі. Осылай оқулықтың типтік оқу бағдарламаларына, дидактикалық, әдістемелік, психологиялық, эстетикалық, гигиеналық талаптарға сәйкестігі тексеріледі

№10. Электронды оқулықтар тегін бола ма?

Оқулықтардың тегін болатыны немесе шетелдегідей оларды пайдалануға ақы енгізілетін болашақтың еншісінде. Мәселен, Эстонияда 150 оқулықтың ақысы жылына 40-50 еуроны құрайды, шығындарын мемлекет өтеп береді. Оқушыларды гаджеттермен қамтамасыз ету де талқылану үстінде: аз қамтылған отбасылардан шыққан балаларға планшеттер сатып алып беруге демеушілерді тарту мүмкіндігі қарастырылып жатыр.

Информатика пәні қай сыныптан бастап енгізілгенмен, оны әртүрлі әдістермен оқытып, осы пәнге деген бала қызығушылығын арттыратын түрлі оқыту бағдарламалары, әсіресе қазақ мектептері үшін өте тапшы. Сондықтан бастауыш сынып оқушыларына информатика сабағын жүргізудің тиімді жолдарын қарастырып, оны нақты материалдармен теориялық және практикалық жағынан байыта түсу – бүгінгі күннің өзекті мәселесі.

---

Информатика пәнінің пропедевтикалық курсын бастауыш сыныптан бастап оқытуға болатындығы және оның тиімділігі дүниежүзілік тәрбие негізінде дәлелденіп отыр.

Ғалымдардың, практик — мұғалімдердің пікірінше, бұл курсты бастауыш сыныптарда оқытуға негіз болатын факторлар мыналар:

• 
  бастауыш мектеп оқушысын ақпараттық қоғамға бейімдеу;
  
• 
  ерте жастан балалардың ақпараттық ойлау қабілетін дамыту;
  
• 
  бастауыш мектеп оқушыларының ақпараттық мәдениетін қалыптастыра отырып, әлемдік ақпараттық білім кеңістігіне даярлау.
  

Ғалымдардың соңғы зерттеулеріне сүйенсек бастауыш сыныптағы информатиканың пропедевтикалық курсының негізгі бағыттары төмендегідей:

1. 
   Қолданушылық. Бұнда бастауыш сынып оқушылар компьютермен алғаш танысып, оқу, ойындық әдісте мазмұнына құралған жаттықтырушы бағдарламалар негізінде компьютерлік сауаттылықтары қалыптасады. Бұл бағытты қолданушылардың пікірінше, баланың компьютерлік сауаттылықты меңгеруі – бұл сабақта және сабақтан тыс кезде компьютерді өз қажетіне қарай еркін пайдалана білуі, сондай ақ техникаға сауатты ұқыпты қарауы.
   
2. 
   Ақпаратты — логикалық. Бұл бағыт бойынша оқыту біріншіден, оқушылардың қоршаған ортаның элементтерін танып, оларды ажырата білу қабілеттерін дамытса, екіншіден, ойлау, есте сақтау қабілеттерімен қатар байқағыштығын зейінін, берілген тапсырманы орындаудың оңтайлы, тиімді жолдарын таба білу қабілетінің дамуына әсері мол.
   
3. 
   Шығармашылық. Бағыт бойынша оқытудың жаңа әдіс – тәсілдерін қолдану арқылы баланың кішкентай кезінен дүниеге өзіндік көзқарастарының қалыптасуына жол ашу, үздіксіз білім алуға дайындаудың тиімді жолдарын іздестіру. Басты мақсаты – оқушы зерттеуші есебінде.
   

Информатика пәні баланың техника құлағында ойлап отырған өз замандастарынан кем болмауы үшін қажет. Кез келген пәнді үйретудің әдістемелік негізі 5 компоненттен тұрады. Олар: мақсат, мазмұн, әдістер, қажетті құрал жабдықпен оқыту формасы. Информатика үшін қазір әдістерінің жолдары жаңаруда.

Тақырып: «Көңілді информатиктер сайысы»

Ақтөбе 2023

Тақырыбы: «Көңілді информатиктер сайысы»

Күні: 04.04.2023

Мақсаты:

– Кәсіби еңбек тәрбиесі бойынша алған білімін пысықтау, информатика тарихынан білімдерін кеңейту, әртүрлі қызықты сұрақтар қою арқылы, оқушылардың білімдерін жетілдіру;

– алгоритмдік ойлау қабілетін, есте сақтау қабілетін, белсенділіктерін, зейіндерін дамыту;

---

Смотрите также файлы

• азастан халытар достыыны мекені атты мерекелік концертті сценариі.docx

• Iv тосана арналан 8 сыныпа информатика пнінен жиынты баалау Программаларды зірлеуді кіріктірілген ортасында есептерді шешу блімі.docx

• Решить задачу графическим методом.odt

• 3Расчистка и расшивка швов кирпичной кладки.docx

• Утверждаю заместитель начальника Главного управления мчс россии по Ненецкому автономному округу (по гпс) полковник внутренней службы А. Л. Игнатьев 2023 г. Планконспект.doc