Файл: аза тілі пнінен (оыту аза тілінде емес) жиынты баалауа арналан дістемелік сыныстар 4сынып НрСлтан, 2019 дістемелік сыныстар малімге 4сынып білім алушыларына аза тілі.docx

«Қазақ тілі» пәнінен (оқыту қазақ тілінде емес)

жиынтық бағалауға арналған әдістемелік ұсыныстар

4-сынып

Нұр-Сұлтан, 2019

Әдістемелік ұсыныстар мұғалімге 4-сынып білім алушыларына «Қазақ тілі» (оқыту қазақ тілінде емес) пәні бойынша жиынтық бағалауды жоспарлау, ұйымдастыру және өткізуге көмек құралы ретінде құрастырылған. Әдістемелік ұсыныстар бастауыш білім беру деңгейінің 1-4-сыныптарына арналған «Қазақ тілі» пәнінен үлгілік оқу бағдарламасы (оқыту қазақ тілінде емес) мен оқу жоспарының негізінде дайындалған.

Бөлім/ ортақ тақырып бойынша жиынтық бағалаудың тапсырмалары мұғалімге білім алушылардың тоқсан бойынша жоспарланған оқу мақсаттарына жету деңгейін анықтауға мүмкіндік береді.

Әдістемелік ұсыныстарда бөлім / ортақ тақырып бойынша жиынтық бағалауды өткізуге арналған бағалау критерийі мен дескрипторлары бар тапсырмалар ұсынылған. Сондай-ақ, жинақта білім алушылардың оқу жетістіктерінің мүмкін деңгейлері (рубрикалар) сипатталған. Тапсырмалар мен рубрикалар ұсыныс түрінде берілген.

Тоқсандық жиынтық бағалауды өткізу үшін спецификацияда тапсырма үлгілері мен балл қою кестесі ұсынылған. Спецификация стандартталған және оны тоқсандық жиынтық бағалауды өткізуде басшылыққа алу міндеттелген.

Әдістемелік ұсыныстар бастауыш сынып мұғалімдеріне, мектеп әкімшілігіне, білім беру бөлімінің әдіскерлеріне, критериалды бағалау бойынша мектеп, өңірлік үйлестірушілеріне және басқа да мүдделі тұлғаларға арналған.

Әдістемелік ұсыныстарды дайындау барысында ресми интернет-сайттағы қолжетімді ресурстар (суреттер, фотосуреттер, мәтіндер, аудио және бейнематериалдар) қолданылды.

МАЗМҰНЫ

---

І ТОҚСАН БОЙЫНША ЖИЫНТЫҚ БАҒАЛАУҒА АРНАЛҒАН ТАПСЫРМАЛАР

«Менің Отаным - Қазақстан» ортақ тақырыбы бойынша жиынтық бағалау

Сөйлеу әрекетінің түрлері	Тыңдалым Айтылым
Оқу мақсаты	4.1.3.1* Тыңдалған материалдың (ұзақтығы 2-2,5 мин) мазмұны бойынша сұрақтарға жауап беру/сөйлемді толықтыру және түйінді тұстарын анықтау/кесте толтыру/кластер құрастыру 4.2.2.1 Берілген тірек сөздер мен жоспардың негізінде қысқа монолог құру
Бағалау критерийі	Білім алушы Тыңдалған мәтін бойынша сұрақтарға жауап береді Мәтіннен қажетті ақпараттарды анықтайды Берілген тірек сөздер мен жоспарға сүйеніп әңгімелейді
Ойлау дағдыларының Білу және түсіну деңгейі Қолдану Орындау уақыты 20 минут 1-тапсырма

Мәтінді мұқият тыңда. Тапсырмаларды орында.

1. 
   Дұрыс жауабын тап. Айдана хатында не туралы жазды?
   

А) қалың ормандар туралы

В) үлкен көлдер туралы

С) биік таулар туралы

D) туған жері туралы

2. 
   Мәтін бойынша сөйлемдерді толықтырып жаз.
   

