Файл: Ф. М. оыратбай, Т. Т. Сарыбаева.docx

№ 17-18 ҰЙЫМДАСТЫРЫЛҒАН ОҚУ ҚЫЗМЕТІНІҢ ЖОСПАРЫ
Білім беру саласы: Шығармашылық

Бөлімі: Музыка

Тақырыбы: «Елтаңбасы елімнің»

Мақсаты: Әннің сипатын қабылдау, дауысын дұрыс келтіріп орындау, ырғақтық бейнесі мен динамикасын дәл беру.

Міндеттері: Музыкалық шығармаға өзінің қатынасын білдіру.

Әуеннің би сипатын сезіну, би қимылдарының элементтерін орындау, халық биін үйрену арқылы көркем мұраның кейбір элементтерімен таныстыру. Балаларды музыка арқылы бауырмалдыққа, ұйымшылдыққа тәрбиелеу.

Күтілетін нәтижелер:

Жасайды: шығарманы тыңдайды, сипаттайды; дауысқа күш түсірмей ән орындайды.

Түсінеді: қарапайым музыкалық терминдерді.

Қолданады: мәнерлі қимылдарды және би қимылдарының элементтерін орындайды. Қолданылатын көрнекі құралдар: рәміздер суреттері немесе слайд арқылы көрсету; нота хрестоматиясы.

Полилингвальді компонент: елтаңба – герб – emblem.

ҰОҚ барысы

Ұйымдастыру кезеңі

Балалар музыка әуенімен музыка залына келіп, аяқтың ұшымен жеңіл жүгіріп, қол ұстасып, баяу тербеледі. Айналып, орнын ауыстырады.

Негізгі кезең

Музыкалық-ырғақтық_қимылдар'>Музыкалық-ырғақтық қимылдар:«Шеңберге тұр» (Л. Бетховен). Көңілді әуен ырғағына сәйкес шеңбер бойында би қимылдарын орындау.

Музыкатыңдау:«Аққу» (Н. Тілендиев, үнтаспа).

Балалардан музыка тыңдай отырып көз алдарына

не елестеткенін сұрау.

Күй қалай орындалды, күйдің көңіл күйі қалай? Рәміздер суреттері немесе слайд арқылы көрсету. Рәміздер туралы әңгіме өткізу.

Ән айтар алдында дауыс жаттығуын жасап алып, әуенді таза айтуға ұмтылу.

Әнайту:«Елтаңбасы елімнің» (Д. Омаров).

Педагог әнді орындап, мазмұны бойынша әңгіме өткізеді. Балаларға қайталап, қосылып айтуға үйретеді.

Әнді бір мезгілде бастау және аяқтау, әуенді дұрыс бере білу.

Ән орындау кезінде иықты көтермей, денені тік ұстау керектігін еске салу.

Әнді айғайламай, дауысқа күш түсірмей, орташа дауыспен, аккомпанементті ести отырып айту керектігін естен шығармау.

Үйренген ән «Сабантой» (Е. Хасанғалиев) еске түсіру, сөздерін анық айтуға, ән ырғағымен орындауға баулу.

Билер:«Асатаяқ биі» қыздардың қатысуымен («Билеп үйренейік» жинағынан).

Ойындар,хороводтар:«Аспаптардың дауысын ажырату».

Ойын ойнап көрейік, Көңілденіп жүрейік. Аспаптардың дауысын Ажыратып көрейік.

Педагог ойын шартын түсіндіреді.

1 ... 10 11 12 13 14 15 16 17 ... 40

Рефлексия

Педагог қорытынды жасайды. Балаларды мадақтайды.

Бүгінгі ҰОҚ не ұнады?
Үйренген әніміздің қалай аталады?
Қандай музыка тыңдадыңдар?

№ 19-20 ҰЙЫМДАСТЫРЫЛҒАН ОҚУ ҚЫЗМЕТІНІҢ ЖОСПАРЫ
Білім беру саласы: Шығармашылық

Бөлімі: Музыка

Тақырыбы: «Гүлдене бер, Нұр-Сұлтан»

Мақсаты: Шығармалардың эмоциялық мазмұнын, олардың сипатын, көңіл күйін ажырату, әсерлі реңктерін ажырату.

Міндеттері: Әннің шаттық көңілін көңілді жеткізіп, жеңіл, ширақ дауыспен шумақтардың соңын жұмсартып айту. Әуеннің би сипатын сезіну, би қимылдарының элементтерін орындау, халық биін үйрену арқылы көркем мұраның кейбір элементтерімен таныстыру. Музыка сипатына сәйкес ойын әрекеттерін орындауды дамыту.

Балалардың өз Отанына деген сүйіспеншілігін арттыру.

