Файл: аза тілі пнінен (оыту аза тілінде емес) жиынты баалауа арналан дістемелік сыныстар 4сынып НрСлтан, 2019 дістемелік сыныстар малімге 4сынып білім алушыларына аза тілі.docx

Айтылым

2-тапсырма

Берілген жоспар бойынша тыңдаған мәтіннің мазмұнын айт.

1. 
   Жарқыраған оттар
   
2. 
   Өзге ғаламшарлықтар
   
3. 
   Үлкен қауіп
   

[4]

Балл қою кестесі

Сөйлеу әрекеті	Жауап	Балл	Қосымша ақпарат
	Білім алушының ықтимал жауабы: Елдос далада серуендеп жүрген. Ол алаңда оттары жарқырап тұрған ғажайып кемені көрді. Кемеден екі өзге ғаламшардың адамы шықты. Олардың бойы қысқа, денесі жасыл, көздері үлкен екен. Олар Елдосқа қарай жүрді. Олар: - Жерге үлкен метеорит ұшып келеді. Мұны адамдарға айту керек, - деді. Елдос қорқып, ұйқысынан оянып кетті.	1	Баламалы мәтін қабылданады. Мәтін мазмұнын жүйелі баяндайды.
		1	Мәтіндегі негізгі ақпараттарды қамтиды;
		1	Сөйлем құрылымын сақтайды.
		1	Сөйлеу барысында тілдік нормаларды сақтайды.
Барлығы		4

Оқылым

3-тапсырма

Мәтінді оқы. Тапсырмаларды орында.

Ербол мен Тимур – достар. Екеуі бір сыныпта оқиды. Олар көптен бері болашақтың машинасын құрастырып жүр. Олар машинаға үлкен сағат орнатты.

Бүгін олар үшін ерекше күн. Олар машинаны алғаш рет іске қосып көреді. Өздері қуанып және қорқып тұр. Тимур үлкен қызыл тетікті басып, сағатты бұрады.

— Қай уақытқа барамыз, Ербол?

— Болашаққа барайық. Болашақта Қазақстанның қандай болатынын көргім келеді.

— Жақсы, онда сағатты 2030 жылға қоямын. Дайынсың ба? Кеттііііік!

Осы кезде айналадағы заттар көрінбей, балалар кеңістікте ұшып бара жатты.

1. 
   Балаларды сипаттайтын 2 сөзді анықта.
   
   1. 
      ақылды
      
   2. 
      жалқау
      
   3. 
      еңбекқор
      
   4. 
      мейірімді
      

[2]

2. 
   Мәтіннің мазмұнына сәйкес болатын 2 сөйлемді анықта. A) Уақыт машинасы үш бөлшектен тұрады.
   

2. 
   Уақыт машинасын іске қосу сәтсіз аяқталды.
   
3. 
   Достар уақыт машинасын бірінші рет іске қосты.
   
4. 
   Достар уақыт машинасымен болашаққа саяхаттады.
   

---

[2]

3. 
   Бұл күн достар үшін неліктен ерекше болды?
   

___________________________________________________________________________

[1]

Балл қою кестесі

Сөйлеу әрекеті	Жауап	Балл	Қосымша ақпарат
	А) ақылды	1
	С) еңбекқор	1
	С) Достар уақыт машинасын бірінші рет іске қосты.	1
	D) Достар уақыт машинасымен болашаққа саяхаттады.	1
	Олар өз уақыт машинасын алғаш рет іске қосады/ өздері жасаған уақыт машинасымен саяхатқа шығады/ ...	1	Тапсырманың мазмұнына сәйкес баламалы, қысқа және толық жауаптар қабылданады.
Барлығы		5

Жазылым

4-тапсырма

Берілген жоспар бойынша оқыған мәтіннің мазмұнын жаз. Мәтінді өз бетіңше аяқтап көр. Жоспар:

1. 
   Ерекше күн
   
2. 
   Уақыт машинасын іске қосу
   
3. 
   Болашаққа саяхат
   

___________________________________________________________________________

___________________________________________________________________________

___________________________________________________________________________

[4]

Балл қою кестесі

Сөйлеу әрекеті	Жауап	Балл	Қосымша ақпарат
	Білім алушының ықтимал жауабы: Ербол мен Тимур бір сыныпта оқиды. Олар – нағыз достар. Олар уақыт машинасын құрастырды. Бүгін оны іске қосады. Достар болашақтағы Қазақстанды көргісі келді. Тимур қызыл тетікті басты. Достар болашақ Қазақстанға ұшып келді. Мұнда көп жұмысты роботтар істейді екен. Қазақстан өте үлкен және танымал мемлекет екен.	1	Баламалы мәтін қабылданады. Мәтіннің мазмұнын жоспарға сәйкес жазады.
		1	Мәтіннің қорытынды бөлімін жүйелі байланыстырады.
		1	Сөйлем құрылымын сақтайды.
		1	Лексикаграмматикалық, пунктуациялық нормаларға сай жазады
Барлығы		4

---

5. Тоқсан бойынша жиынтық бағалауды өткізу ережелері

Тоқсан бойынша жиынтық бағалау кезінде кабинетіңіздегі көмек ретінде қолдануға мүмкін болатын кез келген көрнекі құралдарды (диаграммалар, кестелер, постерлер, плакаттар немесе карталарды) жауып қойған дұрыс.

Тоқсан бойынша жиынтық бағалау басталмас бұрын алғашқы бетінде жазылған нұсқау оқылып, білім алушыларға жұмыстың орындалу ұзақтығы хабарланады. Білім алушыларға жұмыс барысында бір-бірімен сөйлесулеріне болмайтындығы ескертіледі. Нұсқаулықпен таныстырып болғаннан кейін білім алушыларға тоқсан бойынша жиынтық бағалау басталғанға дейін түсінбеген сұрақтарын қоюға болатындығы туралы айтылады.

Білім алушылардың жұмысты өздігінен орындап жатқандығына, жұмысты орындау барысында көмек беретін қосымша ресурстарды, мысалы: сөздіктер немесе калькуляторлар (спецификацияда рұқсат берілген жағдайлардан басқа уақытта) пайдалануларына мүмкіндіктерінің жоқ екендігіне көз жеткізіледі. Олардың жұмыс уақытында бір-біріне көмектесулеріне, көшіріп алуларына және сөйлесулеріне болмайтындығы ескертіледі.

Білім алушыларға дұрыс емес жауапты өшіргішпен өшірудің орнына, қарындашпен сызып қою ұсынылады.

Жұмыс барысында нұсқаулыққа немесе жұмыстың ұзақтығына қатысты білім алушылар тарапынан қойылған сұрақтарға жауап беруге болады. Жекелеген білім алушыларға көмек беруге негізделген кез келген ақпаратты оқуға, айтуға, өзгертіп айтуға немесе көрсетуге тыйым салынады.

Тоқсандық жиынтық бағалаудың аяқталуына 5 минут уақыт қалғандығын үнемі хабарлап отыру қажет.

Тоқсандық жиынтық бағалау аяқталғаннан кейін білім алушылардан жұмыстарын тоқтатып, қалам/ қарындаштарын партаның үстіне қоюларын өтіну керек.

6. Модерация және балл қою

Барлық мұғалімдер балл қою кестесінің бірдей нұсқасын қолданады. Модерация үдерісінде бірыңғай балл қою кестесінен ауытқушылықты болдырмау үшін жұмыс үлгілерін балл қою кестесіне сәйкес тексеру қажет.

---