Ормандарда (қандай?) ___________________________ қайыңдар өседі. Бурабайдың таулары туралы (не?) __________________________ бар.

3. 
   Мәтін мазмұнына сәйкес болатын ақпаратты белгіле. А) Айдана Қазақстанды көруді армандайды.
   

В) Айдана - Джессиканың құрбысы.

С) Джессика Қазақстанда тұрады. D) Айдана Америкада тұрады.

2-тапсырма

Берілген тірек сөздер мен жоспарды пайдаланып, «Менің Қазақстаным» тақырыбына сөйле.

Тірек сөздер: мемлекет, тәуелсіз, көп ұлтты, тату, рәміздер, танымал, көрікті жерлер, кең дала, әсем табиғат, биік ғимараттар, мақтан етемін, сүйемін.

Жоспар:

1. 
   Елімнің табиғаты
   
2. 
   Қазақстан халқы
   
3. 
   Мен елімді сүйемін
   

Бағалау критерийі	Тапсырма №	Дескриптор	Балл
		Білім алушы
Тыңдалған мәтін бойынша сұрақтарға жауап береді Мәтіннен қажетті ақпараттарды анықтайды	1	мәтіннің мазмұны бойынша сұраққа жауап береді;	1
		бірінші сөйлемді сәйкес сөзбен толықтырады;	1
		екінші сөйлемді сәйкес сөзбен толықтырады;	1
		мәтіннің мазмұнына сәйкес ақпаратты анықтайды;	1
Берілген тірек сөздер мен жоспарға сүйеніп әңгімелейді	2	тақырыпқа сәйкес мәтін құрады;	1
		мәтінннің құрылымдық бөліктерін сақтайды;	1
		тірек сөздерді орынды қолданады;	1
		сөйлемдердің құрылымын сақтайды;	1
		сөйлеу барысында тілдік нормаларды сақтайды.	1
Барлығы			9

---

«Менің Отаным - Қазақстан» ортақ тақырыбы бойынша

жиынтық бағалаудың нәтижесіне қатысты ата-аналарға ақпарат ұсынуға арналған рубрика

Білім алушының аты-жөні ___________________________________________________________

Бағалау критерийі

Тапсырма №

Оқу жетістіктерінің деңгейі

Төмен

Орта

Жоғары

Тыңдалған мәтін бойынша сұрақтарға жауап береді Мәтіннен қажетті ақпараттарды анықтайды

1

Тыңдалған мәтіннің мазмұны бойынша сұрақтарға жауап беруде және мәтіннің мазмұнына сәйкес ақпараттарды анықтауда қиналады.

Мәтіннің мазмұны бойынша сұрақтарға жауап беруде/ сөйлемдерді толықтыруда/ мәтінге сәйкес ақпараттарды анықтауда қателіктер жібереді.

Мәтіннің мазмұны бойынша сұрақтарға жауап береді, мәтіннің мазмұнына сәйкес ақпараттарды анықтайды.

Берілген тірек сөздер мен жоспарға сүйеніп әңгімелейді

2

Берілген тақырып бойынша сөйлеуде қиналады.

Тақырыпқа сәйкес мәтін құрады, мәтіннің құрылымын сақтауда/ тілдік нормаларды сақтап сөйлеуде қателіктер жібереді.

Тілдік нормаларды сақтай отырып, берілген тақырып бойынша жүйелі мәтін құрайды.