Күтілетін нәтижелер:

Жасайды: ән орындайды, жеңіл, ширақ дауыспен шумақтардың соңын жұмсартып айтады.

Түсінеді: ән айту дағдыларын, ережелерін.

Қолданады: халық би қимылдарының элементтерін, музыка сипатына сәйкес ойын әрекеттерін орындайды.

Қолданылатын көрнекі құралдар: интерактивті тақта, Нұр-Сұлтанның көрікті жерлерінің иллюстрациялары; ойыншық домбыра; нота хрестоматиясы.

Полилингвальді компонент: астана – столица – capital.

ҰОҚ барысы

Ұйымдастыру кезеңі

Педагог балаларды марш ырғағымен күтіп алады.

«Мерекелік марш» (Б. Дәлденбай).

Әуенінің сипаттамасына сәйкес ырғақтық қимылдарды мәнерлеп жасауға үйрету.

Негізгі кезең

Музыкалық-ырғақтық

қимылдар:«Құстар» (Т. Ломова)

Балаларға өз қалауы бойынша таныс би қимылдарын орындауды ұсыну. Би шығармашылығына баулу, мәнерлеп билеуге үйрету.

Балаларды интерактивті тақтадан елордамыз Нұр-Сұлтан қаласымен таныстырып, ондағы көрікті жерлерді атап көрсету.

Биік ғимарат – Бәйтерекпен таныстыру.

Музыка тыңдау:«Асқақта, Астана» (А. Әлиев). Тыңдаған ән туралы балалардың әсерін тыңдау.

Музыка қандай көңіл күйде жазылған?

Ән айтар алдында дауыс жаттығуын жасап алып, әуенді таза айтуға ұмтылу.

Әнайту:«Астана» (А. Досмағанбет).

Әннің сипаты, екпіні, мәтіні туралы әңгімелеу. Жаңа әнді еркін, айғайламай, табиғи дауыспен бір-біріне құлақ сала тыңдап қосыла айтуға үйрету.

Үйренген ән «Елтаңбасы елімнің» (Д. Омаров) еске түсіру, сөздерін анық айтуға, ән ырғағымен орындауға баулу.

Билер: «Асатаяқ биі» қыздардың қатысуымен. («Билеп үйренейік» жинағынан). Айналма, ашамай, сырға, толқын, ирек, буын би элементтерін мәнерлеп жасауға үйрету. Ойындар,хороводтар:«Мен күйшімін».

Педагог ойын шартын түсіндіреді. Ойынға ойыншық домбыра аспабы қолданылады. Балалар шеңбер бойымен отырып, бастаушы «күйші бала» күйге ілесе домбырада

«ойнайды». Күй тоқталғанда, шеңберде отырған қай бала бірінші орнынан тұрса, сол бастаушы-«күйші» болады.

Ойын шартын сақтап, белсене қатысуларын қадағалау.

1 ... 11 12 13 14 15 16 17 18 ... 40

Рефлексия

Педагог қорытынды жасайды. Балаларды мадақтайды.

Бүгінгі оқу қызметінің қай бөлімі сендерге көбірек ұнады?

№ 21-22 ҰЙЫМДАСТЫРЫЛҒАН ОҚУ ҚЫЗМЕТІНІҢ ЖОСПАРЫ
Білім беру саласы: Шығармашылық

Бөлімі: Музыка

Тақырыбы: «Жомарт өлкем»

Мақсаты: Музыкалық шығармаға өзінің қатынасын білдіру, оның мазмұны мен сипаты туралы пікірін айту.

Міндеттері: Қазақ халқының музыкасын қабылдау. Әннің сипатын қабылдау, дауысын дұрыс келтіріп орындау, ырғақтық бейнесі мен динамикасын дәл беру, әннің кіріспесін, басын, қайырмасын ажырату. Музыка сипатына сәйкес ойын әрекеттерін орындау.

Халық биін үйрену арқылы көркем мұраның кейбір элементтерімен таныстыру. Қазақтың ұлттық ұрмалы аспаптарында ойнауға үйрету.

Балаларды туған өлкесін сүюге, аялай білуге тәрбиелеу.

Күтілетін нәтижелер:

Жасайды: шығарманы тыңдайды, сипаттайды; әннің дыбысталуын тембрі бойынша ажыратады, ән орындайды.

Түсінеді: музыкаға сәйкес қимылдар орындау.

Қолданады: музыкалық аспаптарда жеке және топпен ойнайды, ойынға катысады.

Қолданылатын көрнекі құралдар: «Менің өлкем» атты слайд немесе суреттер; асатаяқ, тоқылдақ, тұяқтас ұлттық аспаптары; нота хрестоматиясы.

Полилингвальді компонент: туған жер – родная земля – motherland.