---

«Құндылықтар» ортақ тақырыбы бойынша жиынтық бағалау

Сөйлеу әрекетінің түрлері	Оқылым Жазылым
Оқу мақсаты	4.3.2.1 Бейтаныс сөздер кездесетін шағын мәтіндегі негізгі ойды түсіну 4.3.4.1* Мұғалімнің қолдауымен мәтін мазмұнын және кейіпкерлердің іс-әрекетін бағалауға бағытталған сұрақтар (неліктен? не үшін?) құрастыру және оған жауап беру 4.4.1.1* Шағын сюжетті комикс/буклет/ коллаж/ жарнама/ презентацияны сөйлемдермен толықтыру 4.5.1.5* Сөйлемдегі сөздердің орын тәртібін сақтап жай және құрмалас сөйлем құрастыру
Бағалау критерийі	Білім алушы Шағын мәтіннің негізгі ойын анықтайды Мәтіннің мазмұнына және кейіпкерлердің іс-әрекетін бағалауға қатысты сұрақтарға жауап береді Сюжетті суретті сәйкес сөйлемдермен толықтырады  Сөйлем құрастыруда сөздердің орын тәртібін сақтайды
Ойлау дағдыларының Білу және түсіну деңгейі Қолдану Орындау уақыты 20 минут 1-тапсырма

Мәтінді оқы. Тапсырмаларды орында.

Екі әйел құдықтан су алып жатты. Олардың қасына тағы бір әйел келді. Өтіп бара жатқан қарт кісі де құдықтың жанында жатқан тасқа отырып, демалды. Әйелдер балалары туралы мақтанып айта бастады.

Бірінші әйел:

• 
  Менің ұлым өте күшті, оны ешкім жеңе алмайды, – деді.
  
• 
  Ал менің ұлым әнді тамаша айтады. Ондай дауыс ешкімде жоқ, – деді екіншісі.
  

Үшінші әйел үндемеді.

Әйелдер су алып, үйлеріне қайтты. Қария да олармен бірге жүрді. Әйелдер шаршап демалуға тоқтады. Олардың алдынан үш бала шықты. Балалардың біреуі ары-бері секіріп, екіншісі ән айтып келе жатты. Ал үшіншісі үндемей келіп, анасының қолындағы ауыр шелекті алды.

Әйелдер қариядан:

• 
  Біздің ұлдарымыз қандай екен? – деп сұрады.
  
• 
  Мен бір ғана ұлды көріп тұрмын! – деді қария.
  

(В.Осеевадан аударылып, бейімделген)

1. 
   Кейіпкерлер мен олардың іс-әрекеттерін сәйкестендір.
   

Бірінші ұл анасының қолындағы шелекті алды.

Екінші ұл секіріп, өнер көрсетті.

Үшінші ұл ән салып, таң қалдырды.

---

2. 
   Сұрақтарға жауап бер.
   

а) Әйелдер не туралы сөйлесті?

А) ұлдарының өнері туралы

В) құдықтың суы туралы

С) ауа райы туралы

D) қария туралы

b) Қарт кісі қай бала туралы айтты деп ойлайсың? Неліктен?

___________________________________________________________________________

с) Бұл мәтіндегі оқиға неге үйретеді?

___________________________________________________________________________

2-тапсырма Суретке сүйеніп, сөйлемдерді толықтырып жаз.

Бала үндемей келіп, ___________________________________________

Әйелдер балалары туралы ____________________________________

9

Бағалау критерийі	Тапсырма №	Дескриптор	Балл
		Білім алушы
Шағын мәтіннің негізгі ойын анықтайды Мәтіннің мазмұнына және кейіпкерлердің ісәрекетін бағалауға қатысты сұрақтарға жауап береді	1	кейіпкерлердің іс-әрекетін анықтайды: бірінші; - екінші; үшінші;	1 1 1
		мәтіннің мазмұнына қатысты сұраққа жауап береді;	1
		кейіпкерлердің іс-әрекетіне қатысты сұраққа жауап береді;	1
		өз ойына дәлелді пікір айтады;	1
		мәтіннің негізгі ойын анықтайды;	1
Сюжетті суретті сәйкес сөйлемдермен толықтырады Сөйлем құрастыруда сөздердің орын тәртібін сақтайды	2	сөйлемдерді мазмұнына сәйкес толықтырады: бірінші; екінші;	1 1
		сөйлемдегі сөздердің орын тәртібін сақтайды;	1
		сөздерді грамматикалық нормаға сай жазады.	1
Барлығы			11

---